رد: اية اطرف موقف حصلك مع بداياتك فى السواقة ؟؟؟؟
 

الله يسامحكوا يا جدعان ..... فكرتونى باللذى مضى
الموقف ده حصل معايا من 3 سنين اول ما اتعلمت السواقه
كان معايا ريجاتا 88 وكنت كل يوم بالليل اطلع الف بيها شويه عشان اتعود عليها زى ما الناس قالتلى
وفى اليوم خدتنى الجلاله طولت اللفه زياده عن كل يوم وكنت راجع متكيف ومبسوط أوى وبفكر انى انزل بيها الشغل تانى يوم
انا بركن بطول الرصيف اللى ادام العماره عندى ...
وفى مركز طبى ليه بلكونه حديد واللى يفرقه عن الشارع الرصيف بس
وانا داخل بركن بقى عاوز اعمل فيها الجامد واحضن جمب الرصيف لقيت العربيه طلعت الرصيف وراحت داخله على الحديد بتاع المركز الطبى خلعته وكبوت العربيه بالكامل دخل على الناس فى المركز الطبى
وطبعا جه صاحب المركز اول ما شاف المنظر قاللى انت عاوز تكشف للعربيه ولا ايه.... هههههههههههه
المهم اللى غاظ الراجل ان الحديد اتخلع وانا اللى راح عندى الفانوس الشمال بس
ولحد دلوقتى كل ما اقابل الراجل دهنقعد نفتكر ونضحك
ايييييييييه........ كانت ايااااااام:w6w20050411135 62663

رد: اية اطرف موقف حصلك مع بداياتك فى السواقة ؟؟؟؟
 

و الله احسن ايام هي الايام الاولي في السواقة خصوصا لما تكون عربيتك ممكن تبات فيها من كتر ما انت عايز تبقي سواق جامد و بسرعة عشان تمشي في الزحمة و تطلع علي الطريق و تاخد غرز انا بقي مختلف في حاجة ان اول عربية سوقتها كانت عربيتي كانت 128 و لسه جايبها و مبعرفش اسوق خالص و قولت بقي انا كده كده بتعلم بسرعة و جامد روحت واخد العربية في يوم الساعة 11 الصبح و ديه كانت تاني مرة اركب فيها العربية و ماشي في شارع فاضي وبعدين لقيت واحدة جارتنا جاية من علي اول الشارع فقولت بقي لازم اظبط نفسي امشي كويس بس وجيت عندها و قلت اقطع عليها الطريق و الف من قدامها و ابصلها عشان تعرف بقي ان انا جبت عربية قال يعني ال 128 عربية المهم و انا ببصلها لقيت صوت بووووووم بصيت لقيت نفسي في حضن عربية لادا راكنة بس صاحبها جواها لاقيته بيفتح الباب بس عربيتي كانت زانقة الباب بتاعه اصل انا جبتله الجنب الشمال كله راح ناطط علي الكرسي التاني و فتح الباب لقيت وشه اسود و روحت دايس بنزين علي الاخر و جريت انا عارف ان غلط اني اجري بس انا مكنش معايا رخصة الاغرب من كده ان بعدها بشهرين ابن خالي كان بيخطب و روحت معاه بيت اللي كان عايز يخطبها لاقيت ان ابوها هو صاحب اللادا و بتهيالي كده انه رفضه بسببي

