مصر موتورز مجتمع السيارات - ما هي عيوب ومميزات ماتركس

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ما هي عيوب ومميزات ماتركس (https://www.masrmotors.com/vb/showthread.php?t=15448)

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة كاكا (المشاركة 315790)

يا ريت الحوار بينا يكون اكثر احتراما من ذلك و لا داعى للاستخفاف و التريقة
و اذا كنت شايف نفسك فى المنتدى و تهوى التنطيط على غيرك فأحذر تكرار هذا الاسلوب معى مرة اخرى حتى لا تدفعنى للرد عليك بشكل لن يعجبك.
فلم اكتب قصص خيالية بل كتبت تجربتى مع السيارة بكل امانة و من ناحية فنية .
فمن مبادى هندسة الميكانيكا التى درسناها ان خزان الوقود يعتبر مكان مقدس فى السيارة من حيث وضعه بها و لا يجوز الاقتراب منه حتى تتكهن السيارة
و لكن عندما تضع هيونداى فلتر البنزين داخل التنك و تخالف ما تعلمناه و ما هو شائع فى تصميم جميع السيارات اذاً هناك هدف واضح من ذلك و هو هدف تجارى بحت ليس اكثر
لاجبار ملاك السيارة للتعامل مع التوكيل فقط بسبب خطورة فتح تنك البنزين من قبل الميكانيكى .
ارجو ان تكون المعلومة قد وصلت و ان يكون اسلوب الحوار اكثر احتراما .

يا استاذ كاكا لا داعي للنرفزة استاذ سامح كان بيهزر على خفيف

عشان يغير جو شوية على الموضوع ..مش اكتر ..

اتمنى ان لا تاخذ المزحه على نفسك ROSE4U

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة اسد (المشاركة 315898)

فمن مبادى هندسة الميكانيكا التى درسناها ان خزان الوقود يعتبر مكان مقدس فى السيارة من حيث وضعه بها و لا يجوز الاقتراب منه حتى تتكهن السيارة
و لكن عندما تضع هيونداى فلتر البنزين داخل التنك و تخالف ما تعلمناه و ما هو شائع فى تصميم جميع السيارات اذاً هناك هدف واضح من ذلك و هو هدف تجارى بحت ليس اكثر
لاجبار ملاك السيارة للتعامل مع التوكيل فقط بسبب خطورة فتح تنك البنزين من قبل الميكانيكى .

كان عندى تويوتا 2003 وكان فلتر البنزين داخل التانك وغيرته عادى عند ميكانيكى فى الحرفيين مش فى التوكيل وبيغير للماتريكس وجميع السيارت الانجيكشن بس سعر الفلتر بيبقى غالى عن الفلتر القديم اللى ب 5 جنيه اللى بيستعمل للسيارات اللى فيها كربرتير وكنا بنغيره بنفسنا كل 5000 كم
اماعن التانك فأى ميكانيكى عادى مش بيفك الغطاء بس ده بيفك التانك نفسه وينضفه من الداخل وكمان ممكن نوديه لورشه اللحام بالاكسجين يعنى نار لوجود صدا او لخلط البنزين بالمياه او وجود كسر كل هذه الاحتمالات موجودة وبتحدث فعلا ولو اعتمدنا على التوكيلات فى كل شيئ هنبيع العربيات وهدومنا كمان ويكون لسة علينا فلوس للتوكيل
التوكيلات دى اتعملت للى عايز يدفع شوية فلوس زيادة او ليس لديه الخبرة الكافية فى اكتشاف العيب او عدم مقدرته على حماية نفسه من اشتغالات الورش للزبون وده مش عيب دى امكانيات واحنا مستويات الدخول عندنا لاتسمح لكل من امتلك سيارة انه يذهب لصيانتها بالتوكيل ولكن عليه ان يتصرف فى حدود امكانياته والا ماكنش حد مننا ركب عربيات
يااكسلانس المهندسين والصنايعية فى مصر ما خلوش حاجة اسمها مستحيل
اما اللى قاعدين يألفوا فى كتب وعمرهم مااشتغلوا بايديهم بيبيعولك الوهم وده اللى اكتشفناه بعد التخرج اللى درسناه شيئ والواقع العملى شيئ تانى خالص والفرق بين تعليمنا وبين التعليم فى الخارج انهم بيعلموا بالتطبيق الفعلى سواء كانت الدراسة نظرية اوعملية
اعتذر عن التدخل ولكننى وددت اضاءة شمعة فى بحر الظلام
تحياتى

