رد: الجمعية المصرية للتامين التعاونى ..الله يحرقهم
 

أن شاء الله هأتصل بيهم واللى فيه الخير ربنا يقدمه -أشكرك مرة اخرى على النصيحة .

رد: الجمعية المصرية للتامين التعاونى ..الله يحرقهم
 

اولا ومبدئيا ازاى مازلت مستمر فى سداد الاقساط والعربية هلكت هلاك كلى ومعنى كده ان الشركة بتعوض البنك عن العربية مش سعادتك وانت بيتعمل لك تسوية وتخلص من اقساط البنك خالص وطبعا بيضيع عليك المقدم اللى دفعته اومال البنك مبيرخصش العربية الا لما يشوف وثيقة تامين ليه ؟علشان لو دمرتها سعادتك هما يصرفو قيمتها من الشركة وانت تخسر المقدم واللى انا فاهمه كمان ومحدش بيرضى يقوله من تجار العربيات ان البنك كمان بيعمل وثيقة تأمين على الحياة علشان لو لاقدر الله حصل لك اى حاجة الفلوس متروحش عليهم بتاعة تمن العربية وانما ياخدو تمن العربية من شركة التامين لان فى نص فى القانون عندنا بسقوط اى احكام او مديونيات على اى متوفى ولكنهم بيخبو وثيقة التامين على الحياة دى علشان الناس متتشائمش ومتخافش
ثانيا احنا وانا بقول احنا لانى وقعت فى نفس المأزق بتاعك بس سنة 2008 وكانت الجمعية المصرية بتدى شيكات مضروبة وقتها للعملاء
واصل الحكاية ان الجمعيه حبت تاكل السوق لوحدها فبقت تاخد نسبة 1,5% من قيمة العربية وتجار السيارات يحاسبوك على 2,5% وطبعا نظرا لان المسالة مربحة فكل التجار يروحو عاملين الوثيقة على الجمعية وانا وانت كمستهلكين مش فاهمين بنستلم العربية بكل ورقها ونمشى لانها زيرو ومعندناش فكرة واول م تحصل مشكلة يبان كل شىء على اصله
هذا الكلام مش من اختراعى لكن كلام سمعته من واحد الله ينتقم منه مطرح م راح رغم انه خدمنى ولكن سرقنى
وكانت الجمعيه بتدى شيكات مضروبة للعملاء زى مقلنا لحد م وقعو فى ايد ظابط مباحث خد احكام عليهم بالسجن وحبس رؤساء الحسابات اللى بيمضو على الشيكات ووصى عليهم حبايبه فى قسم الوايلى اخدو فيها 5 ايام فى الحجز وطبعا جوه الحجز الاستقبال مهم وشافو ايام سودة جوه وبسلامتهم اتمسكو يوم الثلاثاء خرجو الاحد ومن يومها بطلو يمضو على شيكات يفضل يعطلك من اول المعاينة لحد صرف الشيك وميديكش شيك ابداااااااااااا
ثالثا / انا شخصيا كان ليا 5000 جنيه واتعرفت بواحد قال اخلصلك المصلحة دى بس اخد 2000 جنيه ومش هغرمك كتير
و قد كان راح معايا للورشة فى الحرفيين وجاب فاتورة ب8500 جنيه ومندوب الجمعيه شال منهم 2000 والبهوات قبل صرف الشيكات اخدو 2000 وقبضت انا 4500 واعتبرت نفسى صلحت العربية ب500 جنيه واما الباشا اللى خدمنى فهو هارب دلوقت من قضايا نصب وخلافه واتضح لى ان ال2000 جنيه دى له فيها 500 مع انه اخد منى 500 غير ال2000
اذن هما ليهم سكك بس ازاى حاليا معرفش
رابعا الجمعيه المصرية لا صرفت ولاهتصرف اى فلوس لانهم بيصرفو المبالغ الصغيرة فقط 500 جنيه و 1000 جنيه وحاجات كده
خامسا شغلانة التأمين دى كلها شغلانة نصب واحتيال هيا كل مكسبها قائم على ان 50 واحد مثلا يأمنو واللى يصرفو 3 او 4 مثلا لك تخسر وبالتالى الشركة تعجز عن سداد التزاماتها لما يكون نسبة التعويضات كبيرة يعنى شغلانة 3 ورقات
طيب الحل ايه
انك تروح للبنك وتقول له العربيه هلكت لان واضح ان معندوش فكرة والجمعيه مبلغتوش لانه هيطالبها بفلوس العربية كاملة وفورا لان البنك ديونه ديون ممتازة اى لها الاولوية قبل اى فلوس تانية فهما بيراضوك انت وانت مقدور عليك لكن اعتقد ان البنك لو وريته الورق هيبقى ليه تصرف وتطالب بوقف سداد الاقساط بس ياحلو تكون مجهز ال20 الف اللى اخدتهم من الجمعيه لانهم هيطالبوك بيها على م اعتقد
ارجو انى اكون افدتك وربنا يعينك ويصبرك