رد: اية اطرف موقف حصلك مع بداياتك فى السواقة ؟؟؟؟
 

رد: اية اطرف موقف حصلك مع بداياتك فى السواقة ؟؟؟؟
 

:1336::tng::12B1B3~136::h ehehe::Bravo::fun_36_1_30[1]:nononono

رد: اية اطرف موقف حصلك مع بداياتك فى السواقة ؟؟؟؟
 

ازيكو يا اعضاء المنتدي الكرام
انا بقي اول ما سوقت كان عندي 12 سنه تقريبا وكان عندنا 128 وكان فيها شفاط الكربراتير لتسخين العربيه وكنت بحب اشده واسمع صوت العربيه عالي كنت صغير بقي
وفي يوم وانا بسخنها وشادد الشفاط ورجلي اليمين جوه العربيه والشمال بره العربيه والعربيه واقفه بتسخن قوم ايه بقي
روحت دايس برجلي اليمين علي الدبرياج والشمال طبعا بره العربيه وجايب الاولاني وروحت شايل رجلي من علي الدبرياج راحت العربيه جريت مني ومعرفتش اعمل حاجه وكمان وقعت من العربيه
والعربيه موقفتش غير لما لبست في عربيه تانيه بيجو
تقولولي ايه اللي خلاك تعمل كده
اقولكو معرفش
وطبعا كنا خارجين والخروجه اتفركشت وخدت الطريحه التمام من والدي :fun_36_1_39[1]:

رد: اية اطرف موقف حصلك مع بداياتك فى السواقة ؟؟؟؟
 

أطرف موقف حصلي من شهر تقريبا وكنت لسة بتعلم السواقة جديد
المهم كنت فى المعادي ودي شوارعها شبه بعضها المهم كنت ماشي خايف جداً لاني كنت أول مرة أسوق فى شوارع زحمة ومعرفهاش وكمان شوارع المعاي شبة بعضها

المهم ربنا رزقني بواحد راكب عربية شيروكي وماشي ورايا كلاكسات وأنا أطلع أجري والشمس ضاربة فى عيني ومش شايف الطريق كويس وعمال أقع فى حفر وأكل مطبات
لحد أخر الشارع الطريق بقي واسع الراجل اللي كان ورايا عداني ووقف جمبي وبصلي كدة وقاللي


هوة حضرتك طالع تجري كدة لية أنا كنت عاوز أسألك شارع 266 فين هههههههههه

بصراحة أنا كنت عاوز أنزل أضربة علشان أنا معرفش الشارع دة أصلا وبعدين أنا كنت تايهة ومش عارف أطلع منين


دة أطرف موقف لحد دلوقتي MADMADMADMADMADMAD

رد: اية اطرف موقف حصلك مع بداياتك فى السواقة ؟؟؟؟
 

انا طول عمرى محظووظ وحظر ناااااااااار....كان فيه واحد بيعلمنى السواقه ومشين تمام اول فى تانى والعمليه زقزقت فى دماغه فقلى ما تيجى نطلع على الزراعى عشان قلبك يجمد والخوف ده يروح منك ...مكذبتش خبر ومشيت ورا كلامه وخدت الطريق الى يطلعنا على الزاعى وهوا طريق ضيق وربنا وعدنى بواحد ماشى ورايه عمال يقلب نور وانا مطنش خالص ..والراجل يقلب نور عشان اعديه وانا مطنش خالص ونفسى اقف واقله انى لسه بتعلم بس خايف العربيه تبطل منى وما اعرفش اطلع بيها تانى وهوبا وانا بعدى شريط السكه الحديد العربيه بطلت وادور واجى اطلع تبطل تانى هاهاهاهاهاهاها وهنا كانت المفاجأه لقيت العربيه اى ورايه شغل السرينه ونور الفنار وهاتك يا صريخ بالسرينه..هاهاهاهاه وطلع صحبنا مدير المرور ومروح بيته هاهااهاهاه ونزل السواق بتاعه وقلى رخصك وكلم الباشا نزلتله واناحيغمى عليه من الضحك ..بيقلى بتضحك كده ليه ياأستاذ قلتله ديه منظر سواقه حد معاه رخصه دنا ماعرفش البنزين من الدبرياج واول مره اركب عربيه ضحك وقلى دنته حظك نار يعنى مش عسكرى الى موقفك ولا ظابط دنا العميد.... مدير المرور وعارف لو شوفتك جاى تطلع رخصه بسواقتك ديه حنفخك انا بس حسيبك عشان شكلك محترم وابن ناس
شوفتوا الحظ
:wave2W21::wave2W21::wave 2W21::wave2W21::wave2W21: :wave2W21::wave2W21::wave 2W21::wave2W21::wave2W21: :wave2W21: