مصر موتورز مجتمع السيارات - مبرووووووووووووووك الشكل الجديد لمصر موتورز

والله يا حسام انا متفهم جداً احساسك ومقدر موقفك وسبب طلبك ده
وده مش من انهارده وامبارح ده من سنين فاتت وهوضحلك الموضوع جة ازاى بالظبط

اولاً من بداية المنتدى كان شكلة غير كدة خالص واللون العام ليه كان اورانج وكان التصميم مستوحى من لون عربية سوبر اسمها كونيجسج

http://www.sparecar.net/sc_mag/image...masrmotors.gif

http://topoften.com/wp-content/uploa...segg-CCX-2.jpg

وفضل اللون والستايل ده هو السائد سنة واتنين وبعدين بعض الناس طالب بالتغيير والتحديث
وساعتها كان فيه امكانيات دعم كبيرة وحماس اكبر وخبرة اقل فعملنا 3 تصميمات بدل تصميم واحد وبدات الناس تحتار فى التصميمات وناس تظهرلها حاجات فى تصميم ومتظهرش فى التانى وناس عايزة حاجة فى تصميم وحاجة تانية فى تصميم تانى واخر لخبطة لينا وللناس
فعملنا استطلاعات رأى للناس وشوفنا اكتر تصميم مقبول ومستخدم من الناس وجينا وحدنا التصميم وكان التصميم اللى فات وبالرغم من ان فيه ناس كتير بعد كذا سنة (سنتين تلاته تقريباً) طالبت بالتغيير والتحديث تانى لكن كان عندنا الخبرة الكافية لاننا نعرف ان ده مش هيلاقى قبول ناس كتير ارتبطت بالتصميم ده وبقى مميز لينا زى ما قولت وبقى فيه الاحساس بالألفه زى ما يكون الواحد فى بيته وعرف مكان كل حاجة فيه وخلاص

لكن فى الفترة الاخيرة اصبح استمرار التصميم القديم زى اللى قاعد فى بيت خلاص بيقع والشروخ او المشاكل فى كل مكان مابين ثغرات امنيه تهدد باختراق المنتدى او تقل وبطىء فى التحميل مع زيادة عدد الاعضاء والموضوعات فكنا مجبرين نبداء التحديث والحمد لله تم بشكل كبير جداً والحمد لله ملحوظ فرق السرعة ومرونة التصميم مع جميع انواع المتصفحات وعلى كل احجام الشاشات بداية من الموبايل والتابلت لحد اكبر شاشات الكمبيوتر
وفى نفس الوقت شغالين فى التصميم بناء على اقتراحات الاعضاء بنقرب على قد ما نقدر من السمات العامة للتصميم القديم

وفى النهاية القديم كان مصرموتورز وكان بيتنا وده مصرموتورز وبرضو بيتنا وزى ما بنينا وظبطتنا اللى فات على مدى سنين تعديلات واقتراحات من الاعضاء بنعمل ده دلوقتى وياريت تشاركنا فيه

ده رابط الموضوع
http://www.masrmotors.com/vb/showthread.php?t=114050

وممكن بعد اذنك ننقل الموضوع كله للموضوع ده وتنضم لينا فى مناقشة التصميم الجديد واقتراحات تطويرة