مصر موتورز مجتمع السيارات - يوميات رينو رينبو ... اسعار قطع غيار وكل شيئ عنها

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - يوميات رينو رينبو ... اسعار قطع غيار وكل شيئ عنها (https://www.masrmotors.com/vb/showthread.php?t=52527)

رد: يوميات رينو رينبو ... اسعار قطع غيار وكل شيئ عنها

السلام عليكم
بالنسبة للموتور 1300 فهل هو افضل من موتور 1400 إنيريجي؟؟؟

رد: يوميات رينو رينبو ... اسعار قطع غيار وكل شيئ عنها

الموتور الانيرجى صناعة فرنسية والموتور ال1300بتاع الرينبو صناعة تركى

رد: يوميات رينو رينبو ... اسعار قطع غيار وكل شيئ عنها

استكمالا لموضوع اليوميات تم بالامس تركيب قواعد موتورانيرجى ثلاث قواعد سعرالثلاثة من محل رينوعين شمس بشارع عين شمس ب 210 جنيها وشراء طرمبة البنزين فرنسى ب 175 من نفس المحل بالاضافة الى طقم بوجيهات مقاس 16 وبعد التركيب الاختلاف كبير جدا فى صوت الموتور والاداء

رد: يوميات رينو رينبو ... اسعار قطع غيار وكل شيئ عنها

اقتباس:

المشاركة الأصلية كتبت بواسطة mohmedkamel (المشاركة 942436)

بالنسبة للموتور إنيريجي 1400، بتلاقي حضرتك قطع غيار له متوافرة؟؟؟ وإيه رأيك فيه بشكل عام؟؟
بصراحة بدور على رينو رينبو أو 19 المهم الحالة، وبلاقي إما موتور 1300 او إنيريجي، واللي شكر في 1300 عشان سير الكاتينة جنزير وقطع غياره متوافرة، أما الإنيريجي فمعنديش معلومات عنه، وآسف للإطالة

رد: يوميات رينو رينبو ... اسعار قطع غيار وكل شيئ عنها

الموتور الانيرجى انضف بكتير من موتور الرينبو التركى والكاتينة الجنزير عمرها ما كانت ميزة غير صوتها العالى
قطع غيار الموتور الانيرجى موجودة وسهلة وبلاقيها بسرعة ونصيحة لوعايز تشترى اشترى رينو19 فرنسى هى مختلفة عن الرينبو فى التابلوه والموتور والطمبورة الامامية

رد: يوميات رينو رينبو ... اسعار قطع غيار وكل شيئ عنها

السلام عليكم يا ملاك الرينو المحترمين.
ربنا كرمني بعربية رينو رينبو موديل 99، وكالعادة استلمني مفتيين الديار المصرية "ملقتش غير رينو" "دي قطع غيارها مش موجودة" "قطع غيارها نار"، ومع ذلك عاندت واشتريت العربية عشان كانت عجباني.
اول حاجة حبيت اعملها في العربية كانت العفشة رحت كشفت عليها لقيتها محتاجة علبة دركسيون وبارة طرف دركسيون، وكانت المفاجأة في الاسعار
علبة الدركسيون = 350 جنيه
بارة الطرف (الجوز) = 110 جنيه
مع العلم اني كنت مغير علبة الدركسيون قبل كده في عربية 131 وكانت عاملة من سنة ونص 320 جنيه
ودي باقي اسعار الحاجات اللى احتاجتها العربية
فلتر هواء = 25 جنيه
فلتر بنزين = 5 جنيه
سير الكاتينة "جنزير" = 35 جنيه
سير الدينامو = 20 جنيه
سير التكييف = 25 جنيه
دراع هاند بريك = 150 جنيه
وش فانوس امامي = 35 جنيه
تيل أمامي = 100 جنيه
والحاجات دي كلها جبتها من عند محل اسمه "الطيب" وده شغال رينو بس، راجل محترم وفاهم شغله كويس، هو في امبابة، شارع الوحدة امام التوحيد والنور.
وبالمناسبة انا عملت العفشة عند واحد شاطر قوي في امبابة برضه جنب مركز شباب امبابة، اسمه الاسطى رضا، راجل كويس قوي ومصنعيته معقولة جدا.
انا حبيت احكي تجربتي مع الرينو واشارك في المنتدى الرائع ده، وعذراً للإطالة.