|
|
رد: حقوق المواطن فى اقسام الشرطة
اقتباس:
أمان أية اللى جى تقول علية هو لما يبقى الواحد قاعد فى بيتة ويلاقى بلطجية الشرطة داخلين علية ياخدوة على القسم ويلبسوة قضية مخدرات يبقى دة أمان .ولا لما تبقى ماشى فى حالك وراجع من شغلك مهدود وميت وتلاقى أمناء المباحث وقفوك ويقلبوك تمام وياخدوا منك رزقك ورزق عيالك يبقى دة أمان .ولا لما تتهم بقتل بنتك ويخلوك تمثل الجريمة كمان يعنى مش تعترف وبس وتتطلع البت عايشة ومحدش لمسها أصلا يبقى دة أمان . ولا لما أمين شرطة معفن يموت أثنين بسلاحة الميرى علشان كان عايز ياخد واحد معاة تحرى ومرضيش يروح معاة يقوم يتمنظر قدام الناس بسلاحة وتكون النتيجة أثنين أبرياء من الناس وما زال يحمل سلاحة يبقى دة أمان .ومش هتكلم على شهيد الأسكندرية فين الأمان . ويسلام على أقسام الشرطة حيث الصواعق الكهربية والضرب بالكرباج والخواذيق والتعليق والأعتدائات الجنسية فييييييييييييين الأمااااااااااااااان .وبعد كل دة وفى أكثر من كدة بكثير أوى جاى تقولى تصرفات غير لائقة دة أسمة كلام هو حضرتك معتقد أنك مش هتلاقى فى منتدى للسيارات غير شوية عيال مهوسين بالعربيات أسمحلى أنت غلطان .وبعدين حضرتك بتتبع نفس أسلوب الشرطة والحكومة حيث أنك تتطالبنا بوجوب الأعتراف بأيجابيات الشرطة الغير الموجودة أصلا وتيجى عند السلبيات يبقى لا مانع بصراحة قمة العطف والكرم من حضرتك . ممكن أعرف حضرتك شغال أية ؟ |
رد: دعوة للعمرة
عزيزى ابو سلامة
ال 7500ج تشمل الاقامة فقط بدون وجبات التاشيرة مصاريفها 550ج تذاكر الطيران فى حدود مبلغ 2250-2350ج للفرد ( اللقاهرة - جده - القاهرة ) هذه اسعار العام الماضى تقدر حضرتك تتصل بمصر للطيران تسال عن اخرالاسعار . تحت امرك فى اى سؤال |
رد: حقوق المواطن فى اقسام الشرطة
اقتباس:
1 . دكتور ايمن محامي ومعاه الدكتوراه في القانون ( معرفش التخصص ايه بالتحديد ) 2. انا اللي اقترحت عليه وطلبت منه انه يتكلم معانا في المنتدي عن حقوق المواطن الللي المفروض تكفلها ليه الدولة والراجل رحب بالاقتراح ومقالش لأ وقال في موضوع سابق ليه اللي عاوز اي استفسار قانوني مجانا لاعضاء مصرموتورز 3. جهاز الشرطة زي ما فيه الوحش فيه كمان الحلو وان كان مش ظاهر علشان الوحش زاد وطفح وغطى وده مش معناه ان كل جهاز الشرطة زفت ده مش دفاعا عن الشرطة لاني فعلا بتضايق من حاجات كتير بيعملوها زيي زيك 4. مصر موتورز منتدي متكامل فيه كل التخصصات وكل الاعمار ومش معني ان اسمه مشتق من السيارات يبقى خاص بالسيارات بس 5 ياريت حضرتك تقول المشكلة اللي حصلت معاك ايه وتطلب المشورة وازاي تتصرف او لو مشكلة حصلت مع حد تقول حصل معاه كذا وازاي تتصرف لو حصل معاك نفس الموقف على الاقل الاعضاء اللي هيدخلوا هنا هيستفيدوا من خبرة حضرتك في المشكلة وازاي الحل القانوني ليها |
رد: انا اتختقت من النور العالى و الزينون
يا رجالة بالراحة شوية بس فى النقاش.
النور الواطى فعلا لازم يكون مضاء دائما فى النهار أو الليل طالما السيارة تدور فى دول كتير قانونا, لتفادى الحوادث, عندنا الكلام ده غريب لأنك لو راكب مدرعة لازم هتعمل بيها حادثة لأن كل حاجة بايظة من أول الطرق للقانون, هما بيحاولوا يحافظوا على صحة مواطنيهم على عكس عندنا:crazyW14:. والنور يارجالة مش بس علشان تشوف قدامك, لكن علشان الناس التانية تشوفك, وياخالد باشا أنا فى سواقين تاكسى بيطلعوا عينى, يبقى ماشى طافى كل حاجة وفجأة تلاقى حاجة سوداء فى وشك (بالليل, وده غير أنه مبيولعش أشارات), لو هو شايف كويس ونظره مساعده أو متعود, فى ناس تانية غيره فى الشارع مبتشوفش:). وأستاذ limoway كلامه صحيح 100% وأنا أتفق معاه تماما. المشكلة عندنا مشكلة رجلاش النور بتاع الكشاف اللى محدش بيهتم بيه, وثانيا تركيب لمبات قوية فى فوانيس غير مصممة لها, سواء زينون أو هالوجين, لازم عدسة توجه النور لو قوة اللمبة زادت عن حد معين, وده اللى بيحصل. وغير كده أغلب العربيات اللى فى الشارع بقت مركبة زينون, لما الزينون يبقى ب 250 جنيه والعدسات بتاعته وتكلفة تعديل الفانوس تعدى ال 600 جنيه حد هيعملها؟ بس فى سواقين تاكسى ربنا يكرمهم, معرفش بيلزق لزق على الفانوس ولا أيه, بس دايما تلاقى النور بتاعه ضارب فى الأرض وفارش قدامه, ولما يقف فى أشارة, تلاقى النور مش واصل لنص شنطة العربية اللى قدامه, علشان ميعميش غيره. وفى سواقين يبقى واقف فى الزحمة وراك بأربع عربيات والنور بتاعه ضارب فى عينك مش مخليك شايف حاجة, وواقف مبيتحركش, طب مايطفى تكة نور ويريح اللى قدامه, ولا علشان يشوف يعمى 10 غيره. الغلط فى كل حاجة فى البلد مش غلط حد معين, ربنا يصبرنا. |
رد: انت مين ؟؟؟؟؟؟؟؟؟؟؟؟؟؟ وعربيتك ايه ؟؟؟؟؟؟؟؟؟
حتى الأن احمد ابو الاسعاد مردش على السؤال
عندك كام سنة وسابنا للتخمينات من 23 - 30 يبقى كده مفيش غير حل واحد ابو نورا يدخل على صفحته ويطلع السن بتاعه ههههههههههه عموما انا عرفت تقريبا السن كام لكن هسكت لما يقول بنفسه صباح الفل يا عم احمد GIFT4UGIFT4UGIFT4U |
رد: دعوة للعمرة
جزاك الله خير استاذ بنداري
المصاريف كده حضرتك لو 3 افراد 7500 اقامة 1650 تأشيرة 6750- 7050 طيران يبقى الاجمالي 15900- 16200 يعني متوسط الفرد 5300 -5400 |
رد: حقوق المواطن فى اقسام الشرطة
ما هي حقوق حامل جنسيه اجنبيه ؟ و هل لابد من طلي اثباتها؟
|
| الساعة الآن 03:14 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017