مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة cupidz_81 (المشاركة 54234)

اولا الف شكر على اجابتك
بس عندى استفسار بسيط
انا مش بشوف المازدا 323 موديل 2001 فى مصر كتير
هل هى مش منتشره فعلا زى مانا ملاحظ وهل ده لوجود عيب شائع فيها و لا لأ
ولا منتشره وسهله فى اعاده البيع
ولك جزيل الشكر

انتشار الماذدا فى مصر قليل ولكن ليس لعيوب ولكن لثقافة
بالنسبة لاعادة البيع فلها عشاقها

رد: متوسط اسعار المستعمل هذا الاسبوع

الف شكر يا دكتور تامر على مجهودك الكبير والرائع ...
انا محتاج مساعدتك ... انا معايا لانسر موديل 1998 اوتوماتيك كاملة اعلى فئة ... العربية شغالة معايا زى الفل ومفيش اى شكوى منها ... بس المشكلة انى بصراحة زهقت منها ... نفسى أغير وأركب حاجة زيرو ... بس طبعاً محتار أركب اية بعد اللانسر ... والمشكلة كمان انى عاوز حاجة فى حدود من 70 إلى 80 الف بشرط الاوتوماتيك والزيرو ...
انا عاجبنى قوى البروتون واجا والجين 2 ... بس الواجا عاجبانى أكتر لأنها عائلية ....
فى ناس بيقولولى حرام عليك .. تبيع لانسر وتركب بروتون ... بالرغم من انى شايف ان البروتون عربية محترمة برضو ..

يا ريت يا دكتور تامر تقولى رأيك بصراحة فى البروتون .. وتنصحنى بأنهى عربية من وجهة نظرك سواء بروتون أو غيرها ؟؟

وشكراً جزيلاً

رد: متوسط اسعار المستعمل هذا الاسبوع

استاذنا الكبير النوبيرا ما لها و ما عليها و هل هي نفس قطع غيار الانوس

رد: متوسط اسعار المستعمل هذا الاسبوع

دكتور تامر برجاء الفادة باسرع وقت
اوبل فيكترا موديل 95 اول يد - 2000 سى سى اوتوماتيك اللون اسود حالة السيارة جيدة جدا تكييف ممتاز عفشة مجددة بالكامل صالون فابريكة دواخل فابريكة بطارية جافة جديدة كاوتش كومهو كورى جديد رخصة سارية حتى اكتوبر 2010 مرور مدينة نصر مميزات السيارة : 1- 4 زجاج كهرباء 2- مرايات كهرباء 3- خاصية السبورت درايف بالفتيس 4- سنتر كامل الاكسسوارات و التعديلات الاضافية : 1- طقم زينون المانى الصنع 2- 4 جنوط سبور تيوانى دارك جراى ( لون نادر ) 3- كاسيت سى دى ام بى ثرى ماركة سونى مع امكانية تشغيل فيديو سى دى 4- سماعتين بايونير 360 وات تايوانى اصلى 5- فرش جلد نقشة مميزة 6- شاشة دى فى دى 7- كساحات امامى و خلفى 8- عتب جانبى 9- سبويلر 10- طقم ابانوس اصلى للتابلوه 11- شكمان المانى جديد 12- انذار كامل مع وحدات رفع

تساوي كام
وايه رايك فيها كعربية
وقطع غيارها غالية ولا معقولة؟
ولو اتباعت بعد كدة تخسر كتير ؟
وهي ولا لانسر 1600 سي سي اتوتوماتيك 1999
ولو اللانسر يبقي تعملها كام دلوقت

واسف على الزعاج

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة cairo2005 (المشاركة 54474)

الفكترا بهذه المواصفات التى ذكرتها ممتازة
الفيكترا عموما سيارة ممتازة وعمر افتراضى طويل وكفاءة فى التشغيل والتحمل والمتانة
قطع الغيار غالية ككل الالمانى
ودائما فى اعادة البيع تخسر لان حظها فى السوق شوية وهذه ثقافة شعب
وبالمقارنة بالانسر على مستوى السوق اللانسر للاسف تكسب

الاوبل 95=45000
اللانسر 99=54000