رد: حكايتى مع الخسسان.. الطريق الطويل للوصول الى الجسم المثالى
 

فيه كمان ملحوظة ...
ان تبويظ الرجيم مرة كل اسبوع او اسبوعين ده شئ صحى و بيفيد الرجيم نفسه لأن ربنا سبحانه و تعالى انعم علينا بجسم متكيف مع ظروف الحياة المختلفة ,, فا انت اثناء الرجيم بتبقى محتاج توقف عملية التكيف دى لأن الاجسم بيتعود على كمية و نوع الاكل اللى بيدخله و معدل الخسسان بيقل ف لازم تخدع جسمك و تلخبط حساباته بيوم التبويظ ده ..

غير ان كمان يوم التبويظ ده بيريح الوحد نفسيا لأن الرجيم فى حدذاته بيعمل اكتئاب لوجود حالة شديدة من الحرمان
و بيكون الواحد مجبر انه يعمل حاجة مش على مزاجه ... و فيه اوقات فى الرجيم بتمر بيبقى الواحد مابيفكرش غير فى الاكل و بس لو حصلت الحكاية دى لازم تخرج تروح تيجى تكلم اى حد فى اى موضوع .... يعنى تحاول تنسى نفسك بأى طريقة و تشغل نفسك و دايما افتكر التيجة اللى هتعود عليك من الرجيم علشان تتشجع و تقدر تواصل .... لقيت برده مفيش فايدة بوظ اليوم ده و ارجع للرجيم تانى يوم ... بس ماتتعودش على كدة يعنى :) يوم رجيم و يوم تبويظ ..ماينفعش يا معلم ... و عموما هو يوم التبويظ كل اسبوع ده بيظبط المسائل شوية.

و فيه أحاديث كتير لسيدنا النبى الكريم عليه افضل الصلاة و السلام بتشجع على الاعتدال فى الاكل
و دول يا جماعة فيما معناهم
(نحن قوم لا نأكل حتى نجوع ,, و إذا أكلنا لانشبع)
(شر وعاء يملأه ابن آدم هو بطنه)
(اجعل ثلث لطعامك و ثلث لشرابك و ثلث لنفسك)

و على فكرة بعد ما كتبت الموضوع ده امبارح انهرت و جعت و بوظت الرجيم :) قال جبتك يا عبدالمعين :)
و بصراحة صاحى النهاردة مزاجى وحش من اللى عملته امبارح بس انا قسيت على نفسى جامد بصراحة فى الكام يوم اللى فاتو ولازم اغير النظام اللى انا ماشى عليه ,,,,
ادعولى يا رجالة اقدر اكمل لحد ما اوصل للوزن المثالى .....
و صباحكو زى الفل

رد: حكايتى مع الخسسان.. الطريق الطويل للوصول الى الجسم المثالى
 

يعنى افضل اكل كل يوم زبادى لمدة ثلاث ايام

وفاكهة لمدة ثلاث ايام

ماكلش معاهم حاجه خالص

عمرى ماهشبع يامحمد حرام عليك

رد: حكايتى مع الخسسان.. الطريق الطويل للوصول الى الجسم المثالى
 

فعلا الريجيم الكيميائي ده صعب جدا
أنا رأيي ان الواحد لو عايز يزود معدل فقد الوزن يبقى ده عن طريق زيادة معدل الرياضة أو النشاط اللي بيبذله مع الرجيم........على أساس اننا نلتزم بالرجيم المعتدل اللي هو فطار وغذاء وعشاء ده أصح وأفيد بكتير

رد: حكايتى مع الخسسان.. الطريق الطويل للوصول الى الجسم المثالى
 

انا كنت ناوى اخس شوية باتاع 5 كيلوا و كنت ناوى اسالك

بس لقيت الموضوع فرحت قوى روحت اتصدمت لما لقيتة كبير

قولت بلاش مش مشكلة شوية الكرش دول

رد: حكايتى مع الخسسان.. الطريق الطويل للوصول الى الجسم المثالى
 

يا باشا هما 12 يوم عذاب يقابلهم 10 كيلو خسسان ... اظن انت الكسبان ...
هو صعب فعلا بس والله نتيجته هايلة و مضمونة و بيديك دفعة كويسة و يحسسك ان الخسسان ده حاجة مش مستحيلة فهو بيكون مشجع جدا كبداية لاصحاب الوزن الزائد جدا (السمنة المفرطة)

و بيبقى تمام برده لو عاوز تخس كمية كبيرة فى فترة قليلة يعنى مثلا لو عندك مناسبة مهمة

أما يا باشا لو مش فارق معاك الوقت و ارادتك حديد يبقى تدوس فى النظام الاولانى بتاعى مع الرياضى زى ما قال الدكتور درش

و صباحك زى الفل يا معلم ... بالمناسبة الاستاذ اوباما ... قصدى نور عامل ايه؟ يا رب يكون تمام..