مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ثورة الحرية 25 يناير (https://www.masrmotors.com/vb/forumdisplay.php?f=177)
-   -   فتوى سلفية: السخرية من "سوستة وأبو حمالات" حرام شرعًا (https://www.masrmotors.com/vb/showthread.php?t=110313)

أدهم صبرى 21-03-2013 06:50 PM

رد: فتوى سلفية: السخرية من "سوستة وأبو حمالات" حرام شرعًا
 
اقتباس:

انا واللى زى كنا اول ناس ترحب بالاخوان فى الميدان فى الثورة وكنت بقف معاهم كتف بكتف لحماية مداخل الميدان واديت صوتى فى انتخابات مجلس الشعب لحزب الوسط (اكس اخوان) وفى الرئاسة لابوالفتوح (اكس اخوان)
يعنى يوم أما يبقوا على مزاج الليبراليين يبقوا الإخوان حلوين وكحكة بسكر ولما يختلفوا مع الليبراليين يبقوا كفار ومتأسلمين وخرفان وكل الإسطوانة إياها.


اقتباس:

واديت صوتى فى انتخابات مجلس الشعب لحزب الوسط (اكس اخوان) وفى الرئاسة لابوالفتوح (اكس اخوان)
إزاى يا أستاذ وائل تدى صوتك للكفار أعداء الدين المتأسلمين ولا هى الفتاوى دى كلها طلعت بعد الإنتخابات.
وحضرتك حتى مش إديت لهم لأ إنت إديت للإكس بتاعهم.

أدهم صبرى 21-03-2013 06:56 PM

رد: فتوى سلفية: السخرية من "سوستة وأبو حمالات" حرام شرعًا
 
اقتباس:


ففى فرق (عند اللى بيفهم ) فى التعامل مع ده وده اللى عايز يفهم بنفهمة واللى عايز يستظرف ويتريق بنغسلة واللى عايز يغتصب بلد بحالها ويسرق ثورتها ملوش غير اللى الرجلين (اعزك الله)

هو مين اللى سرق الثورة؟!!!
الإعلاميين بتوع مبارك اللى كانوا بيعيطوا علية فى القنوات والليبراليين اللى رفضوا الثورة فى أولها وبعدين بقوا ثوريين.
واسمحلى فى السؤال بدون زعل: ومن وضعك حارس للثورة ومن نصبك أو غيرك لحراسة الثورة. الثورة يحميها الشعب ويختار من يمثله. وأهو الشعب إختار.

أدهم صبرى 21-03-2013 07:00 PM

رد: فتوى سلفية: السخرية من "سوستة وأبو حمالات" حرام شرعًا
 
اقتباس:

بس سيبك انت انا شايفك محموق علشان الاخوان اوى مع انك كنت بتقول انك مؤيد للسلفيين فى الاساس والاخوان دول مرتبة تانية ايه اللى حصلك ؟؟

اوعى تقولى على فكرة انا مش اخوان هزعل منك اوى http://www.masrmotors.com/vb/images/...FL_C%7E118.GIF

للأسف أنا هزعلك :129E17~143: وهأقولك إن أنا مش إخوان وما زلت مؤيد للسلفيين ولن أتراجع عن تأيدهم بإذن الله.
ولكنى أدافع عن مسلمين "من وجهة نظرى" ولو قلت هذا الكلام على الصوفيين سأدافع عنهم "برغم اعتقادهم فى البدع" ولكنهم ليسوا كفار.
أما التكفير ليس بسهل ولا يحق لأحد رمى الناس بالكفر.