بالظبط عندي كورولا 2003 و مغير الفلتر و الطرمبة نفسها عند ميكانيكي عادي جداا

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة اسد (المشاركة 315898)

كان عندى تويوتا 2003 وكان فلتر البنزين داخل التانك وغيرته عادى عند ميكانيكى فى الحرفيين مش فى التوكيل وبيغير للماتريكس وجميع السيارت الانجيكشن بس سعر الفلتر بيبقى غالى عن الفلتر القديم اللى ب 5 جنيه اللى بيستعمل للسيارات اللى فيها كربرتير وكنا بنغيره بنفسنا كل 5000 كم
اماعن التانك فأى ميكانيكى عادى مش بيفك الغطاء بس ده بيفك التانك نفسه وينضفه من الداخل وكمان ممكن نوديه لورشه اللحام بالاكسجين يعنى نار لوجود صدا او لخلط البنزين بالمياه او وجود كسر كل هذه الاحتمالات موجودة وبتحدث فعلا ولو اعتمدنا على التوكيلات فى كل شيئ هنبيع العربيات وهدومنا كمان ويكون لسة علينا فلوس للتوكيل
التوكيلات دى اتعملت للى عايز يدفع شوية فلوس زيادة او ليس لديه الخبرة الكافية فى اكتشاف العيب او عدم مقدرته على حماية نفسه من اشتغالات الورش للزبون وده مش عيب دى امكانيات واحنا مستويات الدخول عندنا لاتسمح لكل من امتلك سيارة انه يذهب لصيانتها بالتوكيل ولكن عليه ان يتصرف فى حدود امكانياته والا ماكنش حد مننا ركب عربيات
يااكسلانس المهندسين والصنايعية فى مصر ما خلوش حاجة اسمها مستحيل
اما اللى قاعدين يألفوا فى كتب وعمرهم مااشتغلوا بايديهم بيبيعولك الوهم وده اللى اكتشفناه بعد التخرج اللى درسناه شيئ والواقع العملى شيئ تانى خالص والفرق بين تعليمنا وبين التعليم فى الخارج انهم بيعلموا بالتطبيق الفعلى سواء كانت الدراسة نظرية اوعملية
اعتذر عن التدخل ولكننى وددت اضاءة شمعة فى بحر الظلام
تحياتى

مع احترامى لكلام حضرتك الانجكشن ليس له علاقة بوجود الفلتر خارج التانك او داخله

لأن الفيرنا مثلا نفس موتور الماتريكس و نفس الانجكشن و مع ذلك الفلتر اعلى التانك و ليس داخله و سيارات كثيرة كذلك .

اذاً لا يوجد سبب وجيه لوضع الفلتر داخل التانك الا سبب تجارى بحت سواء فى الهيونداى او التويوتا فكلها شركات تسعى للربح التجارى و لكن للاسف على حساب المستهلك و المخاطرة به و هقولك لية

فى الماتريكس الفلتر المفروض يتغير كل 20 الف كيلو و التانك اسفل الكنبة و يوجد فتحة منخفضة تعتبر مستودع للاتربة و الاوساخ المتراكمة بها غطاء معدنى حوالى 20 سم فى 15سم يحوى العوامة و الفلتر داخل التانك و هذا الغطاء به 8 صامولات 8 ملى محتاج يتفك كل 20 الف

عارف يعنى اية ؟؟؟

* تعرض التانك لسقوط الاتربة المتراكمة اعلى غطائه عند فكه

* الجوان الكاوتش الموجود بين الغطاء و التانك بيتأثر بعملية الربط و الفك اكثر من مرة و دة معناه تسريب بنزين او رائحته كما حدث عندى نتيجة عدم احكام الربط عليه جيدا.

* خطورة فكه عند اى ميكانيكى و سأترك لك الاجابة على هذا السؤال
ماذا يحدث لو فلت مفتاح فك الصماويل من يد الميكانيكى اثناء الربط او الفك و لطش فى الحواف المعدنية الموجودة حوله و عمل شرارة بسيطة مع بخار البنزين اللى بيغرق اللى بيفك التانك ؟؟؟؟

اظن الاجابة واضحة يعنى لما تروح لميكانيكى متروحش عند واحد غشيم يعنى انت و حظك.

* بعد اخراج امعاء التانك ستجد ان الفلتر نظام تركيبه كبس و ليس ربط بمعنى ان ما يمسكه داخل التانك عبارة عن حاوف بلاستيك
تحتاج كل مرة ان تفتحها بقوة بسن مفك عادة حتى تخلص منها الفلتر و دة نظام غير عملى فى شىء المفروض يتفك كل 20 الف كيلو
يعنى اكيد بعد فترة هتغير المجموعة دى كلها .

و فى الاخر اوضح شىء للناس اللى بيحبوا الماتريكس

موضوع الفلتر لم يكن فى دماغى اساسا الا بعد ما غيرته فى التوكيل اول مرة
وكل ما اشغل التكيف اشم رائحة خانقة و غريبة و لم يكن يخطر ببالى انها رائحة بنزين

الا عندما دخلت امون و شميت رائحة البنزين اثناء تعبئة السيارة و قارنتها بالرائحة داخل السيارة
فعرفت فورا ان فى مشكلة فى التانك اسفل الكنبة و بالفعل وجدت البهوات بتوع التوكيل لم يربطوا فتحة التانك جيدا و قمت بأعادة ربطها و انتهت المشكلة

و عند ذهابى للتوكيل مرة اخرى فى الصيانة الدورية اخبرت المهندس بما حدث منهم
فقال لى اصلهم مبيحبوش يربطوا غطاء العوامة و الفلتر جامد علشان يحافظوا على الجوان لانه لو اتربط جامد كل مرة مش هنلاقى الجوان طبعا كلام يسد النفس
يعنى يا ريحة بنزين تطلع يا الجوان يبوظ من الربط كل شوية !!!!!

طيب بلاش انا هاتوا اى حد من الشارع و قولولوا الكلام دة يصح و لا لا و دة يعتبر عيب فى السيارة ان الفلتر يبقى جوة التانك و لا لا
و يقصدوا اية من الحوار المؤرف دة كله ؟؟؟؟؟

و اخيرا و بكل امانة انا بتحدث عن السيارة من ناحية فنية فهى ليست كاملة طبعا و انا لم اتحدث بعد عن اسطوانة الدبرياج اللى مكملتش 20 الف و شاطت والتوكيل النصاب عايز يغير طقم الدبرياج كله على حسابى .

رد: هيونداى ماتريكس ..هل فعلا سيارة تستحق الاحترام ؟

وجهة نظر جيدة جدا ومفيدة نشكرك عليها ياأخ كاكا وعلى الموضوعية التى شرحت بها ونحن جميعا متفقين على ان جميع سيارات اليوم المقصود بها اشتغالات تجارية لااكثر ولااقل والبس يازبون وتانى ارجع واقول الله يكون فى عون الاخوة ملاك التاكسى الابيض وبرضه كله على قلب الزبون مش عارف بس الزبون هيلاقيها منين ولامنين المهم يالا بينا نروح قسم البايكرز خلينا ننتعش شوية

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة السليل (المشاركة 315633)

