|
|
رد: رابطة ملاك ومحبى السفينه فيات 132
برجاء النصيحة
ما الفرق بين مويلات الفيات 132 من 75 حتى موديل 79 ومن 80 حتى 84 ولماذا يفضل الموديلات من أول 80سوقسوق |
رد: رابطة ملاك ومحبى السفينه فيات 132
rro2aa http://masrmotors.com/vb/sama-elarab...s/viewpost.gif
من ناحية استفسارك عن ان الدريكسيون تقيل ومش بيرد مع الملفات تانى دا عيب صنايعى مش فاهم حاجه قرط على علبة الدركسيون ولعب فى عيار الفبريقه فبقيت تحس ان العربيه متكتفه ومش بتاخد راحتها فى الملفات غير انها بترمى مره واحده يعنى مفيش بمعنى اصح مناوره فى القياده ودى حلها انك تعيد ظبط مسامير علبة الدريكسيون وتعيد ظبط المصنع قبل العلبه ماتبوش منك وتضطر تشترى واحده استعمال اقتباس:
الفرق فى 132 مش من حيث سنة الصنع لا من حيث الفئه يعنى فى GLS وفى 2000 النوع الاول GLS فى منه اصدارين موتور 1600 سى سى وموتور 1800 سى سى دى شكلها عامل كدا http://a7lashare.com/viewimages/d770ecdf2f.jpg http://a7lashare.com/viewimages/c7e07094e9.jpghttp://a7lashare.com/viewimages/9b00e01a05.jpgوفى النوع التانى 2000 وفى منه برضه اصدارين 2000 كداب و 2000 كامل ال 2000 الكداب دا موتور 1600 لكن بودى وفرش ال 2000 وكل حاجه فى ال2000 الكامل ماعدا الازاز الكهربا والباور و التكييف لكن ال 2000 الكامل فى كل حاجه باور وسنتر وازاز كهربا وتكييف ودا شكلها http://a7lashare.com/viewimages/6b76795a46.jpg http://a7lashare.com/viewimages/d5ba9ce128.jpg http://a7lashare.com/viewimages/ddccd8a58c.jpg وفى حاجه تانيه بس قديم اووى موديلات اول ال70 http://a7lashare.com/viewimages/8c7f53d351.jpg دا 2000 كداب http://a7lashare.com/viewimages/4d76edddc2.jpg اى استفسار وانا تحت امرك ومبروووووووووووك مقدما واه قبل ما انسى احسن موديل فى 132 هو 79 لان وقتها كان الصراع على اخره بين بيجو 504 وفيات 132 والشركتين نزلم باحسن ما عندهم غير ان نط لهم حاجه جديده اللى هى الكراسيدا وكله وقتها عمل احسن ما عنده واسأل اى حد هيقولك هو فى زى 79 فى البيجو والفيات |
رد: رابطة ملاك ومحبى السفينه فيات 132
اقتباس:
|
رد: رابطة ملاك ومحبى السفينه فيات 132
اقتباس:
هل يوجد جدول بترتيب أفضل أنواع الفيات 132 من حيث 1- الموديل ( سنة الصنع ) 2- قوة الماتور ( 1600 - 1800 - 2000 ) 3- إستهلاك البنزين 4- متوسط السعر اليومين دول ولكم منا جزيل الشكر سوقسوق |
رد: رابطة ملاك ومحبى السفينه فيات 132
اقتباس:
افضل موتور 2000 ويليه 1600 استهلاك البنزين بيختلف من عربيه لعربيه يعنى حسب حالة الموتور والكربراتير وطقم الدبرياج والكهربا متوسط السعر المراجيح من 5 لحد 12 الف والكويس من 14لحد 18 الف والممتاز من 18 لحد فوق حسب نضافة العربيه الاسعار دى خاصه بال 2000 الكامل لكن الباقى مش عارف بصراحه وانا متابع مع حضرتك |
رد: رابطة ملاك ومحبى السفينه فيات 132
اقتباس:
ألف شكر يا باشمهندس :balloons71: |
رد: رابطة ملاك ومحبى السفينه فيات 132
أخواني في الرابطة هشام - أيمن - محمد - مصطفى - كار أدميرز
شكراً ليكم كلكم أنا بعت العربية النهارده بمبلغ وقدره 11500 جنيه وبعد العمولة بتاعت المعرض وصلت 11250 أنا زعلان جداً وصعبان عليه الفلوس اللي صرفتها على العربية وزعلان على إني بعتها بس الصراحة العربية كانت محتاجه شغل كتير يوصل لمبلغ وقدره 6000 جنيه 1- أربع فرد كوتش 2- عمرة كاملة للماتور 3- أسطوانة وديسك 4- شغل سمكرة ودوكو وطبعاً العربية الفترة الأخيرة وصل معدل استهلاك البنزين فيها لمعدلات عالية جداً لدرجة إني سافرت مشوار 135 كليو خدت بنزين 40 لتر وأكلت زيت كيلو ونصف تقريباً يعني سافرت بيها وجيت بـ 75 لتر بنزين وثلاثة كيلو زيت ونصف بالضبط وطبعاً كنت عايز أعمل الشغل (1 - 2- 3- 4) بس لقيت نفسي هصرف على اساس غير سليم حيث أنني كنت مغير ربعين الشاسيه الأماميين (السلاحين) كما يطلق عليهم فمكنش قدامي خيارات أنا تعبان جداً وزعلان وده عشان فعلاً أنا كنت راكب عربيه ملوكي (فعلاً مرسيدس الفيات) مقولة سليمة 100% وزعلان أكتر عشان الخسائر الفادحة اللي لحقت بي وزعلان أكتر عشان معندش هعرف أأقول أنا معايا فيات 132 وأنا فقدت الثقة بالناس اللي بتبيع عربيتها والناس اللي بتشتري كمان الغريبة إن المعرض اللي اشترى العربية كان كل كلامه إن العربية محتاجه عمره وشغل سمكرة ودوكو ولم يلاحظ أحد منهم إن هناك فردتين أو ربعين شاسيه ملحومين أو تم تغيرهم فهل لو كانوا لاحظوا هذا الأمر كان سيؤثر على السعر ؟ مرة أخرى شكري وسلامي الخاص جداً لكل أعضاء المنتدى وعلى وجه الخصوص أخواني (هشام وأيمن ومصطفى ومحمد القاضي وكار أدمايرز) كان نفسي أتعلم أكتر عن ميكانيكا السيارات بس للأسف يا رب تكونوا جميعاً بخير ومعلش صدعت دماغكم |
| الساعة الآن 05:18 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017