رد: مبارك يتنحى عن السلطه
 

ماشى طب اقابلك فين فى التحرير

رد: مبارك يتنحى عن السلطه
 

الله اكبر رحل رأس الفساد وحامي الفاسدين

صدق المثل اللي قال اللي ربنا بيحبه بيحبب فيه خلقه وده لو ليه ذره من الحسنات كانت الناس حزنت عليه

ربنا يسهل بأذن الله والبلد يحكمها واحد مدني يخدم الشعب بصحيح

رد: مبارك يتنحى عن السلطه
 

لا ياعم تحرير ايه شوفلنا مكان تاني يكون رايق مش زحمه

رد: مبارك يتنحى عن السلطه
 

صدقني يا حازم هو السبب بردو طب تفسر باية ان المصري في اي حتة في العالم غير مصر بيحترم النظام طب ما هنا في دبي و انت عارف المرور عامل ازاي انا بشوف المصرييين من اكتر الناس اللي بتحترم النظام هنا و بالتالي لو الجيش طبق النظام كل الشعب هيحترمه و ربنا يستر علي بكرة ولازم بجد الشعب يقف مع الجيش علشان الخطر الخارجي اسرئيل و امريكا

رد: مبارك يتنحى عن السلطه
 

ما انا كنت في الامارات و قاعدت سنتين في ابوظبي و سنتين في دبي(كنت شغال في لاكنور اكيد عارفها)
فعلا المصريين هناك كانوا بيخافوا جدا من المرور و التحريات و انت طبعا عارف يعني ايه التحريات هناك ...العن من امن الدوله هنا مليون مره و الكل كان بيترعب منهم
المشكله في النظام و القوانين و لو القوانين اتطبقت و زادت قوه الامن المحترم في البد حنلاقي كل واحد قبل ما يعمل مخالفه يفكر الف مره مش زي دلوقتي
و ربنا يكرم ان شاء الله و نشوف البلد حاجه تانيه
فكرتني بالامارات يا رامي :)