رد: حقيقة الميجان
 

شريف باشا.......أسمحلى أسألك.....أنت معاك الألنترا الجديدة خالص ولا اللى قبلها ؟؟؟

تيل الفرامل بتاعها فى التوكيل بكام ؟؟؟

بتاع الألنترا القديمة كان من كام شهر فى محل غبور اللى فى شارع دمشق ب 420 جم من غير التركيب......لأنه محل مش مركز خدمة........يعنى قول لو جبته من التوكيل بالتركيب والحركات هنقول 500 أو 520......صح ولا أنا غلطان ؟

تيل الميجان فى التوكيل مع التركيب و كل حاجة ب 600 تقريباً .

لو ده الفرق الشاسع اللى تشيله لُكشه فلوس فى شنطة العربية يبقى تمام قوى.

وبعدين فى مثل بيقول الغاوى ينقط بطاقيته.......يعنى عاوز تدلع أدفع......ساعة لما العربية نزلت مكنش فى عربية فى نفس فئتها فيها نفس الكماليات بتاعتها.......عاوز تبقى متميز ؟؟؟ مفيش حاجة ببلاش.

و للمرة الخامسة تقريباً..........ممكن تجيبوا أسعار قطع غيار العربيات اللى أنتو عاوزينها من نفس الفئة ونقارن.

رد: حقيقة الميجان
 

10000000000000000 +

رد: حقيقة الميجان
 

[
الكلام ده مش مظبوط , تيل الفرامل بتاع الألانترا ب 250 جنيه الأصلى خارج التوكيل و ب 350 فى التوكيل و هو هو تيل فرامل الفيرنا اللى ب 250 جنيه فى التوكيل - و بالطبع التيل واحد للعربيتين و لكن السعر مختلف فى التوكيل للوجاهه الأجتماعيه ههههه -
و التركيب طبعا فى اى مكان اخرها 20 جنيه و 5 للصبى و ابقى عامل معاه الواجب .

رد: حقيقة الميجان
 

يبقى الكلام مظبوط برضه.....الكلام أنا قلت أنه من كام شهر و كان ب 420 جنيه فى المحل بتاع غبور....يمكن سعره نزل وبقى 350 جم.

بس أنا كلامى كله على الأسعار فى التوكيل مش برة التوكيل...........عاوز تعرف سعر تيل الميجان برة التوكيل بكام ؟؟؟
أبتداءً من 160 جم أسبانى الى 280 جم .

المهم نثبت كلامنا على التوكيل........
اللألنترا اللى معاك الجديدة خالص و لا القديمة ؟؟؟؟

وسعر التيل بالتركيب والضريبة فى التوكيل بكام ؟؟؟؟

يا ريت تجاوب على السؤالين دول بس .

رد: حقيقة الميجان
 

يا استاذ ترونكى .... هو احنا بنتكلم عن الميجان وللا الهيونداى ؟؟ علشان انا مبقتش عارف الموضوع بتاع ايه اساسا ......
ثانيا عربيتى موديل 2006 و من يوميها هو هو نفس سعر التيل و بعدين اللى ب 250 ده اصلى زى اللى فى التوكيل مش اسبانى وللا مضروب وللا صناعه تانيه ... هوه هوه .فى التوكيل بيباع ب350 للوجاهه الأجتماعيه زى ما قلت لأنه هو هو نفس تيل الفيرنا اللى برده فى التوكيل ب 250 جنيه .

ثالثا هى مشاكل الميجان كلها خلصت خلاص و بنتكلم عن التيل ؟؟؟؟!!!!!

رابعا هو اى حد بيغير تيل هايروح للتوكيل؟؟ ده اى عيل او صبى يغيره فى الشارع .

خامسا و هو الأهم ,,,, زى ما قلت قبل كده

(بعد ما قريت الكلام ده كله استشف ان العربيه الميجان عربيه متوسطه الحال , عاليه التكنولوجيا , لا تنفع للأستخدام العادى بمصر و فى حال استخدامها لازم تحط فى الشنطه لكه فلوس علشان الصيانه و تغيير قطع الغيار ....يبقى عربيه تركبهافئه فوق اعلى من المتوسطه للقدره على الصرف عليها .
يبقى كده عربيه كويسه للى معاه فلوس كتير و بزياده
و عربيه مش تمام و مش كفء للفئه العاديه من الشعب المصرى اللى بيبقى عايز عربيه ماتفتحش بقها لمده خمس سنين على الأقل .......)

