مصر موتورز مجتمع السيارات - موسوعه شامله عن بروتون واجا + اسعار قطع الغيار " متجدده بأستمرار "

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

رد: موسوعه شامله عن بروتون واجا + اسعار قطع الغيار " متجدده بأستمرار "

موضوع جميل جدا
ممكن حضرتك تقولى معلومات عن بروتون ساجا الجديدة علشان عاوزة اشتريها

رد: موسوعه شامله عن بروتون واجا + اسعار قطع الغيار " متجدده بأستمرار "

الصور مره اخرا لو سمحت وشكرا عللى الشرح الجميل

رد: موسوعه شامله عن بروتون واجا + اسعار قطع الغيار " متجدده بأستمرار "

اقتباس:

المشاركة الأصلية كتبت بواسطة MohabSaeed (المشاركة 2928)

اهلا بيك يا استاذ احمد و شكرا على تقيمك الجميل . فعلا انا معاك صوت الموتور عالى لكن مش مزعج .
بالنسبه للشكل ف تصميم الواجا حاجه من اتنين ملهاش تالت . ياتحب تصميمها الكلاسيكى . يا تكره .... مافيش وسط لان فعلا فى ناس بتنبهر اوى بتصميمها الى يوحيلك بالفخامه , وفى ناس بتقول عليها ان تصميمها صندوقى من اجيال الثمانينات .

نفس الكلام يتقال على الانتيرور . بس انا عاجبنى جدا حركه الكونسول الى جاى ناحيه السائق" مسروقه من الفاروميو " و عاجبنى جدا جدا الفيتيس المايل ناحيه السائق ....ماشوفتش الموضوع ده غير فى الالفا 156 .

اجمالا العربيه ممتازه بالنسبه لسعرها , و جيده جدا بالنسبه لفئتها , وطبعا مننساش انها نزلت سنه 2000 يعنى دلوقتى بقالها 8 سنين و فى الوقت ده حصل ثوره فى التصميمات كبيره جدا .

عموما بروتون حاولت تمشى على نهج الفاروميو فى تصميم الواجا... المثلت الى على الكبوت من اسفل الشبكه وحتى الخط الجانبى , الخط الجانبى المستقيم الى ماسك من اول العربيه لاخيرها.....الخطوط و النهايات الحاده ..... كلها لمحات ايطاليه , بس ممكن نقول مع تحفظ لوتس الانجليزيه و ده واضح جدا على تصميم مؤخره الواجا الى فعلا تحس انها تقليديه اوممكن كلمه كلاسيكيه تكون اكثر دقه .

بس بالنسبالى اكتر حاجه عجبتنى فى العربيه ديه تصميمها لدرجه انى لو لقيت واجا ماشيه جمبى بقعد اتفرج عليها :w6w2005041113562663. بحسها مختلفه عن باقى العربيات , انا عموما بحب النوع ده من التصميمات " التصميمات الخاليه من البهرجه او تعقيدات " :F_14WA~16[1]:

ربنا يخليك يا استاذ هانى , الف شكر على ردك الكريم .

أنا كمان لما بلاقي واجا باقعد أتفرج عليها لدرجة إني بخاف عليها من إني أحسدها وباقول ما شاء الله لا قوة إلا بالله علشان ماحسدهاش ... بجد الحسد ممكن ييجي من غير قصد ...

رد: موسوعه شامله عن بروتون واجا + اسعار قطع الغيار " متجدده بأستمرار "

شكرا على هذا التقييم القيم واحب اعرفك اننى كان نفسى اشتريها لاكن كل شىء نصيب واضيف بان لى اصدقاء معاهم الواجا

رد: موسوعه شامله عن بروتون واجا + اسعار قطع الغيار " متجدده بأستمرار "

اقتباس:

المشاركة الأصلية كتبت بواسطة Ahmed Anwer (المشاركة 6470)

بروتون لغز بالنسبة للمصريين

و جودتها محل اختلاف كبير

معظم الناس مقيمنها في مستوي الصيني

و كمان مع عدم توافر قطع غيارها غير في التوكيل

النتيجة لازم تكون سيئة حاليا بس ان شاء الله

البروتون سيارة محترمة جدا جدا المشكلة ان وكيلها بخيل فى الدعاية ورافع اسعار قطع غيارها ودة السبب انها مش منتشرة كما يجب ثم لانها مش منتشرة احجم التجار عن شراء قطع غيار لها فاصبح الوكيل هو الوحيد المسيطر على تجارة قطع الغيار وبسعر مغالى فية ودة سبب سعر اعادة البيع المتدنى ودة راى الشخصى

رد: موسوعه شامله عن بروتون واجا + اسعار قطع الغيار " متجدده بأستمرار "

اقتباس:

المشاركة الأصلية كتبت بواسطة mmmmgogommmm (المشاركة 143858)

الكلام ده اتغير و بقت قطع الغيار متوفرة فى اماكن متعددة خارج التوكيل

رد: موسوعه شامله عن بروتون واجا + اسعار قطع الغيار " متجدده بأستمرار "

احب اقول انى امتلك واجا من سنه العربية انا بصراحه مبهور بيها جدا وكل يوم بكتشف فيها الجديد ثبات ملوش مثيل على السرعات العالية وعند الدوران على السرعات العالية الصاج قوي جدا بصراحة انا شايف ان العربية دى مظلومة جدا في مصر