مصر موتورز مجتمع السيارات - العربية اللى حيلتى ماتت (اغرب موقف حصلى مع عربيتى)

اقتباس:

(لمعرفة سبب العطل الرئيسى باختصار اقراء النص بالخط الازق الزهرى)

تفاصيل حل المشكلة
الحمد لله فضيت للعربية امبارح ورحت علشان اعملها

نزلت الصبح بدرى علشان احجز الكهربائى من اول اليوم ولبست طقم البهدلة وتوكلت على الله
وكلى امل انها تيجى على حاجة هينة

يعنى فيوزات سلوك بطارية حتى بس مش كنترولر ولا سنسور ولا ضفيرة والحاجات اللى تخوف ديه

هى برضو البطارية بقت حاجة توجع دلوقتى بس البطارية فى العربية بقالها سنتين وشوية وعاملة 40 الف كيلو وديه بطارية عادية (كلورايد) فوارد برضو تكون جابت اخرها

غير كده اكيد حاجة توجع لان انا بصيت على الحاجت الهايفة كلها

المهم مش عايز اطول عليكو (اوى اوى)

روحت للكهربائى وكان معاة زبون صباحى نص ساعة ويلا بينا
اخد معاه بطارية وكابل توصيل بطارية وشوية سلوك ومفكات وزرادية

وتوكلنا على الله
افتح يا عم الكبوت دور مفيش
مفيش حاجة خالص كان مفيش بطارية موجودة فى العربية اساساً
معاه مفك كده متوصل فيه لمبة كبيرة فهمت انة زى مفتاح التست حطة على البطارية اللمبة نورت
ptmnlo123per1127

رفع القواشيط ونظفها ونضف اقطاب البطارية ودور
مفيش
ptmnlo123per1127

عمل قفلة بين اقطاب البطارية شرزت جامد
(مش عارف ليه حاسس ان كده غلط)

راجع على كل الفيوزات تانى
عمل وصلات على الفيوز العمومى
مفيش

يعنى البطارية عايشة بس مش مقومة العربية
مكانش واخد معاه جهاز قياس البطارية وده بيقيس قوة البطارية بالظبط

عمل وصلة من البطارية التانية للبطارية ودور ,,,,,,,
مفيش برضو
ptmnlo123per155

لحد هنا وقلبى وقع وقولت كده واضحة انها قفلة جامدة فى الكنترولر او الضفيرة باظت او حاجة

الكهربائى شال البطارية من مكانها علشان يجرب والبطارية التانية راكبة وفجأه بان العيب

الكابل الرئيسى الواصل بين البطارية وكل حاجة فى الدنيا سلكه ماشى من البطارية وبعدين وراها وطبعا باقى السلك مش باين من البطارية
اول ما شيلنا البطارية لقينا السلك متاكل بشكل غريب كانة اتضرب بشعاع ليزر ولا حاجة
لانة سايح من جزء ومفيهوش اى اثار حريق او شياط
وبشكل مستوى فميوحيش ان فار او حاجة اكلتة
وعلى الجوانب كان فيه ترسبات بيضة كده

طبعاً تهللت اساريرى (مش عارف يعنى ايه بس فرحت يعنى)
والكهربائى كمان وعمل كوبرى فى الوصلة علشان يتفادى الجزء المقطوع
ودور يا عم
دااااااااااااااااااااااار ت
ptmnlo123per15

يا فرج الله
قد ايه كان واحشنى صوت الموتور
لصم الدنيا وقفلنا الكبوت واخد الدريكسون بالحضن وركبنا لمحل الكهربائى

هناك فكيت البطارية
وغسلتها
وزودتها مية
ونظفنا اقطابها تماماً
ونظفنا القواشيط
وحط البطارية تتشحن حوالى نص ساعة
وركب دور
كلة تمام

ptmnlo123per122

نتعلم من القصة ديه
ان الواحد يهتم بتنظيف البطارية وازالة ترسيباتها الناتجة من الابخرة بتاعتها بشكل دورى
يفضل عزل اى اسلاك تمر بجوار او حول البطارية بشكل جيد
يفضل اصلا عزل البطارية زى ما العربيات العالية بتنزل بحاجة زى كيس كده حوالين البطارية (انا شوفت فى الاودى الكيس ده وفيه فتحة متصلة بممرة هوائى فى الكبوت موصل للشبكة علشان يجيب هواء من قدام يهوى على البطارية

رفع البطارية بشكل دورى (كل 30 الف كم مثلا)
تنظف القواعد بتاعتها
وتملاها
وتنظف القواطيش والاقطاب وتركبها تانى

شكراً ليكم يا جماعة على اهتمامكم وسؤالكم ومنجيلكوش فى حاجة وحشة

شهاب 3 بعثت من جديد
ptmnlo123per154

الحمد لله انها جت علي أد كده...