|
رد: بتحب انهى مدرسة فى صناعة السيارات
زملائي الاعزاء السق مليء بشتى الانواع و الصناعات لكن الحقيفة ان لكل مدرسة خصائصها مثلا المدرسة الشرقية (كوريا - مليزيا - او حتى الهند ) اعتمدوا على الرفاهية اكثر من الجودة و بتالي السعر المنخفض قليلا مقارنة مع الانواع الاوربية باستثناء اليابان اما الصناعات الاوربية مازالت تعتمد الجودة العالية بالاضافة الى الرفاهية طبعا لكن الاسعار مرتفعة مقارنة مع المثيلات الشرقية و انا حين اريد الرفاهية مع السعر القليل بغض النظر عن الجودة اختار الشرقية و العكس صحيح و شكرا.
|
رد: بتحب انهى مدرسة فى صناعة السيارات
اقتباس:
أنا معاك فى كل حرف كتبته لكن المشكله فى السياره الألمانيه هى السعر المرتفع و الذى يكون فى الغالب بعيد عن متناول المستهلك فى السوق المصرى |
رد: بتحب انهى مدرسة فى صناعة السيارات
أنا طبعا بشكرك على موضوعك الرائع وأحب أقولك أنى بموت فى حاجة أسمها صناعة ألمانية حتى لو بيصنعوه توكتوك أى ده يا أخى ده مثلا الأله الحاسبة عندهم حاسبين كل حاجة فيها يعنى هاتفضل قد أيه وعمرها الأفتراضى والزرار ده هايستحمل كام ضغطه؟
بالنسبة لينا فلو أستمرت الحكومة على النهجح المتبع من 2004 فأعتقد أن أمامنا فرصة لتصنيع قطع غيار السيارات حاليا وربما بعد 10 أو 15 سنة نسمع عن شركة مصرية كبيرة لتصنيع السيارات وده الصح مش أروح أفتح دلوقتى مصنع لتصنيع السيارات وأنا أساسا معنديش مصانع لتصنيع قطع غيار العربية اللى هاعملها |
رد: بتحب انهى مدرسة فى صناعة السيارات
شكرا يا ابو نورا انك فتحت هذا الموضوع الجميل و شكرا للأستاذ فادي على تعليقه- وعلى فكرة اسلوبك و افكارك جميلة كأنك صحفي مخضرم- بس انا شايف ان الموضوع ليه جوانب اقتصادية و ربما جوانب استعمارية قديمة مثلا السيارات الأوروبية كانت حتى و قت قريب هي السائدة في دول البحر المتوسط و افريقيا كلها بحكم انها كانت سوق لهم و كذلك بالنسبة للياباني و الأمريكي في دول الخليج. و لا شك ان امريكا هي مهد صناعة السيارات و تلتها المانيا و ايطاليا و فرنسا و ما زالت تلك الدول هي اصحاب الأبتكارات و الجديد في صناعة السيارات و ما زالت تنتج سيارات قوية سواء من ناحية المحركات او الهياكل او التكنولوجيا وكذلك المتانة و إن كانت تتجاهل احيانا استهلاك الوقود و الأسعار المرتفعة نسبيا. مما اتاح الفرصة لليابان للدخول الى سوق السيارات مستغلة حاجة السوق الى سياراتها - حتى و إن كانت تقليد- الى سيارات تتمتع بقدر كبير من المواصفات السابقة ولكن بأسعار منافسة مع الحفاظ على تكنولوجيا يابانية عالية. ومع انتشار ثقافة الأستهلاك السريع و البضائع التي تستخدم لفترة قصيرة او مرة واحدة فقط ظهر الأتجاه الحالي في صناعة السيارات ليغزو الأسواق القديمة و النامية و ظهرت كوريا كدولة رائدة في هذا المجال و اصبحت سيارتها تغزو الأسواق التقليدية للشركات الكبرى. و لا اعتقد ان احد من الجيل الجديد يرحب بفكرة اقتناء سيارة تعيش لعشر سنوات بدون تبديل ؟؟؟؟
|
رد: بتحب انهى مدرسة فى صناعة السيارات
انا بحب المدرسه الامريكيه بس مصر يا عينى عليها خلاص ما باش فيه رجال صناعه حتى الكارو وقفو تصنيعو منتظرين الصين تبعت موديلات كارو واحنا ناخذ توكيلات ونقوم بتجميعو ونبيعو باضعاف الثمن هو ده منهج مصر
|
رد: بتحب انهى مدرسة فى صناعة السيارات
الجامعه الالمانية لان دى مش مدرسة ياجماعة دى مجموعة مدارس طبعا انا عاشق لمدرسة البافارية فيها الى هى عربية مدنية الشكل رياضية الطابع قوية فخمة جميل لاتتقادم مع تقادم الزمن يعنى لحد دلوقتى تشوف البى ام الدبانة مو 75 تقول الله على العربية دى لما تكون حالتها تمام ودة سحر البافارية طبعا وباقى الالمانى كلة فوق راسى المرسيدس / الاودى / الفولكس /الاوبل / البورش بعديها الايطالى وانا عاشق ايضا لالفا لانها عربية تحفة تحفة والميزاراتى ولا فيرارى ولا باجانى ومنساش الجيرمان ايطالى ( لامبورجينى)فلوس كتير والفرنسى طبعا فجمال الاسد الفرنسى يعجبنى وشياكة السيدة ستروين يبهرنى وسرعة الرينو وعصبيتها تشدنى وطبعا مانساش الاتناج المشترك الفرانكو الجيرمانى ( بوجاتى)فلوس كتير ويبهرنى الانجليزى فى الجاكور ولا استون مارتن ولا نوبل ولا TVR ولا ام جى ولا لوتس وطبعا الانجلو جيرمان ( مينى / الرولزرويس / بنتلى / مكالارين) الاسبانى والتشيكى بقدرهم اوى اليابانى بعشق فية التكونولجيا العالية والاحصنة اليابانية غير من اصغر سعة اكبر سعة وطبعا معشقوتى هوندا ولا الجميلة نيسان ولا الرائعة متشتوبيشى ولا الراسية سوبارو دول جمال وبمووووووووووووووت فى الانفنتنى دى تحفة التحف بكره السويدى ولا الامريكانى وكورى ولا الصينى عربيات ملهاش معنى |
رد: بتحب انهى مدرسة فى صناعة السيارات
الموضوع فى مجمله هو تغير ذوق المستهلك ووجهة نظره
بمعنى ان كان زمان يقولك الشئ يكون قوى ومتين ويعيش الى الابد 00 الوقتى يقولك اتمتع الوقتى بالشئ الاقتصادى واما يهكع ابقى ابيعه واجيب جديد وبذلك وجد الصينى فرصته فى السوق وطبعا دى وجهة نظر الطبقه المتوسطه00 وهى الاغلبيه وبعد كده اللى بيشتغل فى الاقتصادى يطور ويحسن فى شغله لما يبقى متميز هى كده 000 يامصر |
| الساعة الآن 07:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017