|
رد: مـقـــا لا ت
ياحبيبى مش موافق......... اكتب رأيك ونـتـنـاقـش
ربما اتعلم منك ....ولا انت مش عايزنى اتعلم منك ثم انا عامل الموضوع ده ليه ؟؟؟؟ مهو علشان المواهب والمعلومات والنقاش اللى يثرى العقل والفكر فى اطار الاحترام المتباددل |
رد: مـقـــا لا ت
يعنى مثلأ الجزء ده من مقالك ..اللى بعنوان ياكلوا زفت..
(اخواننا رجال الشرطة زعلانين من الشعب المصرى علشان اللى حصل فيهم من يوم 25 يناير وحتى اليوم من اهانات وحرق لاقسام الشرطة الى أخر هذه الممارسات المعروفة للجميع وصحيح ان الشعب زودها شوية ).. انا مش موافق عليه ليه يابوخالو لان الشعب المصرى ماأهانش الشرطه يوم 25 يناير ولكن العكس هو الصحيح الشرطه هى اللى أهانت الشعب وتعاملت معاه على انه من الاعداء ..وانا قريت ان احد ضباط امن الدوله قال للضباط والجنود على كوبرى أكتوبر مايهمكوش منهم دول زى الفراخ تقولهم هش يهشوا يبقى مين اللى أهان مين ده طبعأ غير الممارسات الاخرى اللى خلت الوضع يتفاقم... اما بالنسبه لحرق الاقسام فانت مش ملاحظ ان كل الاقسام اتحرقت فى نفس الوقت مع حرق مقر الحزب الوطنى وخروج المساجين المدبر يعنى مش الشعب هو اللى حرق وخرب وانما الموضوع كله كان بأيدى خفيه ليها أغراض زى موضوع معركه الخيول والجمال واحب اقولك ان بعض أقسام الشرطه ومديريات الامن زى مديريه امن اسيوط اللى كان فيها ضباط شرفاء رفضوا يسيبوا سلاحهم اوينفذوا أوامر ضد ماتمليه ضمائرهم لم تمتد اليها يد الحرق أو التخريب. |
رد: مـقـــا لا ت
لكن الاعجب والاغرب هو كمية السرقات الرهيبة والتكسير والتحطيم وتخريب كل ماهو معبر عن ناس اثرياء
فتم تحطيم فرعين من فروع كارفور وفرع من فروع ماركو (سوبر ماركت ضخم ) وهايبر وان (وهو سوبر ماركت كبير ومول تجارى باول مدينة 6 اكتوبر ) غير تحطيم السيارات وحرق اقسام الشرطة والذهاب الى المناطق التى بها ناس يعتـقـد انهم اغنياء لتخريبها وسرقتها حتى انى كنت احرج من نفسى حين أرى مناظر السرقات تعرض على الفضائيات وكأننا شعب من اللصوص وخصوصا منظر الجدع اللى فك موتور المياه ابو بالونة استينلستيل بمواسيره والسيدة التى تجر كرسى امامها والشخص الذى خلع باب الشقة او المكتب ماذا تساوى هذه الاشياء ؟؟؟؟؟ قروش قليلة .....دراهم معدودات وده جزء من مقالتك الانتفاضه وتعليقى عليه هوانى اعجبت بتحليلك للأشخاص فى موضوع أدب الرحلات ولكنك هنا لم تحلل حوادث السرقه والنهب التحليل الصحيح(من وجهة نظرى) رغم ان الموضوع واضح والايام والتحقيقات سوف تثبت الاتى: من المعروف استعانه الحزب اللاوطنى بالبلطجيه فى الانتخابات فالساده ضباط المباحث كانوا جاهزين بالبلطجيه خارج الاقسام لأطلاقهم على الثوار اذا فشلت قوات الامن المركزى فى التعامل معهم وطبعأ البلطجيه دول مش بيتأجروا بالفلوس لأن المباحث بتجيبهم بالضغط عليهم حتى لايتم عمل قضايا ليهم أو التغاضى عن بعضهم أو العمل كمرشدين فلما انسحب الامن وحدث الفراغ الامنى انطلقوا يعربدون ويسرقون فالبلد أصبحت سداح مداح مستباحه يعنى وبعضهم هجم على الاقسام عشان يطلعوا قرايبهم المحجوزين حتى يقوموا هم بما كلفوا به..... بالاضافه طبعأ الى دخول بعض الناس اللى لقوا ناس بتسرق فسرقوا زيهم. وحكى لى شاهد انه بعد ان كسر اللصوص ماكينه الصراف الالى فى كارفور قطعوا بعض بالمطاوى ليحصلوا على الغنيمه. وبعض اللصوص كانوا يقطعون الطريق على لصوص اخرين ليحصلوا على ماسرقوا........ نفهم من كده ان اللى سرقوا كانوا هم بالفطره بلطجيه ولصوص تهيأت أو هيأت لهم الظروف فانتهزوا الفرصه زى بالضبط الناس اللى بتبور الارض أوبتبنى مخالف هذه الايام استغلوا التسيب الموجود لتحقيق مكسب شخصى رخيص على حساب الثوره. |
رد: مـقـــا لا ت
[QUOTE=خالدخليفة;365081]
ياكلو زفـت ا وصحيح ان الشعب زودها شوية .........لكن معلش مهو الشعب بياخد على دماغه من سنة 1954 (بداية حكم عبد الناصر ) لحد النهاردة لكن تقول أيه ؟؟؟؟ اخواننا الثوار سمموا عليهم عيد الشرطة وانقلب الى عيد الثورة وكمان مش عارفين يرفعو راسهم ولا يشخطو وينطرو زى زمان ولكن لكى يعلمهم كيفية التعامل مع هؤلاء الخونة من ابناء الشعب الذين يريدون معاملة كريمة فـقط من الشرطة ولايريد الشعب أكثر من ذلك منهم يعنى بسلامته عايزنا يا اما نستحمل سيادته وغطرسته هو ورجالته علينافى ظل قانون الطوارىء يااما نرجع لعصور الغاب والعصور الوسطى وكل واحد يمشى ماسك طبنجة والا سكينة ويحمى نفسه بنفسه طالما كسرتم مناخيرنا وعايزين تخلونا زينا زيكم يبقى اشربوا بقى من البحر الاحمر او الابيض وأنا شخصيا لا اثق بوزير الداخلية الحالى مع احترامنا الشديد لكل من سيخالفنى فى هذا الرأى ومعلوم برضه ان السبب الرئيسى لفساد العلاقة بين المواطنين والشعب جهازين فقط من اجهزة الشرطة الكتيرة مباحث امن الدولة والمباحث العامة (مباحث القسم او ضباط اقسام الشرطة بصفة عامة ) ثم يليهم شرطة المرور وباقى الاجهزة فى الشرطة راحو فى الرجلين ولما تولى العادلى زمام عزبة الداخلية يعنى وكأنها عزبة ابوهم واحنا لامؤاخذة شوية عبيد عندهم على رأى الجدع مدير امن البحيرة طيب بقى بالذمة تفتكرو واحد طول عمره فى المباحث فى عهد مبارك من يوم تخرجه هل من الممكن يبقى كويس اتمنى ذلك انى ارجو من الله ان يزيح هذه الغمة ويخلصنا من هذه العقول الفاسدةQUOTE] اقتباس:
وانا شخصيا عانيت كثير من غطرسة الشرطة والحزب الوطنى وخصوصا حين سرقو سيارتى لتأديبى حين تشاجرت مع احد اتباع النظام السابق والمهللين له ولم أكن اعرفه ولكن عرفته بعدها والذى قام بصدم سيارتى ولازلت مشوهة بسببه حتى الأن وغيرها الكثير ولكن ما أقصده اننا ظلمنا جهات اخرى من الشرطة لاعلاقة لها بنا مباشرة او عملها غير سىء السمعة فمثلا شرطة السياحة وانا كتبت مقالة فى موضوع ادب الرحلات عن رئيس مباحث كفر صقر والذى رفض مايعادل 82 مليون جنيه رشوة وشرطة النقل وان كان لبعضهم تجاوزات و رجال الشرطة بالمطارات والفنادق وغيرها وزمان كنت اعمم الحكم بناء على الأية القرآنية التى تقول اعوذ بالله من الشيطان الرجيم (أن فرعون وهامان وجنودهما كانوا خاطئين ) وهؤلاء جنود فرعون ...... لكن بعد تجارب الحياة اكتشفت ان جنود فرعون ليسوا كل قطاعات الشرطة وأما ماحدث فى اقسام الشرطة كان مدبرا من وزير الداخلية ومبارك لارهاب الشعب وهو ما ظهر فعلا فى شماتة مدير أمن القاهرة فينا حين قال للمصرى اليوم انه لايستطيع اتهام احد بالبلطجة مع العلم ان قانون الطوارىء لايزال ساريا بس بسلامته شمتان فينا وتحدثت عن غطرسته وغروره هو ورجاله ومعنى كده ان موضوع انسحاب الشرطة كان مدبرا بل انى قابلت احد رجال زكريا عزمى نائب دائرتنا السابق ورئيس الديوان السابق فقال انهم جريوا على قسم الزيتون واخذوا منه 112 طبنجة وحوالى 23 بندقية يعنى زكريا كان عارف وبعت رجالته ياخدوا السلاح الميرى قبل م حد ياخده على أمل اعادته بعد ذلك حين عودة الأمور الى طبيعتها بافتراض حسن النية طبعا لكن حرق الأقسام وحرق المحاكم وحرق ادارات المرور كان لسببين الأول / بعض الناس تشفى غليلها من الشرطة الثانى / كثير ممن عليهم احكام قاموا بحرق كل مايدل عليهم من قضايا بالاتفاق طبعا مع رجال الحزب الوطنى ولذلك يجب النظر الى الأمور بنظرة أكثر أنصافا ونكون أكثر عقلانية فى الحكم على الناس ولكنى انا شخصيا عانيت كثيرا من جهاز الشرطة ولكنها كلمة الحق من وجهة نظرى وتقبل تحياتى |
رد: مـقـــا لا ت
نفس السيناريو مفيش اى تعديل
طيب يااخواننا غيروا وده اقتباس من مقالتك الاغبياء طبعأ فيه تعديل حصل فالقذافى ماضيعش وقت وضرب المتظاهرين بالرصاص علطول وغالبأ نهايته حتكون مختلفه عن سابقيه غالبأ يا ينطخ ياينتحر المصيبه فى اللى حيحصل بعد كده لان امريكا تعد العده للأنقضاض على البترول الليبى بحجه الدفاع عن الشعب الليبى. اما ملك البحرين فطلع مفتح شويه وسحب الجيش وأهو بيعمل حوار ياعالم ينتهى على ايه. والصول بتاع اليمن بيحاول يظبط الامور وحبه يهادن وشويه يلوح باستخدام القوه وربنا يوفقه ويطلع بحاجه جديده عشان ماتبقاش اليمن نسخه من مصر وتونس. |
رد: مـقـــا لا ت
وأما ماحدث فى اقسام الشرطة كان مدبرا من وزير الداخلية ومبارك لارهاب الشعب
وهو ما ظهر فعلا فى شماتة مدير أمن القاهرة فينا حين قال للمصرى اليوم انه لايستطيع اتهام احد بالبلطجة مع العلم ان قانون الطوارىء لايزال ساريا بس بسلامته شمتان فينا وتحدثت عن غطرسته وغروره هو ورجاله ومعنى كده ان موضوع انسحاب الشرطة كان مدبرا بل انى قابلت احد رجال زكريا عزمى نائب دائرتنا السابق ورئيس الديوان السابق فقال انهم جريوا على قسم الزيتون واخذوا منه 112 طبنجة وحوالى 23 بندقية يعنى زكريا كان عارف وبعت رجالته ياخدوا السلاح الميرى قبل م حد ياخده على أمل اعادته بعد ذلك حين عودة الأمور الى طبيعتها بافتراض حسن النية طبعا لكن حرق الأقسام وحرق المحاكم وحرق ادارات المرور كان لسببين الأول / بعض الناس تشفى غليلها من الشرطة الثانى / كثير ممن عليهم احكام قاموا بحرق كل مايدل عليهم من قضايا بالاتفاق طبعا مع رجال الحزب الوطنى ولذلك يجب النظر الى الأمور بنظرة أكثر أنصافا ونكون أكثر عقلانية فى الحكم على الناس وبكده نبقا استبينا ياعم خالد...واستبينا يعنى اتفقنا (للايضاح) وبكره نكمل حوارنا المثمر وتقبل تحياتى................... .. |
رد: مـقـــا لا ت
اقتباس:
هههههههههههههههههههههههه |
| الساعة الآن 09:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017