رد: الجمعية المصرية للتامين التعاونى ..الله يحرقهم
 

و على فكرة انا اول م حصلتلى الحادثة اتلمو حواليا ومتخافش والعربية هلاك كلى طيب لما هيا هلاك كلى ادونى الفلوس شرحولى حكاية الفلوس دى وانها بتروح للبنك وانى هخسر المقدم و كان قبل الجمعيه متقع الوقعة السودة دى المهم فضلت وراهم لانى عايز العربية مش اخسر مقدمها وربنا اكرمنى واتصلحت بس هما كانو بيستعبطو عليا لان المندوبين نفسه بيبقى وراهم ناس تشترى ويشاركوهم ويصلحو العربية ويبيعوها على انها نص زيرو او كسر زيرو واعتقد انك سمعت الجملة الاخيرة دى فهما كلهم عصابات فى بعض وربنا يعينك وانا بحكيلك سبب معرفتى بموضع ان الهلاك الكلى معناه يحاسبو البنك مش انت وانت تخرج منها حتى انا لما روحت للبنك قالو بالحرف لو العربية هلكت يبقى احنا ناخد قيمتها مش انت طيب وانا اشرب من البحر فرد عليا موظف البنك بنفس البرود وقال / تقريبا كده طبعا جريت عليها ولطعونى 7 شهور عصابة المندوبين مع الورشه علشان يشتروها وفى الاخر لما لقونى مصر على موقفى صلحوها ولما سالت الوكيل دى تتكلف كام قال 13 الف وفوجئت ان الورشة مطلعة فاتورة للجمعيه ب27 الف فكلهم عصابات فى بعض ربنا يرحمنا منهم اجمعين

رد: الجمعية المصرية للتامين التعاونى ..الله يحرقهم
 

أشكرك أستاذ خالد على الرد وأشكر كل من سأهم بالرد فى هذا الموضوع -ولكن أحب أوضح لسيادتك أنى بالفعل بعد الحادث أتصلت بالبنك (سيتى بنك) وشرحت لهم الموضوع وكان الرد ( عليك بالتوجه للجمعية والألتزام بدفع القسط وعدم التأخر عن السداد حتى لأتتعرض لغرامات التأخير ) طبعا انا الرد معجبنيش وتوجهت اليهم مرة أخرى وجبت لهم الأوراق اللى تثبت صحة كلأمى مختومة بختم الجمعية ولكن كان الرد المرة دى (أحنا منقدرش نوقف القسط لأنه متسجل على السيستم عندنا وبينزل بشكل الألى ومرة أخرى نفس الكلأم -فى حالة التوقف سوف يتم توقيع الغرامات وعليك الألتزام بالقسط )
أه وكمان قالوا لى أن دى مش مشكلتك لوحدك وأن بالفعل فى أكتر من عميل عندهم نفس المشكلة والبنك بيطالبك بالتوجه للجهات المسؤلة والألتزام بسداد الأقساط والأ سوف تتعرض للغرامات ...
حاجة تنرفز وتزهق !!!!!!!!!!
والله والله والله ..أنا بقالى سنة بالضبط دلوقتى من يوم الحادث وأنا عمال بدفع للبنك والجمعية لأ حياة فى من تنادى والبنك مبيعملش أى حاجة والبلد والمسؤلين حسبى الله ونعم الوكيل فيهم وفى كل صاحب قرار بيعمل لنفسه ومبيهتمش بيغيره وبيأكل من مكانه ولأ عملوا معايا ولأ مع الناس الغلبانة اللى زيى بالملأيين أى حاجة ..
انا قررت أنى أتوقف عن سداد القسط وطالما هى بقت كده -خليهم بقى يعملوا اللى هما عايزينه ..مهى سايبة !!!

