|
مشروع مكتب تاجير ارجو المساعدة من اهل الخبرة
انا عندى عربيتين كروز 2010 اتوماتيك كنت شغلتهم فى مكتبين قبل كده واحد فى الغردقة والتانى فى القاهرة والحمد لله الاتنين نصبوا على وبهدلوا العربيات فبعد المصاريف اللى صرفتها عليهم قررت افتح مكتب تاجير فى ناس نصحونى ااجرهم بالسواق بس ياريت حد يفيدنى ويدلنى اعمل ايه وايه الاحتياطات اللى اخدها والضمانات والاوراق اللى المفروض اعملها واتعامل بها فى المكتب ولو هشغل سواقين هل فى ضمانات عليهم ولا لا والتعامل بيكون ازاى وازاى احمى نفسى قانونيا ربما يكون اللى ماجرها بيستغلها فى اى اغراض غير قانونية .ارجو الافادة من المنتدى المحترم
|
رد: مشروع مكتب تاجير ارجو المساعدة من اهل الخبرة
اخى الكريم
اولا احمد ربنا ان العربيات رجعت متبهدلة وبس والله العظيم ناس اشترت كيا سيراتو زيرو والعربيات ماكملتش شهر واحد وكانت فى غزة وما رجعتش تانى بخصوص فتح مكتب تاجير سيارات بصراحة دة محتاج كذا حاجة اهمهم انك تكون لبط وبتاع مشاكل ( انا اسف جدا ) يكون عندك شبكة علاقات عامة كويسة بخصوص تاجير السيارة بالسواق دى حاجة مضمونة جدا بس العيب الوحيد بتقلل عدد العملاء ليك ودة طبعا علشان الى عاوز ياجر عربية عاوز يجرى و يقفل الامبير بتاعها ( عربية ايجار بقى ) وعرفش لية دايما الى بياجر عربية بيتعامل على ان صاحب المعرض سرقوا وبينتقم من العربية لو هتفتح فى المدن الجديدة مثل الرحاب و مدينتى موضوع السيارة بالسواق هيشتغل حلو قوى وكل شغلك بالتليفون هتجيب حد من وسط البلد للرحاب و العكس اما لو هتفتح المكتب داخل المدينة مش هيشتغل موضوع السواق غير يوم الخميس فى الافراح وبعض المناسبات مثل لو حد رايح المطار وخلافة يعنى العربيتين هيشتغلوا 10 ايام فى الشهر بخصوص الضمانات على السائق اهم حاجة ايصال امانة بقيمة السيارة زيرو وعقد بينك وبين السائق مكتوب فية انة هو المسؤل جنائيا عن السيارة يعنى لاقدر الله وخبط حد او كسر لجنة او ماشابة انسب حاجة هى لو تقدر تدخل العربيتين لشركة بترول بس دول ليهم طلبات فى السيارة اعتقد لازم تكون موديل السنة 2 اير باج مش عارف هل تبيع العربيتين ( فى حال لو تعرف شركة بترول تاخد العربيتين ) وتجيب واحدة زيرو ؟ لو عندك شبكة علاقات عامة وتقدر تشغل العربيات بمعرفتك توكل على الله واستخير ربنا والميزة ان العربيات هتبقى تحت عينك وتقبل مرورى وربنا يقدم مافية الخير |
رد: مشروع مكتب تاجير ارجو المساعدة من اهل الخبرة
انا ممكن اخد منك واحدة ايجار شهري بسعر كويس بعقد سنة انا شغال في شركة شحن وبحتاج عربية تحت ايدي 15 يوم فالشهر يوم ويوم .
