المشاركة الأصلية كتبت بواسطة mohamedsalahelden (المشاركة 667802)

بعد ما رحت التوكيل تم عمل سوفت وير جديد للعربيه وبحمد الله النتشه اختفت بدرجه 80% وان شاء الله مسافر القاهره بكره وهتبان اوى على الطريق الصحراوى واشكر كل من تابع معى موضوعى من البدايه الى النهايه وعلى العموم كلنا استفدنا من التجربه واما ارجع هيبان ايه الاخبار وانا عاوز بس ادى كل واحد حقه التوكيل كما قولت سابقا وبكرر تانى توكيل محترم مش علشان اختلفت معاه اشكك لا انا قولت فى اول موضوعى محترم وانا بكرر ده دلوقتى ثانيا جهاز حمايه المستهلك كان له دور واضح فى حل المشكله ودى وان شاء الله اما ارجع هقولكم الاخبار

المشاركة الأصلية كتبت بواسطة ahmedashraf (المشاركة 666845)

للأسف يا ستاذ محمد هو ده الواقع, لما تبقى جماركنا على العربيات زي دول الخليج وينتهي جشع التجار نبقى نتشرط بمزاجنا, غير كده ..... إنسى. يعنى الأكسنت آر بي إللى راكبها فى السعودية من السعوديين بيبقى من الغلابة إلى حد ما, ياعيني مش عارف يجيب كامري ولا حتى كورولا, عندنا إللى راكب أعلى فئة (إللى هي فئة متوسطه عندهم) بيبقى عامل فرح ودافع فيها إللى وراه وإللى قدامه وعليه أقساط ويمكن مستلف جزء من المقدم كمان.

أكتر ميزه عجبتني فى اللوجان وأنا بشتري إن الوكيل مش منفضها من الأوبشنز زي عربيات تاني ولا سيما الهيونداي, يمكن بس ال ABS والإيرباج الثانيه لاكن كل الباقي واحد المواتير الأوبشنز, كله, وده مش علينا بس, فيه دول تانيه في أوروبا أعتقد رومانيا وروسيا بتنزل فيهم فئه كده برده من غير إي بي إس ولا إيرباج ثانيه, في المقابل شوف الإلانترا الجديده, الكاسيت متغير, مدخل الأيبود مش موجود ومكان اليو إس بي زفت, متشال منها 4 إيرباج عن إللى بتنزل بره, مفيش تدفئه فى الكراسي, الموتور مختلف مش ال GDi وغيره وغيره وفوق ده كله شوف سعرها, عربية حلوه ماشي بس ليه كده؟!! يعني لو نزلها كاملة هتبقى بكام؟؟ ده قليلو لو عدت ال 180 ألف بسياسة غبور التسعيرية دي!!!! ينهار.....!!!!

ياباشا الوضع ده علينا كلنا للأسف, ويارب يصلح الأمور ويعدل المايله.

بالنسبة لموضوعك, ده خبر جميل جدا! يارب كده تفرحنا قريب إن المشكلة إتحلت, وأنا تحت أمرك لو حبيت نتقابل زي ما قولتلك, بس اليومين الجايين مش حينفع عشان ظروف كده, لو حبيت كلمني ونتفق. بس هو موضوع السوفت وير ده بس عشان المشكلة إللى عندك ولا هيعمموه على كل العربيات, زي موضوع مجموعة البريك إللى كان في المانوال؟!