المشاركة الأصلية كتبت بواسطة sharooo (المشاركة 538599)

السلام عليكم
احترس وانت بتشتري الضفيره نظرا لاختلاف الموديلات في السيفيا بدل ما تشتري ضفيره وتطلع مش يتاعه عربيتك وتقعد تعملها توفيق على عربيتك
لازم تشتري ضفيرتك من نص عربيه كامل والكهربائي بتاعك يفكها ويركبهالك في عربيتك عشان يبقى مسؤل عن شغله مسؤليه كامله
اعتقد ثمنها يبدأمن800 لغايه1300على اساس الوصف الي انت طالبه
تركيبها على حسب الوصف الي انا كاتبهولك يكلف400 او500
ربنا يوفقك وياريت تكتبلنا ليه عايز تغيرها كلها؟؟:01FDAB~189:

المشاركة الأصلية كتبت بواسطة sharooo (المشاركة 542682)

Check engine
شوف ..هتعمل الصيانه الدوريه لو انت متاخر فيها(ومن ضمنها فلاتر الهوا والبنزين اصلي والبوجيهات)
لو عملت كدا تاني هتحطها على الجهاز ب 20 جنيه وتعرف ايه المشكله وربنا يكرم وتكون بسيطه ومتكلفش كتير انشاء الله

المشاركة الأصلية كتبت بواسطة مجتهد (المشاركة 543363)

معمول ليها صيانه من قريب بس مش متأكد أن صاحبها الأول غير الفلاتر أم لا ولكن ممكن نستخدم الجهاز كما قلت ولكن عايز أعرف هل هذا الجهاز المقصود به الكمبيوتر وأنا أعرف أن سعره تقريبا 100 ج مش عارف أنا فاهم صح ولا خطأ وهل هذا الجهاز موجود فى أى بنزينه وأسأل عنه إزاى

المشاركة الأصلية كتبت بواسطة كيا سيفيا (المشاركة 523065)

الاخ الفاضل / محمد
بعد التحيـــــه....
اولا : اسئلة حضرتك مشروعه تماما ومن حقك تعرف كل شىء عن سيارة سوف تقتنيها من حيث عمليات التشغيل كلها من صيانه واستهلاك بنزين وكذلك اسعار قطع الغيار وايضا اعادة سعر البيع ومدى الاقبال عليها فى السوق . ومن هنا سوف انقل لحضرتك تجربتى مع السيفيا بأعتبارى احد ملاك هذه السيارة التى سبقت عصرها بحق .
فانا امتلك السيفيا موديل 2000 المجمعه محليا حصلت عليها من احدى السيدات فى عام 2005 وكانت ماشيه فى ذلك الوقت حوالى 40000كم فقط ومن ذلك التاريخ حوالى 6 سنوات لم اذهب الى الميكانيكى سوى مرتان اولهم عام 2008 ليس بسبب عطل مفاجىء او خلافه بل لاجراء الصيانه الكامله العاديه من تغيير مجموعه السيور - دينامو وتكييف وكاتينه وكبالن واجراء صيانه للتكييف وكذلك اجراء بعض السمكرة الخفيفه الناتجه عن احتكاكات عاديه وبالتالى دهان خارجى بالكامل ولم اصادف مطلقا اى صعوبه فى الحصول على قطع الغيار وكذلك مستوى الاسعار الذى يعتبر عادى جدا ومقارب تماما ان لم يكن اقل فى بعض القطع عن اسعار الهيونداى او الدايو وحتى بعض انواع الفيات. المرة الاخرى منذ حوالى ثلاثة اشهر وتحديدا قبل شهر رمضان مباشرة لتبديل جوز المساعدين الخلفى وحينها اشار على الميكانيكى بشراء مساعدين استيراد الامر اللذى انا شخصيا ارفضه فى قطع غيار الميكانيكا والكهرباء فلابد من الجديد فى هذه الحاله واشتريتهم طبعا جديد كورى بمبلغ 340 جم للجوز وايضا تيل فرامل كورى بمبلغ 65 جم وفلتر بنزين بمبلغ 40جم او 45 جم مش فاكر. اما سؤال حضرتك عن مدى سهوله ميكانيكا وكهرباء السياره فانا اؤكد لحضرتك تماما على سهولة ميكانيكا وكهرباء السيفيا المهم انك تذهب لمركز صيانه فاهم ومتخصص وانا ممكن افيد حضرتك جدا عن مكان يعمل به احد اقربائى متخصص كيا وبالذات السيفيا ميكانيكا وكهرباء وتكييف على اعلى مستوى من الاتقان وباسعار مناسبه. اما نقطه اعادة البيع فالسيارة مطلوبه جدا وهامش تراجع اسعارها معقول جدا وجرب حضرتك واعمل حتى اعلان وهمى عن سيارة بمواصفات جيده وسوف ترى كم الاتصالات بحضرتك.
النقطه الرئيسيه والمهمه:
ان تحصل عل سيارة جيده وخاصه الصالون والاساسيات العامه والا تكون مهانه وتتم صيانتها بصفه دوريه . اخير ربنا يوفق حضرتك فى كل ما تتمناه
وتقبل تحياتى