رد: صيانة اكسيل مانيوال 1500 cc
بالنسبة للفتيس ..
أنا غيرتله زيت الى زيت لزوجته 140 وحسيت بتحسن نسبي هو بينقل بس بسمع صوت العصاية وهى ماشيه فى حارات النقله وايدي بتقف مكان الحارات اقصد مبتخدش النقله خطف زى المايه زى ما بيقولوا يعنى على سبيل المثال هتاخد الاولانى بتجيب العصاية شمال ثم للامام بحس بتعشيقة الفتيس وانت واخد عصايته شمال ثم للامام (( الاحساس ده بسمع صوت التروس وكمان ايدي بتقف فيه مثلا ثانيه او اتنين وبكون طبعا دايس دبرياج للأخر )) لكن مفيش فيه الشخطه او الزعقه فى النقله الا لو دوسة الدبرياج مجتش مظبوطه منى يارب اكون قربت لحضراتكم الصورة بالظبط السحب اتحسن نوعا ما لكن لسه مخنوقه و صوت المكنه عالى وانا ماشي وبسمع صوت وجوجه زى ونه او حكة كاوتش او صوت كركبه كده عارف زى صوت التاكسيات القديمه كده لما تيجي تسيب رجلك من ع البنزين الصوت ده والعربيه مموره موجود لكن اقل منه وهى ماشيه ولما بدوس دبرياج وهى مموره ودايره الصوت بيروح |
رد: صيانة اكسيل مانيوال 1500 cc
الخرطوم اللى رايح للعمه
هو عندى متشال لسه عاوز اروح اجيب واحد مكانه ( هى كده يا بشمهندس العربيه تعتبر ماشيه من غير فلتر هوا ) ممكن تكون خانقه السحب ولا برده ملهاش علاقه بالسحب |
رد: صيانة اكسيل مانيوال 1500 cc
أقرار حالة المكنه مبيبنش إلا أما تتفصص
ولازم تطمن على المكنه الأول قبل اى شىء وحاول برضه تفصل عيب المكنه عن الفتيس جايز تكون المشكله فى المكنه فقط والفتيس تمام مثلا دور مكنتك وسخن وزود سرعه وأنت ممور وشوف صوت الوجوجه دى موجود وانت ممور ولا وأنت معشق |
رد: صيانة اكسيل مانيوال 1500 cc
اقتباس:
ده ملوش علاقه بفلتر الهواء وده مجرد خرطوم فائظ لتفريغ الضغوط والغازات من داخل حوض المكنه للفلتر وعدم وجوده حاليا مفيد لك أفضل من تغييره وسيب كل حاجه زى ماهى حاليا بالنسبه للخرطوم ده على ماتعرف حالة المكنه من الداخل لما تنوى إن شاء الله _____________________ نفترض لقينا حالة المكنه من جوه غرف الحريق وعمود الكرنك طلعت الأمور مش تمام يبقى تعمل أيه علطول ............مكنه أستيراد وتتاخد عن تجربه بالأتفاق مع البائع وعامة الشكل العام للمكنه بيبان من تقفيلة المسامير برضه وملعوب فيها ولا لا بس الأمور دى عاوزه صنايعى شاطر معاك وقت هذا العمل |
رد: صيانة اكسيل مانيوال 1500 cc
اقتباس:
|
الساعة الآن 11:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017