|
رد: حكايه صديقى والسياره الملعونه-2 روايه رعب واثاره وتشويق
متبايعنك يا باشا
|
رد: حكايه صديقى والسياره الملعونه-2 روايه رعب واثاره وتشويق
متبابع بس زود الجرعه شويه
|
رد: حكايه صديقى والسياره الملعونه-2 روايه رعب واثاره وتشويق
-30-
ذهبنا جماعة الى حسن00 استقبلنا الرجل بفتور وعدم اهتمام بعد ان اتصلت به وحددت موعدا! وعندما جلسنا بمكتبه فى شركته قبيل الغروب00قال: -طلباتكم قلت: -زى ما اتفقنا00 ترجع لرشدى فلوسه وتاخد عربيتك ويادار ما دخلك شر قال: -أنا ح اخصم خمس تلاف جنيه حق استعمال قال رشدى معترضا: -انت ح تدفع خمس تلاف زيادة انفعل حسن: -ودى فى شرع مين00 لأ طبعا قلت: -أستاذ حسن00 رشدى صرف على العربيه وكان ح يموت بسببها وانت السبب لانك كنت عارف عيبها من الاول قال: -انا بايع العربيه سليمه ميه فى الميه وبنص تمنها! قلت: -بنص تمنها! لانها معيوبه قال: -لا طبعا انا كنت مضطر ومحتاج فلوسها00لانقاذ تجارتى من الضياع قال هشام: -ياراجل د انت لو رميتها فلى السوق كانت جابت فلوسها00 بلاش نلف وندور على بعض قلت: -خلّص يا أستاذ حسن رفع حاجبيه وهو ينظر لسقف الحجرة ثم قال: -أشوف العربيه وربنا يسهل زفر رشدى فى ضيق00أمسكت ذراعه بشدة وشددت عليه00فقد كنت أريد انهاء الموضوع بأى شكل وثمن نزلنا للشارع يتقدمنا حسن منتفخا كالطاووس 00نظر للسيارة واخذ يقلب فيها بحركات صبيانيه قبل ان يقول: -لا00لالا العربية اتبهدلت خالص هوه عمل فيها ايه؟ قال رشدى: -الله ما طولك يا روح ابتعد حسن عن السياره وهو ينظر لرشدى رافعا حاجبه وقال: -فيه كلام تانى بعد اللى انا شفته وما كاد يتم عبارته حتى كان الجحيم ينطلق بلا هواده وبلا رحمة! دوى صوت الرصاص يصمّ الآذان 00 تفرق جمعنا وكل منا يحتمى بعد ان أخذ بيد صاحبه! دراجه ناريه تحمل شخصين ملثمين تسير على جانب الطريق الآخر ببطء تنطلق منها الطلقات مدوية! استقرت فى صدر وظهر حسن ليسقط مضرجا بالدماء! أسرع الجناة دون ان نتعرف على ملامحهم ونحن فى منتهى الذهول وقمة الدهشه وغاية الفزع! كاننا فى كابوس مقيت مزعج 00تقدمنا من حسن الذى سقط على ظهره غارقا فى الدماء التى روت الارض تحته بلا حراك00 جثه هامده لا حياة فيها! تجمع الناس حولنا00يضربون كفا بكف ويتسائلون عما حدث الى ان جاء الاسعاف والشرطة ونحن مازلنا فى ذهولنا! ذهبنا الى القسم لسؤالنا بصفتنا شهود عيّان على ما حدث والاسئلة تلاحقنا وكأننا الجناة! خرجنا من القسم على المقهى00ونحن فى شدة التأثر والالم لما حدث00 حتى فى جلستنا لم نكن نتبادل الكلمات فالوجوم اعترانا ولم تعد فى النفس رغبة للحديث حتى قال رشدى: -الحمد لله أنا وعربيتى مش حرمينكم من حاجه 00كل اللى فى السينما بنقدمه مجانا وعلى الطبيعة قلت: -بسم الله ما شاء الله هيه قايمه بالواجب وزيادة قال هشام: -أشباح وقلنا ماشى00ناس تتعور وتتكسر قلنا ماشى00حريقه هنا ولا هناك زى بعضه ماشى00 لكن أفلام امريكى وضرب نار وقتل أهو ده الجديد! رشدى: -ولسه يا شباب 00 ياما فى الجراب قال بسام: -والله دى لعنه وصابتنا الله ينجينا يا شباب (تتبع) |
رد: حكايه صديقى والسياره الملعونه-2 روايه رعب واثاره وتشويق
الله الله يا دكتور دى احلوت اوى كده
تابع و انا معاك ياباشا |
