رد: اسئله المبتدئين ..عفوا ممنوع الفتى :)))
 

أما التربو فهو يتطلب أساساً أن تكون العربية مجهزة بوحدة تربو ملحقة بالموتور و ده بيزود تمن العربية كتير مقابل إنه بيرفع أداء نفس الموتور حوالى 30% أكتر
و مثل ما تفضل العضو الكريم ووضح لك إن التربو بيدخل هوا أكتر للموتور مما يزيد من إحتراق نفس كمية الوقود مما يعطى فى النهاية هورس باور أعلى
و التربو بيكون عبارة عن توربينه هواء مضافة على نظام دخول الهواء للموتور و تعمل إما بطاقة الموتور ذاته أول ببطارية السيارة
و من الجدير بالذكر أن المواتير التربو أقصر عمراً من نفس المواتير بدون تربو و ده شئ منطقى لإن نفس الموتور بتبقى ضاغط عليه أكثر و بتاخد منه أداء أعلى فطبيعى إنه يستهلك قبل العادى

رد: اسئله المبتدئين ..عفوا ممنوع الفتى :)))
 

اهو لولا نقطة العمر دي، كان زماني مركبو من زمان، لأنو بصراحة بيديك اداء خرافي
بس في عربيات بتيجي من مصنعها عليها تيربو و دبل تيربو كمان، أعتقد دول بيبقو حسبينها صح ومبتقصرش عمر الماتور، ولا ايه رأيك ؟

رد: اسئله المبتدئين ..عفوا ممنوع الفتى :)))
 

شوية فتي
.................
-لكي تتحرك بالسيارة يفضل ضغط البنزين للاخر ثم الدبرياش ثم الغيار السابع
-لوعايز تهدي ادي العربية المرشدير من غير دبرياش
-كلما زادت السرعة قل استهلاك البنزين
-احسنلك تسوق من كرسي الراكب عشان لو حصلت حادثة ما تروحش انت فيها
-حزام الامان دليل علي ضعف المهارة في القيادة كما انها يقيد الحركة
و كفاية كدة . ما حدش يعمل الكلام دة !!!!!!!!!:crazyW14:

رد: اسئله المبتدئين ..عفوا ممنوع الفتى :)))
 

????????
هل فرامل اليد تغنى عن فرامل القدم لو باظت و اللا الاثنين بيبوظوا مع بغض ؟

رد: اسئله المبتدئين ..عفوا ممنوع الفتى :)))
 

صعب جدا يبوظو مع بعض، احتمالية ضعيفة يعني بس مفيش حاجة مستحيلة
نصيحة ، ماتمشيش ابدا وانتي عندك فرامل رجل بايظة، ولا حتى عشان توديها لميكانيكي
خليه هوا يجي لحد مكان العربية
فرامل اليد لو استخدمت غلط بتعمل مصايب مالهاش أول من اخر

رد: اسئله المبتدئين ..عفوا ممنوع الفتى :)))
 

(فرامل اليد لو استخدمت غلط بتعمل مصايب مالهافش أول من اخر)
ازاى ؟ ممكن توضيح !

رد: اسئله المبتدئين ..عفوا ممنوع الفتى :)))
 

الفرامل العادية بتمسك في الأربع عجلات، فالعربية بتقى متوازنة وهيا بتقف فا تقف عادي
فرامل اليد بتمسك العجلتين اللي ورا بس والعجلتين اللي قدام بيبقو بيلفو عادي
فلو حد مثلا معندوش خبرة و داخل على ملف واستخدمها ، ضهر العربية هايعوم منو (يتطوح يعني)والعربية هاتمشي بجنبها
لكي ان تتخيلي ايه اللي ممكن يحصل ساعتها، يا يتقلب يا ينط على الناحية التانية من الشارع يا يلبس في حد
وعلى احسن الأحوال (لو قدر يلحق نفسو يعني) هايلاقي نفسو واقف بالعرض في الشارع والناس كلها بتشتم فيه