رد: إعتذار واجب للأستاذ/هشام باهى
 

والله الموقف إن دل فيدل إنكم كلكم ناس محترمة وراقية جدا جدا في التعامل , وكل الإحترام والتقدير للأستاذ باهي والأستاذ أيمن :fun_36_3_11[1]:

رد: اغلي صيانة 10000 في العالم ادخل اتصدم
 

اعوز بالله منك يا بعيد انا ندمت اني عملت الموضوع ده وانا اقول مالي في ايه مش عارف ادخل علي المنتدي نص ساعه علي بعضها اتاريك شغال الله ينور




ينهار ابيض اللي تؤمري بيه يا استاذه رانيا انا سداد من جنيه لجنيه وربع

ايه رائيك في واحده بيبسي صاروخ وتفرقوها علي بعضكم :POINTI~2[2]:

سب حبيبنا في ملاعب أعدائنا
 

رد: إعتذار واجب للأستاذ/هشام باهى
 

من بعض ماعندكم يا فندم
اشكر تقديرك ومشاركتك وان كنا ناس محترمة وراقية فا حضرتك واحد مننا برضه بدليل كلامك اللى كله ذوق يا ذوووووووووووووق:Bravo:

حد يعرف يعنى ايه ..(حيزبون) ..؟؟؟
 

السلام عليكم
طق فى دماغى الصفة دى فجأه
فقولت يا واد يا ايمن بدل مانت عمال تسمع ومش عارف ابحث واعرف
وقد كان دخلت على الحاج جوجل:
انا : السلام عليكم يا حاج جوجل
الحاج جوجل: وعليكم السلام... اتفضل يا ايمو(اللى هو انا )
انا: بقولك يا حاج .. عايز اعرف معنى حيزبون
الحاج جوجل: وماله بسيطة..
راح وارر وره كده (ورررررررر) بيدور على المعلومة ههههههه
وادانى البؤين دول
بصراحة عجبونى جدا وقولت انقلهم يمكن نعرف معانى حاجات تانية

---------------------------------------------------------الموضوع
قيل في أسماء مراحل عمر الـمـــــرأة:

- هي طَفلة ما دامت صغيرة.
- ثم وليدة إذا تحركت.
- ثم كاعب إذا كعب ثديها.
- ثم ناهد إذا زاد.
- ثم مُعصر إذا أدركت.
- ثم خَوْد إذا توسطت الشباب.
- ثم مُسْلِف إذا جاوزت الأربعين.
- ثم نصف إذا كانت بين الشباب والتعجيز.
- ثم شهلة وكهلة إذا وجدت مسّ الكبر وفيها بقية وجَلَد.
- ثم شهبرة إذا عجزت وفيها تماسك.
- ثم حيزبون إذا صارت عالية السن ناقصة القوة.

- ثم قلعم ولِطْلط إذا انحنى قدها وسقطت أسنانها
-----------------------------------------------------------منقول
كده عرفنا اكثر من معنى
بس اللافت للنظر بقى وده سؤال: ليه عُمر الستات له مسميات اكتر من الرجاله؟؟

معلش نسيت اقول ان الموئع ده برضه (المعانى) ممتاز قوى فى توضيح معانى واسماء الكلمات حاجه زى المعجم كده اتفضلوه هديه منى:12A96E~160:

خدلك صابونة....
 

السلام عليكم
ايوه خدلك صابونة:w6w200504112247346 1
عنوان حقيقى وإعملوا بيه مش مجرد كلام فارغ
صابونة غسيل - صابونة بريحة - اى صابونة
الصابونة دى من ضمن عدة الطوارىء ..
قالى كده سواق نقل (سوزوكى) بس باين عليه مخضرم
ربنا ما يوقعكم فى مواقف صعبة .... اللى حصل .......
وانا ماشى على الدائرى امبارح الساعة 7:30 م وبالتحديد بعد طلعة المرج بـ 1كم تقريبا فى اتجاه امبابة FLASHCar
الطريق زحمة قبل الكمين بكمان كم فجأة لقيت عداد الحراة بيرقص :10FEE3~144: ؟؟؟؟ وانا مش واخد على المسخره دى!!!!الامبير عندى فى منتهى الوقار والاتزان وكل حركه ه محسوبة
ولاقيتهة طالع عند 110 ونازل عند 70 ومش راسى طبعا شغت اشارة يمين وركنت فورا (واثناء اتجاهى للركن-الاثناء دى مش اكتر من 10 او 15 ثانية)لقيت بخار طالع من جنب الكبوت ناحية الشمال وجنب البطارية انا حسيت من شكله انه بخار ميه مش دخان حريق(لا قدر الله) تداركت الموقف وظنيت غطء الرادياتير فتح ولا حاجه المهم ما اتفزعتش(الهدوء مطلوب جدا فى المواقف المفاجأه عشان حُسن التصرف - وعدم الارتباك)سوقسوق
ركنت ونزلت فتحت الكبوت بهواده تامة وسنه سنه لقيت الغطاء راكب بس ناحية البطارية غرقان وكوع فلتر الهواء من بره خالص فيه ميه
قولت ايه ده هو الموتور فوت على المربراتير ولا ايه؟؟؟
بصراحة خوفت لايكون وش سلندر ولا حاجه.....!!!!!!
قعدت ادعبس يمين وشمال عشان اشوف مصدر الميه(اللى اتأكدت وقتها انه من الرادياتير) اكيد حصل له حاجه او لحام فيه فك وفضى الميه وطبعا العربية سخنت جدا
وقد كان اللحام من فوق التيرموستات فك وضرب الميه فى الجنب (وطبعا الميه سخنه مولعة) البخار خرج من جنب الكبوت
حمدت ربنا ان الموضوع بسيط كده وبعيد عن الماكينة الاستوك بتاعتى
المهم مافيش دقيقة وانا واقف بفكر اتصرف زاى (الطريق على رغم وسعة زحمة جدا وانا راكن جنب السور ومافيش وسع خالص حتى الف حوالين العربية) وقف لى واحد بسوزوكى نص نقل ماعرفوش (هقولكم على المفاجأه فى موضوع لوحده - سبحان الله) جه شاف وسأل قولت اللحام طق من الرادياتير سألنى: معاك صابونه؟؟؟ وهو ده مربط الفرس قوت فى نفسى حبكت يغسل ايده دلوقتى ؟؟؟ههههههههه
اتاريه عايز الصابونة يسد اللحام لغاية مااوصل عند اى حد بتاع رادياتير ولاقيته بيشاور للتريلات اللى ماشية بحركة (كأنه بيغسل ايده بصابونة)وقالى بتوع التريلات دايما بيبقى معاهم صابونة عشان يسدوا اى خرم يحصل للرادياتير او تانك البنزين مؤقتا لغاية لما يوصولوا لمكان التصلح
طبعا دى اول مره يحصل لى موقف مفاجىء بالشكل ده وكمان فى طريق سريع
ماطولش عليكم المهم الموقف وقف على صابونة او اى شىء يلحم مؤقتا او الحل البديل حد يقطرنى لغاية اقرب مكان اصلح فيه الرادياتير
اى نعم المروحة شغالة بس برضه اخاف امشى كده من غير ميه خوفا على الموتور
وانا عندى اسيب العربية مكانها واروح اتصرف من اى حته او حد يقطرنى وياخد اجره افضل من تعرض وش السلندر للتلف
عشان كده ومن واقع تجربه خدلك صابونةوخليها فى الشنطة مع العدة (مش هاتخسر بالعكس هاتنفع) تحسبا للمواقف المشابهة دى:funny25:
تجربة حبيت انقلهالكم يمكن تفيدكم فى يوم من الايام وادعوا لى:30p[1]:
والجزء الثانى تلاقوه فى قسم السيارات العام (رحلة علاج الرادياتير)

رد: حد يعرف يعنى ايه ..(حيزبون) ..؟؟؟
 

المصريين دول عليهم حاجات ... اكيد مصري مثقف هو اللي دخل الكلمه دي مصر ... مشكور للمعلومه و الموقع ... yesyes