مصر موتورز مجتمع السيارات - رابطه مالكي بيجو 305

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

- - رابطه مالكي بيجو 305 (https://www.masrmotors.com/vb/showthread.php?t=45198)

رد: رابطه مالكي بيجو 305

السلام عليكم ورحمه الله وبركاته انا سعيد لانى هكون صديق ليكم وشرف لى انا بصراحه عايز اجيب السياره ده وخايف ليه ناس كتير خوفونى منها خصوصا انى موظف فى الحكومه والمرتب على الاد وانا مش معايا فلوس علشان اكون كل شويه عند الميكانيكى ولاكن انا قريت الكلام بتعكه اللى انته كتبتوه كله بقيت افكر فى الموضوع ده تانى ياريت حد ينصحنى بلامانه كاخ اعمل ايه اجيب البيجو 305 ولا ايه السياره اللى ممكن تكون مناسبه معايا وللعلم انا معيش غير 15000الف يارب حد يرد عليا عشان انا بجد فى مشكله ومحتار ومش عارف اعمل ايه

رد: رابطه مالكي بيجو 305

اقتباس:

المشاركة الأصلية كتبت بواسطة محمود htt (المشاركة 715007)

اهلاً بيك معانا فى المنتدى والرابطه
وبالنسبه لشراء سياره بيجو 305
هى عمليه نسبيه يعنى مش كل الازواق زى بعضها ممكن انا اقولك اشتريها
وشخص اخر يقولك اشترى 128
هى ازواق
والمستحب فى البيجو بالذات انها تكون
فايقه يعنى تحاول تشتريها
وماتكونش محتاجه مصاريف كتير
علشان ماتزهقش منها بسرعه
وياسلام كمان لو انت اصلاًً بتفهم فى العربيات
ساعتها عمرها ما هاتقرفك

رد: رابطه مالكي بيجو 305

اقتباس:

المشاركة الأصلية كتبت بواسطة bebonet (المشاركة 715745)

شكرا لاهتمامك بالموضوع بس انا الصراحه مبفهمش فيها ولاكن انا لما هروح اشتلى هاخد معايا ميكانيكى بس انا اصدى ان البيجو 305 عيوبها كتير زى مكتير بيقولو ولا ده كالام خصوصا انى انا مش عايز عربيه كل شويه اصرف عليها تصليح ومره تانيه شكرا لاهتمامك

رد: رابطه مالكي بيجو 305

العربيه دى كويسه جداً
ولكن مشكلتها انك لازم تكون فاهم فى العربيات
ولو مش فاهم فى العربيات
ممكن تتعامل معاها ولكن
انت بتقول انك موظف ومش عايز مصاريف كبيره
وهى مش بتصرف ولكن لما بتصرف
بتصرف جامد لانها مش زى ال128
واهم ميزه فيها إن قطعة الغيار بعد شرائها وتركيبها
بتنساها
ولازم تخلى بالك من غيار الزيت بتاعها
لان الفتيس داخل الموتور والزيت واحد
يعنى عايزه عنايه مختلفه شويه عن العربيات العاديه
وميزاتها الاخرى الجميله
انها ناعمه وقويه فى نفس الوقت
ولو انت اشتريتها ان شاء الله
احنا معاك فى المنتدى
واهم شىء وانت بتشتريها تخلى بالك
حاول تجيب عربيه واقفه على حيلها
واوعى تجيب عربيه مخلعه وتطمع وتقول هاشدها
لانها هاتسحب منك فلوس بالهبل
لازم تكون عربيه ماسكه نفسها ولو تقدر تجيبها فابريقه
يكون احسن
يعنى مثلاً ما رشتش جوه
ويكون مثلاً فرشها بتاع بلادها

رد: رابطه مالكي بيجو 305

اقتباس:

المشاركة الأصلية كتبت بواسطة bebonet (المشاركة 715787)

شكرا ليك وربنا يسهل انشاء الله هشوف ولو فى حاجه ادامك حلوه ياريت متبخلش عليا وربنا يعمل اللى فيه الخير وان شاء الله طول منا معاكم هتعلم منكم ان شاء الله

رد: رابطه مالكي بيجو 305

انا بجد سعيد انى معاكم فى رابطة مالكى بيجو305 ودى اول مرة ادخل هنا واتمنى ان احنا نكون اصحاب ونفيد بعض كلنا
وكل سنة وانتم طيبين يا جماعة
:12EA7A~153:

رد: رابطه مالكي بيجو 305

نورت ياباشا
واهلاً بيك مع اخواتك
رمضان كريم
:CONGRA~238: