مصر موتورز مجتمع السيارات - سرعة عالية + مطب مفاجئ ... اية احسن تصرف؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - سرعة عالية + مطب مفاجئ ... اية احسن تصرف؟؟ (https://www.masrmotors.com/vb/showthread.php?t=42009)

رد: سرعة عالية + مطب مفاجئ ... اية احسن تصرف؟؟

اذا كنت سرحان....وظهر قريبا جدا مترين مثلا...وحسب ارتفاعه...ارفع رجلى من دواسه البنزين..ويمكن فرامل بحساب السرعه...تحيا مصر
انما لو مصحصح تمام وعلى بعد 5 او6 م ممكن انقى الحته الواطيه فى المطب...شرط درايتى بالسيارات حولى..او كونى وحدى بالطريق...طبعا مع عمل السابق...وطبعا ده بعد سرعه60كم..
وحسب نوع سيارتك وفراملك...الموضوع متوقف على درايتك بكل شىء حولك..المطر والارض المبلله مثلا...الرمل..حاله الكاوتش ونوعه...وحتى حاله الاسطوانه والدبرياج...وحاله السائق المزاجيه هى الاهم.

رد: سرعة عالية + مطب مفاجئ ... اية احسن تصرف؟؟

السلام عليكم ،، افضل شىء طبعا هو انك ماتمسكش فرامل الا لو كانت المسافة بينك وبين المطب كافيه

رد: سرعة عالية + مطب مفاجئ ... اية احسن تصرف؟؟

:014FDA~117:لو شفت المطب قبل مكانه بمسافة مناسبة و اعتقد ان الكلام ده ها يكون الصبح بس ..فرمل بكل قوة لحد لاعربية ما تهدى و انتا خلاص هاتطلع المطب سيب فرامل اي كانت سرعة العربية..اما لو بليل و مشفتش حاجة و خلاص هاتخده اتوكل وكل المطب على السرعة اللى انت عليها منعا للخبط فى الشاسيه..مع امالة العربية يمين او شمال سنة صغيرة حسب الطريق لتقليل الصدمة.....اهم حاجة لو هاتفرمل جامد تاخد بالك من المراية اللى ف النص عشان اللى جاى وراك ممكن يلبس فيك و يبوظلك الدنيا..زى ما حصل معايا لحقت المطب و اخدته بالراحة جدا و اللى جاى ورايا لبس فى الشنطة وشكرا

رد: سرعة عالية + مطب مفاجئ ... اية احسن تصرف؟؟

اقتباس:

المشاركة الأصلية كتبت بواسطة tarek/ (المشاركة 540939)

طبيعى رد الفعل اول ماهتشوف مطب قدامك هتدوس فرامل اخنق العربيه لحد ماتقرب من المطب وحتى لو لسه السرعه عاليه تسيب الفرامل علشان المساعدين القدمانين يفردوا لان مع الفرمله الشديده
المساعدين الاماميين بينضغطوا جدا للاخر ولو استقبلت المطب مع كبسه المساعد ممكن يتكسر اى شىء فى العربيه من قدام وتفقد السيطره والعربيه هى اللى تتحكم فيك وتروح زى ماهى عايزه
ويفضل تثبيت الايد على الدريكسيون بأحكام واليد تكون على شكل عقارب الساعه عشره وعشره
دى افضل طريقه مع مفاجأه المطب على سرعه عاليه

كل كلام الأعضاء اللى فات سليم جدا ً 100 * 100 و كلام حضرتك باردوا سليم 100 فى الـ 100 بس ليه وضع اليد على الردكسيون تكون على شكل عقارب الساعة
عشرة و عشرة مع انى اعتقد ان وضع تسعة و ربع يعطى ثبات أكثر للدريكسيون و بالتالى العربية و كمان بيخلى وضع جسمك عمودى على كرسى السائق و ليس مائل الى التابلوه و زجاج السيارة و خصوصا ً ان مش كلنا بنلبس الحزام و ربنا يسترها على الجميع

رد: سرعة عالية + مطب مفاجئ ... اية احسن تصرف؟؟

من خبرتي في اكل المطبات
اذا تفاجاة بمطب وانت قريب مرره لا تلمس الفرامل نهائين اذا اخذت المطب وانت ضغط على الفرامل اجباري راح تنزل السيارة من جهة الامام ويتاثر الاذره والمقصات والصدام وغيره وغيره
بس اخذ المطب على سرعة افضل اذا مافي مجال تهدي السرعة