مصر موتورز مجتمع السيارات - إلى أخوتى ( حازم خضر وفادى )

اقتباس:

المشاركة الأصلية كتبت بواسطة samirayad (المشاركة 609994)

أخى الفاضل : خالد

أنا أيضا لا أقصد شىء وغير متضايق منك أو من أى زميل فى مصر موتورز

حتى لو كان ضدى فى التفكير

فكما قولت أنت فى مشاركتك السابقه

الإختلاف فى الرأى لايفسد للود قضيه

----------------------

ومفيش شك ( على الأقل من وجهة نظرى )

كل إللى إحنى فيه ده فى مصر

سببه الحاكم

فإذا صلح الحاكم .....صلحت الرعيه

والصلاح هنا يعنى الشموليه

( صلاح الصحه - التعليم - الشرطه - الأخلاق - وكل ماتتخيله من مبادىء جميله )

فما هى مبادئنا الجميله التى تستشعرها بمصر حاليا ..........ولا حاجه

فلقد أصبح مستقبل بلدنا فى علم الله

( نسأل الله أن يحسن عاقبتنا فى الأمور )

-----------------------------

فمن هو المسئول الأول والآخير عن وضعنا الحالى .........؟

وشوف

هقولك على حاجه

إللى أنت شوفته ده من مهانه للمخلوع .....ماهو إلا إنتقام من الله له فى الدنيا

لأننى أرى من الناحيه الشرعيه ( ولست فقيها فى الدين ولا غيره )

أن الله جل فى علاه يمكن أن يغفر لك تقصيرك فى حق نفسك

ويمكن أن يغفر لك تقصيرك فى حق عبادته ( لأنه هو الغفور الرحيم )

ولكنه سبحانه وتعالى

لايمكن أن يغفر لك تقصيرك وظلمك فى حق الآخرين

ولابد أن يقتص منك على ظلمك للآخرين أخرويا

-----------------------------

هنا بأه أراد الله

أن يقتص من المخلوع دنيويا أولا ....وسيتوالى القصاص منه فى الآخره

......................... .....

وأعلم أن الله إذا أراد بعبد خيرا

أنعم عليه بنعمة العقل .....وليس بالجاه والمال

فالعقل هو دفة السفينه التى توجه السفينه كيفما تشاء

أكيد حضرتك احنا هنا في مصر موتورز كلنا اخوة ونخطئ ونتعلم وكل واحد يقول رايه للتاني ولو واحد على خطأ نبين له ونوضح له ونرجع في الاخر حبيايب واخوة.http://www.masrmotors.com/vb/images/icons/icon7.gif

وطبعا أنا متفق معاك ان المسؤل عن الوضع الحالي اللي احنا فيه هو مبارك منه لله.

وفعلا لو كان ربنا عايز يستر عليه وميفضحوش كان خده..لكن الناس دي افترت كتير وربنا انتقم منهم وفضحهم على رؤوس الخلائق.

وكمان فعلا اذا اراد الله الخير للعبد أعطاه نعمة العقل والدين وليس المال والسلطة.

وعلى فكرة مش مبارك بس المسؤل عن اللي احنا فيه..لا دا هو وكل نظامه السابق الفاسدين.

والله الواحد مش عارف يقول ايه ولا ايه بس..غير ربنا يتولانا برحمته ويتسرها معانا ويحفظ مصر وشعبها.

المهم سيبك انت من مبارك والكلام ده..

في اللي أنيل منه..

توفيق عكاشة قذافي مصر ههههههههههه :ROFL_C~118:

على فكرة يا استاذ سمير: أنا بقرا أغلب مواضيعك اللي بتنزلها ومشاركاتك والحمد لله استفدت حاجات كتيرة منها..ودايما بدعليك بظهر الغيب حضرتك شخص محترم..http://www.masrmotors.com/vb/images/icons/icon7.gif

وان شاء الله نكون اصدقاء وبيننا كل خير ومودة..http://www.masrmotors.com/vb/images/icons/icon7.gif

:01FDAB~189: