|
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
اقتباس:
حضرتك عندك خلط خاطئ تماما في الفكرة دي ليس بالضرورة انك عشان تكون مؤيد لشفيق انك تكون مؤيد او راضي بالنظام السابق دا حق يراد به باطل انا مش ولا يمكن هاكون مؤيد لمبارك بس مؤيد لشفيق وضد مرسي فقط ياريت نبطل الخلط العجيب والغريب دا تاني حاجة لو جيبت لحضرتك مليون دليل على سبب تأييدي لشفيق ...مش هاتقتنع فريح نفسك احسن وريحنا معاك |
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
اقتباس:
نيجي للاجابة العويصة وهي بس للاسف في صورة سؤال ياريت حضرتك تجاوب علية تقدر تمسح وتغير بلاوي 30 سنة في اد ايه؟ |
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
فية حاجة عجيبة تانية وغريبة خنقاني بس لازم ابوح بيها في المنتدى هنا اي المشكلة في ان الحزب الوطنى بيأيد شفيق دا مش عيب فية هو حتقولو ازاي حاضرب مثل بسيط كلنا بنشجع اندية اوروبية كتيرة زي ريال مدريد وبرشلونة وبايرن ميونيخ زي ماحضرتك بتشجع الاندية دي هتلاقي من جمهورهم معلش في الكلمة ناس شواذ هل دا يعيبك انك بتشجع نفس النادي اللي بيشجعه واحد شاذ ولا تسيب النادي دا وتقاطعه احسن نفس الموضوع بالنسبة لشفيق هل يضيرني ان الحزب الوطنى يؤيد شفيق لأ طبعا ياريت نكون فهمنا |
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
اقتباس:
السلام عليكم انا مختلف مع حضرتك جملا و تفصيلا اولا : تشبيه حضرتك مش صحيح ..... فيه فرق كبير جدا بين الى بيشجع و بس ... و بين الى بيدفع و يقرر مصير و يجند موارده و جهوده لانجاح طرف عن طرف .... ثانيا : لو فرضنا جدلا ان حضرتك بتشجع برشلونة و بيشجعه شواذ .... و جه فريق برشلونة قال ان الشواذ دول هم الى بيدعمونى و بيصرفوا عليه و عمود مهم من اعمدة فريق برشلونة المالى و المعنوى .................... الواجب على حضرتك انك تفكر بدماغك مش بقلبك ... و تقول و ماله مش الشواذ دول بنى ادميين زينا ... و فريق برشلونة ماله و مال الشواذ ... هى دى مشكلته ان الشواذ بيايدوه !!!!!! المفروض ان عند حضرتك ثوابت اخلاقيه و خطوط حمراء ... نتيجة حكمك على التاريخ و دراستك الواعية للتاريخ السابق للشواذ .... يبقى حضرتك تقول لآ ... انا عندى قناعة ان تاييد فريق برشلونة للشواذ يقول ان برشلونة موافقة على سلوك الشواذ .... و ده يتعارض مع اخلاقياتى و دينى .... يبقى فريق برشلونة مش كويس ... حتى لو احسن فريق بيلعب كورة فى العالم ثالثا : شفيق قال ان حسنى مبارك يبقى مثله الاعلى ... حضرتك حتقول بس ده مش دافع انه يعمل زيه انما حيمشى زيه ..... نفس المدرسة ... نفس الفكر رابعا : سيبك من كل الكلام الى فوق ده ........... حضرتك اتفرجت على شفيق و هو بيتكلم فى التليفزيون ؟؟؟؟ ( ارجوك متقوليش يعنى ان الى شفت مرسى .... ) طريقته فى الكلام سيئة جدا .... ظابط جبش فعلا ... بيتسال سؤال بيلف و يدور و يجاوب فى حتت تانية ... و تحس فى كلامة بالغطرسة و الغرور جدا ... و تلويح كدة من تحت ل تحت باستخدام العنف .... لما سالوه حترجع الامن ازاى فى 24 ساعة قال حرجع عساكر المرور للشوارع .... اهم حاجة فى الموضوع ده .... اننا نفضل برضو اخوات و منتهمش بعض عمال على بطال و تفضل اخلاقنا كويسة |
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
اقتباس:
حقيقى مش فاهم مين أنتم؟ حضرتك بتتكلم عن نفسك أم عن حد تانى؟ وبعدين ملاحظ ان حضرتك على طول ضد الثورة فى جميع ردودك فمنين حضرتك ضد مبارك ونظامه وفى نفس الوقت ضد الثورة!!! |
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
اقتباس:
|
رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
من أجمل ما قرأت عبارة تقول:
أن إختلافنا على تأييد شفيق هو إختلاف فى الأخلاق و ليس مجرد إختلاف فى الآراء |
| الساعة الآن 07:31 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017