نعم الماتريكس سيارة محترمة ومريحة وقوية وعائلية
وميعرفها بس اللي ركبها

متفق معاك فى الرأى

رد: هيونداى ماتريكس ..هل فعلا سيارة تستحق الاحترام ؟

عربية عائلية من الدرجة الاوليROSE4U

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة كاكا (المشاركة 315790)

ليه بس كده يا بشمهندس كاكا
معلش اصلي مش عارف اسمك الحقيقي فمفيش الا اسم العضويه

بالنسبه للغه الحوار فانا مش عارف ليه اخدته بصوره شخصيه وبتحاول تصور كلامي أنه استهزاء برأيك او تريقه علي كلامك
فبصراحه مش عارف ايه بالظبط اللي زعلك !!
يعني هي كلمه بنزيم كلمه بايخه مثلا ... او طلبي انك تكرر مشاركتك في موضوعي ضايقك ... مع اني فعلا طلبتها بجد مش هزار ... حتى لو كان شكل كلامي هزار

ده غير انك اكدت في كلامك ان وجود الفلتر جوه التانك هدف تجاري علشان نفضل مرتبطين بالتوكيل
[/QUOTE]
و طبعا وجود الفلتر داخل التانك له هدف عند هيونداى و هو ان حضرتك تصبح مرتبط بالتوكيل دائما .
[/QUOTE]

فلو افترضنا فعلا ان الكلام ده مظبوط يبقى الطبيعي إني أسأل هل فعلا هيونداي بتعمل كده من نفسها علشان الوكلا بتوعها و لا هما اللي بيطلبوا منها كده
مش كده برضو ولا ايه ؟؟!!
طيب دا انا حتى مشيت معاك في وجهه نظرك ... واعتبرتني بتريق ...
اومال لو كنت اعترضت عليها كنت حتقول عليا ايه !!!

فبصراحه انا مش شايف في كلامي اي تريقه او استخفاف بشخصك
حتى لو كان بمزاح فهو مقصود وواضح المعنى ومستني منك الرد

ومع ان اغلب الاعضاء الافاضل اللي ردوا عليك شافو ان كلامي هزار ومش بمحمل شخصي زي ما حضرتك بتحاول تصور
لكن عموما لو انت شايفه تريقه وتنطيط واستخفاف فتقدر بمنتهى البساطه تستخدم حقك و تبعت تقرير بمشاركه سيئه او شكوى
ولو ليك حق او وجد اني خالفت قوانين المنتدى او اداب الحوار يبقى استحق الجزاء بالانذار او الايقاف حسب المخالفه وليك عندي اعتذار واجب
لاني محبش اطلع غلطان و معتذرش
وحتى لو مطلعتش غلطان ...
مش حعمل كده تاني طالما زعلك مني ..
( بس اوعى تفتكر ده بسبب كلمات التهديد و الوعيد والتحذير و التنبيه ..
مطلقا بتاتا ابسليوتلي ..
ده بس علشان قلبي ابيض و محبش حد يبقى زعلان مني )
ROSE4U

اما رد حضرتك و اتهامك ليا اني بحب اتنطط و شايف نفسي و تهديدك باستخدام اسلوب ميعجبنيش
فهو بمنتهى البساطه والوضوح اسلوب رخيص لاستفزازي بكلام نفسي زي ما عملت مع اعضاء تانيين في المنتدي من خلال الكام و عشرين مشاركه بتوع حضرتك ...
وبجد من غير هزار ... اسلوبك واضح جدا في محاوله افتعال المشاكل وبتدور على اي رد او كلمه تمسك فيها علشان تتخانق او تخلي الناس تديك الفرصه اللي بتدور عليها
بدليل انك دورت في الردود على اي كلمه تتحجج بيها او تعملها مشكله

بس معتقدش انك حتلاقي الفرصه دي عندي 444546
لأني ولله الحمد ...عارف حدودي كويس

فللاسف ...
محاوله فاشله ...
من فضلك أعد المحاوله مره أخرى :)

وتقبل تحياتي .. بشمهندس كاكا