رد: حكايتى مع الخسسان.. الطريق الطويل للوصول الى الجسم المثالى
 

:) ماشى يا عم لانسر صباحك زى الفل

معلهش هو الموضوع فعلا طويل و عاوز شوية وقت .... بس لو عاوز المفيد ممكن تقرأ من أول (كيف تفقد الوزن)

أو أخر عشر سطور اللى هما الرجيم الكيميائى

و اى خدمة يا ريس

رد: حكايتى مع الخسسان.. الطريق الطويل للوصول الى الجسم المثالى
 

انا الصراحة مبقدرش اقوام الاكل خالص

بس بقدر اقلل انما الرجيم مينفعش معايا خالص

http://img.tradekey.com/images/uploa...0724015658.gif

انت اية رايك فى شورت التخسيس مع الجرى

هو واحد صاحبى جابة و كانا مستنين بعد الامتحانات و اجيب واحد و نجرى سوا و احنا لبسين الشورت دة

معلش يا مان هتقل عليك

رد: حكايتى مع الخسسان.. الطريق الطويل للوصول الى الجسم المثالى
 

مفيش تتقيل يا باشا ولا حاجة و اى سؤال تحت امرك

والله يا باشا انا مجربتش الشورت ده قبل كدة ... بس جربت بدلة السونا .. هى نفس الفكرة بس بتبقى بدلة مشمع كدة كاملة(قطعتين) بتتلبس تحت الهدوم اثناء الجرى او المشى
كل اللى كانت بتعمله انها بتزود العرق بطريقة فظيعة بس بصراحة ماحسيتش معاها بفرق يعنى لأنى جربتها اربع خمس مرات و بعدين اتخنقت منها :)

انت عموما جربه مش هتخسر حاجة .. انا لو مكانك هجربه اسبوع او اتنين و اشوف النتيجة بس اهم حاجة تواظب على المشى او الجرى و تاخده بالتدريج عشان ماتتعبش يعنى اول يوم نص ساعة مثلا و تانى يوم تزود مس دقائق و هكذا ......

و ربنا معاك

رد: حكايتى مع الخسسان.. الطريق الطويل للوصول الى الجسم المثالى
 

يا باشا شكرا على النصيحة الحلوه ديه... انا تقريبا قصتى نفس قصتك تمام بس الفرق انى سافرت و قعدت لوحدى و بقيت كل همى الاكل لان مفيش حاجة اعملها.... ولما جيت اتجوز فى شهر واحد عملت رجيم و كنت بجرى ساعة فى اليوم (جرى جرى مش مشى) و بعد الجواز ضربت تانى لحد موصلت لمرحلة انى مش طايق نفسى بقيت عامل زى الراجل العجوز الشغل و الاكل و النوم ده غير انى لازم البس قميص واسع و الحياه بقت مقرفة فى نظرى لحد مصممت انى ارجع لوزنى الطبيعى و من سعتها و انا متبع الرجيم الطبيعى اللى هوه تاكل اكل صحى و بكميات عادية مش لازم احش فى الاكل..... بصراحة الواحد حس انه مرتاح و بيلبس هدومه على مزاجه و الكرش تقريبا راح بنسبة 75%... و شكرا على النصيحة لانك كده اثبتلى ان اللى انا بعمله صح و شكرا.

رد: حكايتى مع الخسسان.. الطريق الطويل للوصول الى الجسم المثالى
 

وللى عايز يعرف هو تخين ولا لأ لابد من حساب معدل كتلة الجسم Body mass index - BMI
وهو عبارة عن حسبة قسمة الوزن بالكيلو على الطول بالمتر ثم قسمة الناتج على الطول بالمتر مرة أخرى والمثالى من 24 الى 28 وفوق ال 33 سمنة مفرطة وخطيرة
وله الات حاسبة ( برامج من على النت )