|
رد: قصة عبد الله00 عفريت حقيقى من الجن
تابع ساكن السطوح
_______________ فور عودته من البلد 00وبعد دقائق معدوده جاءته طرقات على بابه! تقدم من الباب وهو يتوقع أن تكون أنهار ! كانت هى بالفعل 00 فى أبهى صورة وأحلى زينة00 ترتدى ثوبا أبيض كالعروس00 تلجم لسانه عندما رآها وابتسامتها الواسعة كاشراقة الشمس فى طلعة النهار00 قال مبهورا: -أنهار!! قالت بدلال: -وحشتنى قال بهيام: -وحشتينى جدا 00 كنتى فين؟ قالت: -كنت عيانه قال آسفا: -أنا قولت كده برضه00 لكن أنا رحت أسأل عليكى لاقيتك0000 نكست رأسها: -آسفه00 لكن أنا مكدبتش عليك قال منفعلا: -ازاى مكدبتيش؟ لولا الجيران نبهونى كنت كسرت الباب قالت برزانه: -أنا فعلا كنت ساكنه هنا00 لكن عزلنا كده من سنتين ورحنا شقة جديدة -وأيه اللى خلاكى تقولى كده؟ مقولتيش الحقيقة ليه؟ قالت بتردد: -كنت خايفه باستغراب: -خايفه! من أيه؟ بنفس التردد: -حاجات كتير أولها ممكن تقول أيه على بنت جايه لك من مكان بعيد عشان تشوفك وتشوف طلباتك؟ أيه اللى يخلينى أعمل معاك كده؟ ازاى ممكن تكون نظرتك ليا؟ -طب بلاش دى00 أنتى عرفتينى ازاى؟ أبتسمت بسحر: -ممكن تحترم بنت تقولك أنها أول مرة شافتك بالصدفة عند البقال 00حبتك من أول نظرة 00وأنت مخدتش بالك منها مع أنها قابلتك أكتر من مرة ! -بجد الكلام ده -طبعا00 ولما مشيت وراك 00ولقيتك طلعت العمارة أكتر من مرة عرفت أنك ساكن السطوح لان زى ما انت عارف انا عارفه كل الموجودين ف العمارة وكمان ان الاودة بتاعتك بتتأجر لطلبه مفروش -آه00 كده معقول جدا000 لكن أنتى جريئة جدا قالت بمكر: -حاجة زى دى تخوفك قال باندفاع: -طبعا لأ -ممكن تحترم حاجة زى دى؟ -أكيد00 اللى أعرفه دلوقتى أنى بحبك أكتر م الاول قالت بعيون نعسى: -أما أنا فبحبك م الاول شفت الفرق بينا -معلهشى00 مسألة العمى الحيثى كانت ملازمانى لكن أنا فتحت أول معرفتك وح أفضل مفنجل طول ما أنتى معايا -غريبة تعبيراتك لكن حاسة أنها من قلبك -والله من جوة أعماق نخشايش قلبى ضحكت ضحكة رنانة وقالت: -موش ممكن تعبيراتك دى أشوفك بقى بكره -بسرعة كده 00!! أنا لسه مشبعتش منك -أنا أتأخرت قوى00متبقاش طماع سلام بقى أنصرفت وقلبه يكاد ينخلع خلفها تتبع |
رد: قصة عبد الله00 عفريت حقيقى من الجن
تابع ساكن السطوح
_______________ قابل صديقه الذى بادره مباغتا: -أسكت مش فيه واحد جاركم ف الشارع معانا ف الكلية -يا راجل! -عارف الواد الطويل الهلف اللى لعب معانا كورة آخر مرة وكان هيكسرنى -آه -هوه ده -طب كويس لاقيت رفيق طريق00ده باين عليه واد غلبان -هوه طيب تصدق أنه أعتذرلى تانى يوم تانى! أنا قلت له ياعم ده لعب وعادى يعنى وذهب ليوطد علاقته به وعندما ألتقاه بادره: -ياراجل تبقى ساكن معايا ف نفس الشارع ومعرفش! -معقول00بس عارف كل اللى ف الشارع ومعرفكش ازاى؟! أنت ساكن فين بالظبط؟ ووصف له سكنه صمت الشاب فترة ثم قال: -آه 00عارفها العمارة دى أوعى تكون ساكن ف الدور الاخير -لا00أنا واخد الاوده اللى فوق السطوح000 وأشمعنى يعنى قلت الدور الاخير؟ -أصل الشقة دى ليها حكاية كده -حكاية!! حكاية أيه؟ -لا ولا حاجة -لأ فيه حاجة 00وشك بيقول كده -ياعم دا موضوع من بتاع سنتين كده وأنتهى -أنت بتعلقنى 00ما تقول -شوف ياسيدى00 هيه كان حصل فيها تسرب للغاز بتاع أنبوبة البوتوجاز واللى فيها ماتوا صمت قليلا ثم أتبع: -أنتهى الموضوع على كده وبعدها بكام شهر ناس سكنوا فيها وقالوا أنهم كانوا بيشوفوا ويسمعوا حاجات لها العجب وطبعا طفشوا ومن يوميها الشقة فاضية محدش راضى يسكن فيها قال بتوجس: -يا صلاة النبى00 وأنا ساكن فوقيها ف الخلا -يا راجل أنا خوفتك ولا أيه؟ عادى ياعم من يومها محدش أشتكى من السكان ومفيش حد سمع عنها حاجة -طب بقولك أيه00 اللى كانوا فيها 00 يعنى كانوا كام واحد ماتوا؟ -كانت أسرة الراجل ومراته وابنه وبنتين -لا حول ولا قوة الا بالله00 طب كان أعمارهم أيه؟ -غريب سؤالك 00طب ده يهمك ف أيه؟ -أبدا ولا حاجة بس طالما قلت الحكاية يبقى كملها -هوه الواد كان صغير ف ابتدائى وبنت اكبر من شويه وبنت كبيره كانت لسه داخله الجامعة -آه00 كان اسمهم أيه؟ -لا00 ده كده أكيد فيه حاجة هما طلعوا لك ولا أيه؟ تدراك حديثه ثم قال: -أصل مرة سمعت ست بتنادى على واحدة -آه00 الصراحة معرفشى -طب ممكن تعرفى لى أسمهم؟ -ياعم كبر تلاقى واحدة م الجيران كانت بتنادى على بنتها أنت ح تتوهم ولا أيه؟ -معلهشى 00عشان خاطرى ده أول طلب أطلبه منك -حاضر يا سيدى أنصرف من الكليه مع رفيقه والهواجس تتعارك فى ذهنه تتبع |
رد: قصة عبد الله00 عفريت حقيقى من الجن
انا زهقت خلاص
والنبي كملها |
رد: قصة عبد الله00 عفريت حقيقى من الجن
ptmnlo123per142ptmnlo123p er142ptmnlo123per142
|
رد: قصة عبد الله00 عفريت حقيقى من الجن
جميل جدا انا متابع بشغف
|
| الساعة الآن 07:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017