مصر موتورز مجتمع السيارات - استفسارات ايجار سيارات عام 2010

مصر موتورز مجتمع السيارات (https://www.masrmotors.com/vb/index.php)

- تأجير السيارات (https://www.masrmotors.com/vb/forumdisplay.php?f=92)

- - استفسارات ايجار سيارات عام 2010 (https://www.masrmotors.com/vb/showthread.php?t=3033)

تأجبر الفيرنا فى طنطا

كنت بتعامل مع مكتب تأجير سيارات اسمه مكتب أبناء الرفاعى فى طنطا فكنت بأجر عربية فيرنا موديل 2007 أو 2009 بنفس السعر اليوم ب 160 و ال12 ساعة ب 100 و التفويل عليا. دا كتير ولا شوية ولا إيه مع العلم انه بدأيطلب منى 120 فى ال12 ساعة علما بأننى بعت عربيتى و بأجر تقريبا كل يوم و يوم لظروف سفر مرضية للقاهرة. عايز أعرف السعر كدا مناسب ولا لأ؟ و لو فيه مكتب أرخص فى طنطا اسمه ايه و عنةانة ايه؟
أرجو الرد بسرعة و أشكركم جميعا

رد: تأجبر الفيرنا فى طنطا

هوا أعتقد السعر غالي عن القاهرة

بس مقدرشي أفيدك عن بديل في طنطا

رد: تأجبر الفيرنا فى طنطا

طول ما انت بتأجر باليوم يا باشا .. هتلاقى الاسعار دى و الاستهبال ده
أنا من رأيي ما دامت الحكاية كدة .. اتفق مع تاكسى احسن ... يوديك مصر و يجيبك و بياخد برضه فى حدود 100 أو 120 جنيه طول اليوم و ريح دماغك من السواقة و التعب ... أما بالنسبة للأسعار فا انا بصراحة بطلت أأجر بسبب الاستهبال ده

و ربنا معاك يا باشا*

رد: تأجبر الفيرنا فى طنطا

علي رأيك
100 جنيه يعني 3000 جنيه في الشهر
دا قسط الفيرنا يعمل 1200 جنيه بالتأمين كمان!!!!
اشتري عربيه قسط و ريح دماغك

رد: تأجبر الفيرنا فى طنطا

أشكركم جميعا على إهتمامكم والله اللى مزعلنى انى انضحك عليا و ماينفعش أخد تاكسى بسواق لأنى ساعات بتأخر عند الدكتور ومستنى لشهر 10 عشان أعلى فى المقدم بتاع العربية لأنى فعلا من غيرها موش قادر غير الألفاظ والتصرفات اللى الواحد بيسمعها فى المواصلات. بس عايز أعرف لو حد له تجربة مع ايجار الفرنا يقول لى بيأجرا بكام فى اليوم

رد: تأجبر الفيرنا فى طنطا

اقتباس:

المشاركة الأصلية كتبت بواسطة yaser4050 (المشاركة 189898)

معلومات احب اوضحها لك مهمة
فى اى مكان فى القاهرة او الفيوم او اى منطقة او محافظة ايجار السيارة يوم 24 ساعة لا اقل ولا اكثر
لو بتاجر العربية بسائق لازم تديلة فترة راحة على الاقل 8 الى 10 ساعات نوم
لو متفق على ان العربية عداد مقفول يختلف من مكان الى مكان بيكون من 100 كم الى 120 كم فى اليوم
لو متفق على عداد مفتوح من حقق تعمل العداد ال انت عيزة عدا انك تعمل عداد كبير زى انك تروح شرم او ابعد رايح جاى فى نفس اليوم
النزين عليك وتضح ما تريد استخدامة ليس اقل ولا اكثر
نصيحة منى دور على اى حد تانى عندك فى الفيوم مكاتب الايجار كثيرة الى ان ربنا يكرمك بعربية

رد: تأجبر الفيرنا فى طنطا

الأسعار دي للأسف واقع في طنطا والمحلة بس أنا اللي أعرفه المنصورة أرخص بس بص أنا شخصيا مبقتنعش بحكاية الإيجار دي إلا في الحالة اللي فوق القصوي إلا لو كانت بسواق أنا مأجرتش في حياتي كلها إلا مرتين ومش ناوي أغلط الغلطه دي تاني أما غير كده عادي بأجر بسواق وبقعد جنبه مرتاح ولا بمضي علي نفسي ولا يحزنون إنشاله يخبطها في الحيطه هسيبه وأمشي أما معلش أنت بتمضي هلى تمن العربية وبعدين لو حصل حاجة لا قدر الله سيادتك اللي بتدفع الثمن في عربية متستحقش أنا فاكر كان في عضو هنا منزل موضوع بعنوان ( توبه إن أجرت تاني) وكان بيقول اللي قولتهولك ده وزيادة