رد: حكايه صديقى والسياره الملعونه-2 روايه رعب واثاره وتشويق
-31-
تم اتهام عادل رسميا بقتل زوجته وتحويله للنيابه بعد تقرير الطبيب الشرعى الذى اثبت ان الطلقه فى قلب الضحيه من نفس عيار مسدس عادل الشخصى! وبعد القبض على أعوان عادل ورجاله المقربين00اعترف بعضهم بالقصة تفصيليا بعد ان سافرت سيدة شبيهه بزوجته بجواز سفر الزوجه الى الخارج وعادت بجواز سفرها هى ! هكذا رتب عادل لجريمته واتولى على مصنعها واموالها قبل ان يتم طلاق وشيك بينهما! لكن الغريب ان عادل ورفاقه لم يعترف احدهم بمحاولة قتل رشدى لا من قريب ولا من بعيد مما أثار دهشتنا! لقد انكر الرجل صلته تماما بالموضوع ونفى معرفته برشدى من الاساس وهذا الامر قد استفز رشدى تماما وقد اقسم ان ياخذ حقه من عادل مهما طالت الايام كنا عند المقدم سعيد والذى أكد لرشدى ان عادل ليس وراء ما حدث له! قال: -انا من خلال خبرتى ومن طبيعة شخصية عادل زى ما عرفته كان صادق فى جزئيه عدم معرفته ليك وبقصه الشروع فى القتل قال رشدى: -مفيش غيره سعادتك يعمل كده -تعبيرات وشه ولهجته فى الكلام بتقول عكس كلامك -أنا مليش اى اعداء -ممكن بس انت متعرفش00يمكن فيه حد تانى قلت: -قصد سعادتك ايه؟ -ده مجرد تخمين00 لكن قولوا لى ايه موضوع حسن الغريب ده قلت: -حضرتك دى كانت مفاجأة أذهلتنا ومش عارفين ليه حصلت فى نفس توقيت وجودنا معاه -دى أكيد مجرد صدفه وفيه حد كان مترصد له من فترة وكان ده الوقت المناسب للتنفيذ قلت: -طريقه القتل كانت بشعة -طريقة القتل كده متخرجش عن انتقام او تار بينه وبين حد حسن تاجر وفى السوق واكيد بينه وبين حد حاجه كبيرة وممكن يكون دخل فى الممنوع وكله ح يبان بالتحريات قال رشدى: -سعادتك انا شكيت فى حاجه لكن مش متأكد منها سعيد: -شكيت فى ايه؟ -الراجل اللى كان بيقتل حسن شكله مش غريب علىّ اندهشت من عبارة رشدى 00بينما قال المقدم سعيد: -يعنى ممكن تكون شفته قبل كده؟ -ده اللى انا شكيت فيه فى الاول قلت: -غريبه يارشدى مقلتش يعنى! رشدى: -انا مخدتش فى بالى00 لان الراجل كان ملثم والموقف كان سريع ومفاجىء سعيد: -أكيد فيه حاجه تانيه زودت شكك رشدى: -بالظبط سعادتك00الراجل ده واحنا بنجرى بعيد عن الضرب وبعد ما بصيت ورايا عينى جت فى عينه سعيد: -جميل00 شكيت من عينيه! رشدى: -سعادتك نفس العينين ونفس النظرة بتاعت الراجل اللى حاول يقتلنى سعيد: -كده حلو قوى00واتعقدت عل الآخر رشدى: -الراجل لما بصلى كانت عينيه بتقول انه يعرفنى 00هوه انت النظره اللى شفتها هى نفس النظره اللى شفتها من مرايه العربيه وهوه بيضربنى على راسى قلت: -يمكن ظروف الموقف خلتك تفتكر كده سعيد: -مفيش علاقه خالص بين الاتنين لكن والله ممكن00صحيح احنا ملقناش صاحب الصورة لكن لازم نركز اكتر لانه بقى مفتاح لقضيتين وتركنا المقدم سعيد وسألت رشدى عن عدم اخباره لنا بهذه المعلومه00 فقال انه لم يكن يعتبرها معلومه مهمه ولم يكن يدرك شىء فى ظل الخضة التى تعرضنا لها من جراء ما حدث00 وقد لفت نظره حديث المقدم عندما اشار الى ان هناك شخص آخرغير عادل ممكن يكون وراء ما حدث حقا لفتنا الحيره فمن يمكنه فعل هذا بشخص طيب ومسالم كرشدى لم يكن له عداوة مع أحد فى يوم من الايام! (تتبع) |
| الساعة الآن 09:09 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017