المشاركة الأصلية كتبت بواسطة خالدخليفة (المشاركة 204557)

اوووووووووووووووووووف النهاردة كان يوم صعب كان يوم السيئات قصدى (السيدات ) انا مبحبش الصحراوى بتاع اسكندرية فى الصيف بسبب انه بيبقى زحمة ونسبة المبتدئين او المتهورين والمتفذلكين عليه كتير المهم وقعت فى واحدة راكبة لانسر وماسكة الحارة ال3 يمين او التانية الشمال يعنى اللى تحت السريع مباشرة يعنى لو قلنا السرعة القصوى على الطريق ده 100 يبقى مفروض تمشى فى الحارة ال2 شمال دى 80 مثلا لكن تمشى فى ال2 شمال بسرعة 40 شىء يغيظ وكمان مشغلة الانتظار وعاملة زحمة لان فى كام لورى ماشيين حواليها بيعدو منها والشارع طبعا مقفول لحد م الباشوات عدوها ولما شاورت لها تمسك اليمين هزت راسها باستهزاء ولا كأنى بكلمهاا
وصلت المحور والسرعة عليه 90 وواحدرة راكبة 128 وماسكة الشمال وماشية بطييـــــــــــــىء وومخلية كل اللى جاى وراها يرمى شمال والمحور زحمة جداااااا فجيت جنبها وهديت السرعة لقيتها ماشية 40 طيب ماسكة الشمال ليه ياحاجة قالتىل خليك فى حالك طيب مهو ده حالى و حال غيرى م انتى معطلة الشارع امسكى اليمين معبرتنيش وراحت ماشية وبينى وبينكو الشيطان ركب دماغى وقال لاعبها بعربيتك شوية ياتلبس فى السور وتحرم ياتتلم وتيجى يمين وبعدين غيرت رايى وسبتها ومشيت
دخلنا المهندسين وعلى كوبرى 15 مايو واحدة راكبة النترا و كل م حد يعدى من جنبها تطلع دراعها وتزعق انا جاى من بعيد مش فاهم فى ايه فهديت السرعة ومشيت جنبها بالراحة لحد م عديت منها ولقيت واحد بيعدى منى ومنها راحت شاتماه ياحيوان كلكو حيوانات وفهمت انها بتخاف ومبتدئة وان كلنا حيوانات لاننا ماشيين من جنب الهانم
بصراحة شىء يزهق وادعولى امسك حكم مصر 48 ساعة فى اول يوم هنزل قانون بالغاء رخص السيئات(السيدات) وتانى يوم هعين وزير داخليه بيكرههم وهاخد عليه تعهد انه اللى تسوق عربيه يخنقها
واقدم استقالتى بعد كده

المشاركة الأصلية كتبت بواسطة master.formats (المشاركة 231135)

أول حادثة عملتها في حياتي -كانت الحمد لله خبطة خفيفة مش حادثة يعني- وكانت بعد ما طلعت الرخصة بأسبوع واحد وكانت ايه بقى يامعلم... أنا بالـ 127 الغلبانة سوقسوق ولبست في مرسيدس كمبرسور سودا سايقاها واحدة ست...
بس بصراحة كنت أنا الغلطان ROSE4U
أنا الرفرف اليمين بتاعي اتطبق و بقى يحك في العجلة و هي الاكصدام اتخربش و كاوتشة كدة اتخلعت..
ونزلت تولول وتقول انها بتاعت جوزها ...الخ طيب يا ست أنا آسف واللي انت عاوزاه...
اللي طالع عليها معرفش معرفش لغاية ما خنقت أمي عاوز امشي شوفي عاوزة ايه وخلصيني..
وهي بتبص لي "وكمان عاوز تمشي" كان عقابي اني أسمع ولولتها وخلاص...
بصراحة فكرت أسيبلها المفتاح تبيع ال127 وتصلح الاكصدام فلوس كتير بس لما كلمت جوزها قالها تمشي والحمد لله على كده...
هي كانت داخلة شارع جانبي وفجأة وقفت لأنها لقت عربية خارجة.. وأنا كنت وراها وملحقتش أقف لأن ردود فعلي كانت لسة بطيئة وغير تلقائية فحودت شمال و خبطتها برفرفي اليمين... POLICEE