مصر موتورز مجتمع السيارات - اجمد مقابلة واحلى اعضاء

بسم الله ما شاء الله ..
10 صفحات والواحد مشبعش من الكلام ... وعايز اعرف كل التفاصيل و الحكاوي
فعلا كان نفسي اكون معاكم و اشوف كل الناس ...
الواحد ناس كتير واحشاه جدا جدا ... و نفسه يتعرف على ناس كتير جدا ...و المشاركات وكلامكم عن المقابله مخليه الواحد يصمم يتعرف عليهم

صلاح عبد النبي صديقي اللي لسه مشوفتوش مع اني حاسس اني اعرفه من زمان ... و فادي صديقي اللدود ( اللي متوقع له في خلال 20 سنه حيكون راكب عربيه صيني بالكهربا .. او لسه بالشاهين ) و كوكي(محمود ) وحازم شاهين (اعقل واحد يتكلم عن الصيني) و شريف منسي و محمد كمال ( فرع مصر موتورز بالكويت ) وتيفا كينج و كينج ميمو والنجم الصاعد حماده المحترف الشهير ب برومادا .... (موسوعه في المشاركات و خبره في البوجيهات)
وm-o-sakr ... اللي قدر في شهرين تقريبا يعمل نص عدد المشاركات اللي عملتها في سنه .. و كنت فاكر نفسي ضربت الرقم القياسي في معدل المشاركات ... لكن ما شاء الله مشاركات كلها في الصميم و أراء احييه عليها بشده
وطبعا كانت فرصه الواحد يتعرف على خبره في مجال التعديلات ( سابوهاشم ) خصوصا اني في الموضوع ده ... بطاطا ptmnlo123per1147
وكل الناس لأني عارف اني حنسى اسامي كتيره جدا ولو حاولت اقولها كلها ححتاج اكتر من مشاركه و يمكن اقفل بقيه الموضوع لحسابي ومتلاقوش مكان للصور

لكن مقدرش مقولش حبايبي و اخواتي اللي شفتهم قبل كده وواحشني جدا جدا (بدون القاب او ترتيب )
ايمن عبد الرازق (فين اللفه بتاعتي يا عم ) - اسلام جلال ( واحشني مووووت )- حازم خضر(زووما حبيب قلبي و تؤام افكاري عن العربيات ) - بوب الجامد (والله ليك وحشه يا بوب) - سومو(خليك انت على جنب واجيبلك كارت ب 10) - احمد كار ( اهدى يا عم انت شويه ) - احمد كامل (انت فين يا ريس )- د.بلبلان ( في انتظارك يا دوك)- ابيزا (واحشني يا بظبظ) - نور بيجو ( اكسلانس الرايق )- لانسر ستايل ( اللهو الخفي )- شريف المصري ( اجمل مشاركات اداريه ) - اسلام شاهين( الحج سمسم مختفي ) - بايو( اي حد يا جدعان يعمل اي موضوع عن الميجان خلينا نشوفه ) - وطبعا احمد انور مع انه كان لسه معايا امبارح ....
وانا اسف جدا لأني متأكد اني نسيت اسماء ناس كتير ...لأن الواحد كتب اللي جه على باله في اللحظه
وطبعا لازم كل الشكر لابو نورا اللي جمع الناس دي كلها

فين بقيه الصور بقى يا عم ؟؟!!
مقابله 12 ساعه و 30 عضو و حكاوي يومين و عشرتلاف مشاركه و 15 صوره بس !! ptmnlo123per111