مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - رحلة لبورسعيد (https://www.masrmotors.com/vb/showthread.php?t=29616)

رد: رحلة لبورسعيد

اقتباس:

المشاركة الأصلية كتبت بواسطة احمد بدر1978 (المشاركة 211436)

لا مغيرناش الكلام بس انا لسة داخل على النت دلوقتى ويومى ما شاء الله كان يوم مالوش حل مش عارف اصطبحت بوش مين ولا مين دعا عليا الرخص اتسحبت وعملت حادثة واخر اليوم الكوبلن انكسر

الف سلامه عليك يابوحميد
طمنا ايه اللى حصل ؟
اهم حاجه انت كويس ؟؟

رد: رحلة لبورسعيد

اقتباس:

المشاركة الأصلية كتبت بواسطة corsair (المشاركة 211706)

انا كنت رايح الشغل امبارح الصبح وكان في حدثة علي كوبري السبع عماير في الاتجاه التاني وواحد جحش معاه مرسيدس ماشي اودامي وفرمل مره واحده علشان يشوف الحادثه وانا في ظهره وكنت هلبس فيه لبسه عنب كنت ماشي 90 علي الكوبري بس سبحانه من نجاني من الموقف ده باعجوبة وفي اقل من 3 متر فاديته علي الشعره

وانا راجع من الشغل في نفس اليوم عند نفس الكوبري واحد بعربية جولف بيجري ووسعتله ولقيته راح مطير واد من بتوع الدليفري سحله وخله كل الاسفلت كله وسواق الجولف اغم عليه وتقريبا الواد بتاع الدليفري مات لان الدم كان مغرق الاسفلت انا وصلت لمرحلة اني مبقتش عارف اسوق من المناظر اللي شوفتها في اليوم ده ومبقتش عارف الفرامل من البنزين من الدبرياج وركنت شوية ونمت نص ساعه في العربية وكملت وروحت

الحمدلله ياحماده
فعلا الواحد ساعات بيشوف حاجات ادامه تسيب الاعصاب

رد: رحلة لبورسعيد

عموما احنا فى انتظار الترتيب من استاذ حازم وابوجوجو

رد: رحلة لبورسعيد

اقتباس:

المشاركة الأصلية كتبت بواسطة Bendary (المشاركة 211731)

الف سلامه عليك يابوحميد
طمنا ايه اللى حصل ؟
اهم حاجه انت كويس ؟؟

تسلم يا ابو مروان وربنا يسترها عليك وعلينا

رد: رحلة لبورسعيد

اقتباس:

المشاركة الأصلية كتبت بواسطة corsair (المشاركة 211703)

ايه ده ايه ده فيه ايه انا امبارح بردك كان يوم عالمي وكنت هتروق ترويقة عنب وكنتوا هتلاقوا موضيعي بتطلع من مشرحة زينهم

ايه مالك يا ابو حميد خير ان شاء الله ايه اللي حصل بس

انا امبارح كان يوم مطلعتلوش شمس
دة اول يوم اركب العربية من يوم ما رجعت من عيد الميلاد
نزلت الصبح لقيت اللجنة بتاعت الكيلو 21 واقفة عادى زى كل يوم اول مرة الاقية يقولى الرخص واركن على جنب نزلت خير قالى امن ومتانة عشان عندى خبطة فى الرفرف اليمين وممعجنها طيب ادفع صلح قالى لا ظابط ابن حلال مصفى قالى فحص واخدت الوصل ومشيت مش مشكلة
شوية وانا ماشى على الدولى واحد ابن حلال راكب سوزوكى توناية حب يخد غرزة راح واخد نفس الرفرف وطلع يجرى مسكتة فى نزلة الموقف الجديد ولبستة فى الخرسانة بتاعة مفترق الطرق يلا ماهو فحص بفحص
وانا راجع كانت العائلة معايا حسيت ان العربية بتزحف رحت موصلهم وراجع على بتاع الكاوتش اتارى وانا مسافر مصر كنت مظبط الكاوتش 28 فى بنزينةالباشا اللى ظبطة كان تقريبا مش شايف بيعمل اية اتارية عملى فردة 25 وفردة 22 وفردة 18 وفردة 15
المهم دخلت لس بدخل العربية الجراج راح الكوبلين اليميين مكسور احلى يوم فى حياتى