AbOnOrA 21-03-2013 07:19 PM

رد: فتوى سلفية: السخرية من "سوستة وأبو حمالات" حرام شرعًا
 
واضح ان الفهم عندك بطىء قوى معلش هخفف السرعة انا حاضر
بص يا باشا

انا وغيرى كتير كنا شايفين ان الاخوان مظلومين من النظام السابق وكنا عايزينهم يشاركونا ثورتنا علشان ثورتنا ديه مكانش هدفها نوصل لحكم ولا نيله احنا كنا عايزين بيها الخير للناس كلها ومقتنعين ان البلد ديه مش هتقوم على رجلها غير باتحاد كل الناس وتنحية الايدولوجيا والجماعات والانتمائات على جمب والتوحد بس لخدمة البلد وحل مشاكلها المزمنة

فرحبنا بيهم فى الميدان وكنا عارفين ان بعد اسقاط مجلس الشعب بتاع (2010) هيكسبو ويمكن ياخدو اغلبية وكل مكانش فيه اى مشاكل لاننا مؤمنين ان لو الديموقراطية كنموذج كامل فيه تداول للسلطة وحرية تعبير وغيرة غيرة من ضوابط الديموقراطية محدش هيعيد النظام القمعى السابق وكلنا الناس تشارك لمصلحة البلد

هوب بعيد عنك لقينا ناس سعرانة مصدقت مسكت عضمة والبرلمان بقى الدنيا ومافيها والميادين ومطالب الثورة بقت بلطجة وقلة ادب والوحدة اللى حققناها فى الميدان وحافظنا عليها راحت والتصنيفات اشتغلت ده سلفى وده ليبرالى وده اشتراكى وده علمانى وده بتنجانى ... نعمل ايه بقى يا عم قولنا نستخدم وسائل التعبير السلمى ونزلنا نتظاهر فى الميدان ونطالب بالوعود اللى مرسى نفسه وجماعتة قطعوها على نفسهم فى ال 100 يوم لقينا ناس طالعة تضرب وتكسر نزلنا تانى بسلمية لقينا ناس بتسرق دستور ثورتنا وهكذا كل فعل ليه رد فعل مساوى له فى المقدار ومضاد له فى الاتجاة فهمت حاجة ؟؟؟

اما موضوع انى ادى صوتى لناس انشقت على الاخوان زى ابو الفتوح وحزب الوسط مش شايف فيه اى تناقض بالعكس انا اؤيد اى حزب (سياسى) مرجعيتة الاسلام حضارة وثقافة وشرعاً

مش جماعة دينية بتلعب باسم الاسلام وافعالها قديماً وحديثاً بتشوه الاسلام وتفرق مابين اتباعة

بس مقولتيش برضو انت بعد ما طلعت مش سلفى ولا تعرف حاجة عن السلفية ياترى انت اخوانى ولا مش اخوانى بس بتحبهم اوى :thinkW19:

AbOnOrA 21-03-2013 07:28 PM

رد: فتوى سلفية: السخرية من "سوستة وأبو حمالات" حرام شرعًا
 
انت مغيب بجد ولا عينك مالها بجد والله مش بهرج
مين جاب سيرة الاعلاميين يابن الحلال الاقتباس اللى انت واخدة ده فيه كلمة واحدة عن الاعلاميين من قريب او من بعيد !!

وانهى شعب يابن الحلال اللى بتتكلم عنه ؟

هو الناس اللى نزلت الميادين ديه هى كل الشعب !!
هو الناس اللى نزلت تضرب الناس اللى فى الميادين دول كانو جايين من اوروبا !!

اى ثورة فيها طليعة ثورية عندها مبادىء وفكر وبعدين بيايدها قواعد شعبية مش كل الناس
وبفضل من الشعب منتفعين من النظام السابق وبيفضل فيه ناس على الكنبة ملهمش دعوة بده ولا دة

هو لسه فيه ناس زيك بتقول الشعب كله كدة ... انت عايز تضحك على الناس ولا على نفسك ؟؟

هو مرسى بتاعك ده انتخبة كل الشعب ؟؟

هما الاخوان اللى نزلو الانتخابات فى مجلس الشعب بالتحالف مع احزاب ليبرالية اخدو اصوات كل الشعب ؟؟

هو التصويت على الدستور بكل المخالفات اللى حصلت فيه ده حاز على ثقة كل الشعب ؟؟

انت مغيب ولا مش فاهم ولا بتضحك على نفسك ولا ايه بجد !!



الساعة الآن 03:48 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017