رد: الجمعية المصرية للتامين التعاونى ..الله يحرقهم
 

والله البنك بينصب عليك لانه عارف انه مش هياخد حاجة من الجمعيه لكن انت مقدور عليك اومال التامين اجبارى علي العربية ليه لما هما ملهومش دعوة هو انت تقدر تستلم العربية بدون بوليصة تامين ؟؟؟؟ ولا تاخد جواب تجديد الرخصة بدون بوليصة تامين ؟؟؟؟ مستحيل طبعا طيب مستحيل ليه علشان لو العربية هلكت هلاك كلى ياخدو تمنها من شركة التامين ده انت نفسك معمول عليك بوليصة تامين على الحياة ومدش بيقول عليها علشان الناس متتشائمش لان لاقدر الله لو حصل لاى مشترى عربية انه مات قانونا تروح عليهم باقى الفلوس فهما بيأمنو على حياة كل مشترى بنفس قيمة العربية علشان لو مات لاقدر الله يصرفو قيمة العربية لكن لو توقفت عن سداد الاقساط ورفعت قضية على الجمعية ودخلت البنك طرف فيها وطلبت اخلا ء مسئوليتك لان المسئوليه هنا مشتركة بين شركة التامين والبنك هتلبسهم هما ال2 فى الحيطة وهتدعيلى بعد كده واهو اعلى الاقل هتتوقف شوية عن السداد والبنك هييجى يبوس ايديك بعد كده
واوعى حد يهزك كلام من ماركة الموضوع كبر وفيها حبس وهنرفع عليك قضية ولازم نسجنك والكلام العبيط ده
اثـــــثـــــثـــثـبت

رد: الجمعية المصرية للتامين التعاونى ..الله يحرقهم
 

ينصــر دينك يا أســتاذ ........خليـــــفه !

Dr. Bolbolan ptmnlo123per122

رد: الجمعية المصرية للتامين التعاونى ..الله يحرقهم
 

أشكرك أستاذ خالد مرة أخرى على الرد ..وعلى فكرة هى شكلها كدة خلأص الجمعية دى سرقت وبينيموا الناس وأنا من نأحيتى هأعمل زى مأ أنت مأقولت لى مش هأدفع ولما بقى ربنا يحلها من عنده بعد سنة بعد أتنين مش مشكلة مهى خربانة خربانة يبقوا ياخدوا بقى قيمة غرمات التأخير من فلوس التامين مهى فلوس ضايعة ضايعة وعلى الأقل البنك لما يلأقى كل اللى كان مديهم قروض متأخرين فى الدفع ومش عاوزين يدفعوا يبقى هو بقى يزق المفسدين فى الأرض قصدي المسؤلين فى الأرض عشان يعملوا حاجة ويضغطوا على الجمعية ..والله العظيم حاجة أخر قلة أدب حسبى الله ونعم الوكيل ومسؤلين وحكومة حسبى الله ونعم الوكيل فيهم كلهم ليوم الدين وربنا لأيباركلهم ولأ بيعملوا أى حاجة ( أن شاء الله لينا كلنا وقفة أمام الخالق يوم الدين لتوسئل كل نفس عما كسبت وفيما أنفقت ) اللى مزعل الواحد أنى فى مجال السياحة وفعلأ مش قادر أدى أنطباع حلو عن البلد واللى بيحصل فيها من اللى الواحد بيشوفوه فى التعامل والمعاملة مع العالم الفاسدة دى -لأ وطريقة كلأمهم معاك أقصد لما تروح تكلم حد من المسؤلين فى الوزارات تحس أنهم عملين زى العربجية واللى فى الشارع تحت الكبارى -خلأص مبقوش يعرفوا يفرقوا فى المعاملة ما بين الحلو والوحش- المؤدب وقليل الأدب ..فى الأخر أقول كله مقدر ومكتوب .
والله والله والله الحمد لله والشكر له فى الأول والأخر على أنه كتب لى ولأولأدى وزوجتى السلأمة وألأ كان زمنا بنشحت فى الزمن ده اللى مبقاش حد فيه يعرف أى يحد -أمنت وسلمت بالله أن الله لأ يكلف كل نفس الأ وسعها والحمد لله فى الأول والأخرعلى كل شىء -كله بيهون وبيتعوض الأ الصحة كنز لأيفنى والحمد لله عليها نعمة عظيمة من عند الله ..