رد: اية اطرف موقف حصلك مع بداياتك فى السواقة ؟؟؟؟
 

مره كنت عاوز اعلم واحد صاحبى على عربيته (هوندا سيفيك 99 اتوماتيك) .. المهم نزلنا يوم جمعه بدرى وركبنا عربيته وخليته يدور ويسخن وبعدين قلتله يرجع شويه ويكسر شمال ويطلع علشان يطلع من الركنه .. والمعلم ده راح كاسر الدريكسيون وطلع بكل هدوء وفجأه راح كابس بنزين جامد وانا اتفاجئت بعيلين صيع كده ركبين عجله قدامنا .. همت شادد الهاند جامد وصرخت فيه "فرممممممممل" ويا دوب لمسنا العيال بالاكصدام وربنا ستر .. ولسه بناخد نفسنا لقيت الواد الصغير بيردحلنا "ايييييييييييه يا عاااااااااااااام" هههههههههههههههههههههه

جوز شباب زى الورد زينا عيل صغير بيشخط فيهم تخيلوا المنظر هههههههه ...

وبكده صاحبى ده حقق رقم قياسى (حادثة فى اول متر سواقه) هههههههههه

رد: اية اطرف موقف حصلك مع بداياتك فى السواقة ؟؟؟؟
 

رد: اية اطرف موقف حصلك مع بداياتك فى السواقة ؟؟؟؟
 

انا اول مرة اتعلم فيها على سفروليه ربع نقل بصندوق وهو بيعلمنى ارجع ازاي لورا رحت نازل بالعربية على الترعة وهو راح ساحب فرامل اليد في اخر لحظة والحمد لله اتسترت

رد: اية اطرف موقف حصلك مع بداياتك فى السواقة ؟؟؟؟
 

كنا لسه جايبن عربيه ما بقلناش اسبوع
وكنت ساعتها كبير يعني 19 سنه كده وكنت بسوق يعني علي قدي اوي
المهم العربيه كان عليها شويه تراب انتهزت الفرصه وقولت لوالدتي انا رايح اغسل العربيه دورت العربيه وانا طالع بسرعه نسيت فرامل اليد طبعا العربيه ما تطلعتش رحت وانا لسه يايس علي البنزين فكيت فرامل اليد راحت العربيه جريت جامد وخبطت في شجره والرفرف ادمر خالص
ركنت العربيه ومن ساعتها ووالدي مش راضي يركبهاني خالص
بس بركبها من غير ما يعرف

رد: اية اطرف موقف حصلك مع بداياتك فى السواقة ؟؟؟؟
 

الموقف دة ماحصلش معايا فى واحدة جارتنا كانت لسة جايبة دايو 2002 اتوماتيك جايباها مستعملة اول مرة طلعت بيها وكان معاها اولادها صغيرين طلعت والهاند مرفوعة ومشيت حوالي 50 متر فى طريق ترابي وبتلف فى اخره خبطت فى شجرة وفى نفس اليوم واحد جارى قالي دى لسة عاملة حادثة عند صينية من شوية ويا سلام بقى وهي بتركن هى وجوزها فيلم كوميدي انا اللى صعبان عليا العربية والعيال كان جارى ييجي جري يخبط عليا يقولى صاحبنتا بتركن ونطلع نضحك

رد: اية اطرف موقف حصلك مع بداياتك فى السواقة ؟؟؟؟
 

انا بقة الموقف اللى حصل معايا وانا فى بداية السواقة مش حصل اصلا لانى لسة مش جربت اسوق

ربنا معاكم

رد: اية اطرف موقف حصلك مع بداياتك فى السواقة ؟؟؟؟
 

والله انا لسه شاري عربية 128 من 5 ايام وبصراحة من ساعة مجبتها وانا عمال اشلفط فيها خصوصا اني بتعلم السواقة بنفسي من غير معلم اول خبطة في اول يوم وانا برجع وطبعا مش عارف اشوف حاجة ورايا ولا اقدر مسافات رحت خابط في شجرة وطبقت الاكصدام الخلفي وتالت يوم رحت اسأل عند العفشجي علي شوية حاجات وبلف علشان ارجع البيت وقلت الملف هيجبني ورحت خابط في عمود نور طيرت الجنب البلاستيك اللي ماسك في الاكصدام الامامي وخدت بوكس كويس والصاج دخل لجوه وخامس يوم اللي هو النهارده رحت علشان امون واخويا كان معايا وطبعا طلعت علي الطريق والعربيات عامله زي النمل وانا ماشي براحتي وابص في المراية الشمال حاسس ان موقف عربيات عايز يعدي قلت آخد يمين شوية علشان اللي عايز يعدي ولقيت اخويا عمال يزعق ويقولي خد شمال وانا ولا في دماغي ولا سامعه ومركز في العربيات اللي ورايا ولقيت نفسي داخل في عربية نص نقل راكنه ووشها ليه وطبعا عندي الجنب اللي قدام اتروق والاشارة اتعجنت والرفف بقي نص نص وكويس انهم سبونا في حالنا لان عربيتهم يدوب الاكصدام انجرح وبصراحة العربية بقي شكلها عره وبصراحة حاسس ان انا مش هعرف اتعلم وابتديت اقول ياريتني مجبت عربية بس مش عارف ياتري هيجي اليوم اللي هبقي فيه كويس وافتكر الايام دي ولا مش هعرف اتعلم تقريبا فقدت الامل وبحس وانا جوه العربية ببقي تايه ولا عارف اظبط ابعاد العربية ولا عارف ابص في المرايات ومش عارف اعمل ايه ارجوا النصيحة وآسف علي الاطالة