ومستعد امضي معاك العقد اليوم الزيت عليا والكاوتش بالنص خلال السنة لو احتجنا نغيرو . صيانة مكانيكية عليك صيانة خارجية بودي عليا لو في . وعقد يتكتب بكدا . انا شخص عايز أجر سيارة مش مكتب ولا شركة ولا أي افلام ومن الجيزة - الوراق . ============ شوف 2 سواقين كل سواق 1500 جنية واديهم العربية وروح شركة بترو كار او كار مصر واتعاقد معاهم سيارات بالسواق هيدوك فالعربية 3000 جنية او 3500 ادي السواقين 1500 وانت خد ال 2000 وبلا وجع دمااااااغ ايجار واتسرقت ومش عارف اية . |
رد: مشروع مكتب تاجير ارجو المساعدة من اهل الخبرة
اقتباس:
انت شايف ان صاحب مكاتب وشركات الايجار لبط وبتاع مشاكل ليه لازم تشوف الموضوع بشك متوسع ميبقاش في نطاق ضيق وهونطاق المستاجر يعني انا مثلا صاحب شركه ايجار وانت جيت تاجر سياره ورجعتها مخبوطه مفرود عشان مبقاش لبط وبتاع مشاكل اقولك شكرا انك خبط العربيه مع السلامة ويبقى عشان اجرتها مثلا اسبوع ب1400 ادفع اصلاح 15000 غير ان صاحب السياره بياخد ايجارها اثناء الصيانه وبعد ماينتهي عقدي معاه يرفع قضيه تعويض لان قيمة السياره انخفض 10000 بسبب الحادث اي واحد يقولك ان ده حرام مع ذالك لاقدر الله في حاله الحادث بنصلح على التامين وبيدفع الخبط السياره ايجار السياره اثناء فتره الاصلاح و10% من قيمه الاصلاح لان دى نسبه بتخصماه شركات التامين كاهلاك للقطع الغيار وبعد كل ده بيطلع الخبط العربيه غرمان في حدود 3000 جنيه بدل مايدفع مبلغ في حدود 20000 جنيه وبعد كده بتقول علي صاحب المكتب انه لبط وبتاع مشاكل شكرا |
رد: مشروع مكتب تاجير ارجو المساعدة من اهل الخبرة
انك تفتح مكتب ايجار بسيارتين مينفعش لانك هتدفع ايجار مكتب وهيبق عليك ضرايب وهتدف فلوس عشان تعمل سجل تجاري وفي النهايه هتلاقي ان الدخل من الايجار يذهب في المصاريف
اذا انت امام خيارين 1 انك تعرف الناس الموجدين في المنطقه انك عندك سيارتين وبتاجرهم وده في الاول هيبق صعب بس بعد شهرين او ثلاثه هيكون شغاله علطول لان هيكون لك عملاء 2 انك تفتح مكتب زي مانت عايز بس لازم تدخل معاهم سيارات اخرى زي فيرنا ولانوس والنترا لان الكروز تعتبر فئه عالى ومش كل الناس هتاخدها فيصبح عندك سيارات منخفضة الايجار ومتوسطة ومرتفعا بحيث تكون تغطي الجميع في الاحتياجات واقل عدد للسيارات لتغطي بها عمل المكتب ويجب مكسب كويس وتغطي المصاريف اعتقد هو 5 سيارات والله الموفق |
رد: مشروع مكتب تاجير ارجو المساعدة من اهل الخبرة
اقتباس:
انت صاحب مكتب سيارات ممكن سؤال ؟ لية بتشطرت انك ماتخدش عربية من احد بعقد سنوى غير لما يكون عليها تامين شامل ؟ علشان لما تتقلب ولا تتخبط لاقدر الله تقولى اتصرف مع التامين وادوغ انا السبع دوخات لغاية لما اصلح العربية فى التامين وتاخدلها خمس او ست اشهر وطبعا القسط شغال البنك مالوش دعوة والمصيبة بعد دة كلة تكتشف ان صاحب المكتب ساوم المؤجر على وصل الامانة واخد عشرة الاف جنية فى جيبة طبعا من كلام حضرتك واضح انك شخص محترم بس انا بتكلم من واقع الى شوفتة وعندك مثال حى صاحب الموضوع ماجر عربيتين لشركتين مختلفتين ووقع فى نفس المشكلة انت نفسك مسمعتش عن عربيات اتاجرت من اشخاص غير مصريين وتانى يوم كانت فى غزة ؟ محصلش معاك ان واحد اجر عربية اسبوع واخدها شهر وبعدين رماها متبهدلة فى اى حتة . وتكتشف بعد كدة ان البطاقة مضروبة ؟ انا لااقصد اساءة الى اى احد الغرض هو النصيحة وانا اسف اجدا لحضرتك |
رد: مشروع مكتب تاجير ارجو المساعدة من اهل الخبرة
الاخ محمود بيعقد الموضوع للراجل بصراحة
عربيتين يفتحو مكتب ايجار حلو ويشتغل كويس وانا اعرف اكتر من شخص فاتح محل ايجار بعربيتين وبعربية واحدة كمان . وبيعتمد انة يعرف رقمين تلاتة لأصحاب عربيات بتاجر مش خمس عربيات ! فالاول !! وبعدين ياخ محمود ... اصحاب المكاتب معروفين " معظمهم " انهم بياخدو العربية يفحتوها شغل عشان يكسبو منها الطاق اتنين ولو اتخبطت يقلك اتفضل عيش مع تأمينك . وبيروح يطلع عين ام ألي خبطها وياخد منو ألي يقدر علية . ولو حضرتك مبتعملش كدا يبقا حضرتك قاعدة شاااااذة نادرة الوجود جدا جدا لاني بصراحة اجرت عربيات اكتر من 200 مرة . وعارف طبعهم . مرة طاسة العجلة الخلفية وقعت دفعني 100 جنية حق الطاسة .. ولو اني طقم الطاسات كلو ب 70 جنية بس استغلال لوصل الامانة . |
| الساعة الآن 07:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017