رد: حكايتى مع الخسسان.. الطريق الطويل للوصول الى الجسم المثالى
 

طب والله فكرة يا دكتور ... بس نخليها كل شهر بقى علشان يبقى فيه تشجيع اكتر و تحدى بين الأعضاء

و طبعا الموضوع ده بياثر على المساعدين ... امال انا عاوز اخد مساعدين معايا مصر ليه :)

و انا ممكن ابدأ التحدى ده من مكانى هذا و مع انى نازل مصر للتبويظ كله :) و لو حد عاوز يتحدانى انا جاهز و مرحب (ماتفتكروش ان انا بطل ولا حاجة بس متهيالى ده الحل الوحيد علشان الواحد ميتخنش فى الاجازة و يضيع مجهوده اللى فات :) )

رد: حكايتى مع الخسسان.. الطريق الطويل للوصول الى الجسم المثالى
 

ربنا معاك يا باشا ...بس اهم حاجة تشترك و تروح مش تروح مرتين تلاتة و تطنش باقى الشهر و تروح عليك الخمسين دينار :) ..أنا والله متهيألى ان مكسب الجيم الاساسى بيكون من الناس اللى بتدفع و ماتروحش غير مرتين تلاتة دول و انا كنت اولهم طبعا :) مرة اشتركت 4 شهور كانو عاملين عرض .. و رحت 7 او 8 مرات فى الاربع شهور دول :) بس ده كان زمااااااااااان ptmnlo123per195
اما انا فى الاسبوع ده هحاول استغل جمال الطقس و الجو و اجرى شوية كل يوم عند المركز العلمى و ربنا يستر و الواحد ميحصلوش حاجة فى الجو الجميل ده :)

رد: حكايتى مع الخسسان.. الطريق الطويل للوصول الى الجسم المثالى
 

يا كيمو انت عامل موضوع تحفة بجد فى اسلوب السرد والمعلومات اللى فيه والمتابعة وكل حاجة فعلاً موضوع اجتماعى من العيار (الثقيل) احييك علية ptmnlo123per112

وفى الحقيقة النظام الغذائى السليم والمدوامة على ممارسة الرياضة مهمة جداً لكل واحد فينا سواء وزنة زايد جامد او لاء

انا نفسى وزنى فى السبعينات وقبل الجواز كنت رفيع بس المشكلة بعد الجواز بقى الواحد ياكول اكتر ويريح اكتر واكتر ومع العربية وشغلى اللى طول الوقت قاعد قدام الكمبيوتر بدات تظهر مشاكل الكرش ومشاكل عضلات الظهر والرقبة بسبب القعاد الكتير قدام الكبيوتر او السواقة وقلة ممارسة الرياضة

بصراحة كلامكم شجعنى جامد لانى اهتم بوزنى تانى واحاول اسيطر على المشكلة من بدايتها واعتبرونى مشترك معاكم فى المعسكر الغذائى اللى هتعملوه ومستنى نصائحك وتعليماتك يا كيمو باشا ptmnlo123per122

رد: حكايتى مع الخسسان.. الطريق الطويل للوصول الى الجسم المثالى
 

يا ابو نورا ربنا يخليك يا رب ...و انا قلت لك قبل كدة ... احنا بنتعلم منك
كلامك برده يا باشا فكرنى بحاجة .. انا كنت فاكر ان التخان بس هما اللى نفسهم بيروح بسرعة او بيتعبوا من كام درجة سلم بس اكتشفت بعد كدة ان الحكاية مش وزن على قد ما هى لياقة بدنية ناتجة عن الاهتمام بممارسة الرياضة بشكل منتظم زى الناس اللى كل يوم و التانى يروحوا يلعبوا كورة او باسكت او اى رياضة ايا كانت

و بصراحة شغلانتنا دى او اى شغلانة فيها قعدة على المكاتب لمدد طويلة بتكون قاتلة و بتتعب الجسم كله فا لازم الواحد يديها شوية رياضة علشان يحافظ على لياقته و صحته و كمان ينفس عن الضغط العصبى اليومى بتاع الشغل و هو ده اللى بيعملوه الاجانب اللى فاهمين علشان يحافظوا على نفسهم.. دا و انا ماشى كل يوم بشوف اجانب سنهم فوق الخمسين و الستين و ما شاء الله واخدينها جرى رايح جاى و انا لو جريت خمس دقائق بتعب :)
ربنا يكرمك يا باشا و يوفقك و اى سؤال انا تحت امرك

رد: تخيل ان انت (Windows XP)