بس خلاص ..... العربيه عايزه صيانه فوق الطبيعيه و عايزه حد يحسس عليها و يعاملها كأنها تحفه رقيقه و فراجيل و ده ماينفعش عندنا هنا فى مصر ....... يا راجل ده بتروح التوكيل بيقولك اصل التراب بتاع البلد ممكن يبوظ الكونترول (هو فيه شارع فى مصر مافيهوش تراب و تكسبر ؟؟؟ تعال اتفرج على عربيتى و هى واقفه بس بيحصل فيها ايه و قافل هوايات التكيف و يلاقيها مردومه من جوه تراب ..........


بأختصار انت بتدافع عن العربيه و ده حقك لأنك مجربها و برده فى ناس بتشتكى من العربيه و هى مجرباها برده و ده حقها ....... احنا نروح القسم و كل واحد ياخد حقه هناك ههههههه
مش كده يا ترونكى باشا .... العربيه فيها مزايا و فيها برده عيوب لا تغتفر و مشاكل كتير و ده حال معظم الفرنساوى مش الميجان بس ,, و السيتروين مليئه بالعيوب و برده مالهاش سوق فى مصر و اتفرج برده على سعرها فى المستعمل عامل ازاى !!!!!!!!

يبقى رخص العربيه المستعمله و نزول تمنها للنص ده يدل على عيب العربيه مش على كفائتها و ده كلام السوق و كلام اى حد يقارن سعر العربيه الزيرو بسعر استعمالها بعد 3 او 4 سنين .

رد: حقيقة الميجان
 

الكلام هوه اللى بيجيب بعضه.........مش حضرتك برضه اللى كنت أستشفيت أن العربية محتاجة لُكشة فلوس عشان تعرف تصرف عليها؟؟؟؟؟ أهو أنا كنت بقارنها بعربيتك عشان تقريب وجهات النظر.

عموماً واضح أن فى هدف تانى للحوار غير أن الأعضاء تستفيد من نقاش موضوع بالأدلة و البراهين من كل طرف.


و حضرتك طبعاً ممكن تقتنع أو تستشف أو تعمل أى حاجة براحتك........دى حرية شخصية طالما مفيهاش تعدى على حرية حد تانى.

أحب بس أفكركم أن العربية الرديئة و متوسطة الحال و بتهنج وهى ماشية و بتتشقلب كمان وهى ماشية هى السيارة الحاصلة على لقب سيارة العام 2004 فى أوروبا......( معلش أصلهم مبيفهموش زينا )

ملخص سريع
1- عرضت مساعدة على كل من هانى Payoo و خالد أنى أساعدهم على حل مشاكلهم فى التوكيل بس للأسف.........هما مش عاوزين.
2- عرضت عليهم أن حد منهم يدينى رقم عربيته عشان أعرف من التوكيل أيه مشاكلها و نحذر الأعضاء من العربية الكخة دى بس سكتم بكتم ......
3- طلبت أنا وغيرى أن الكلام يكون موثق بالفواتير بتاعت الأصلاحات المذكورة بس برضه سكتم بكتم.

أعمل أكتر من كده أيه عشان أثبث صحة كلامى؟؟؟؟

على فكرة.....ميعيبش العربية أن واحد يكون شارى العربية و هى متبهدلة وهو مخدش باله..........وبالتالى هتعمله مشاكل الدنيا كلها......

أخر حاجة.......أنا تحت أمر أى حد عنده أستفسارات تانى بخصوص الميجان عشان عاوز يستفيد مش عشان نكمل النقاش الغير هادف ده...........وبرضه أى معلومة أنا أعرفها عن أى حاجة تخص السيارات عموماً مش هتأخر .........غير كده..........بح

رد: حقيقة الميجان