رد: رابطة ملاك ومحبى السفينه فيات 132
 

اولا الف شكر للرد السريع ده
بس انا عايز اقول حاجة ان الحاجات دى كلها تمام عندى يعنى انا لازم اخد الحاجات دى كلها معايا
ده لو كده يبقى اسافر قطر واريح دماغى
انا قصدى هى العربية لو كل الحاجات دى متظبطة فيها يعنى انا عندى الحمد لله العجل زى الفل والماتور تمام والسوخنية زى الفل مبتوصلش لـــ 90 والسحب تمام 140/150 والعفشة لسة مظبتها من حوالى شهر وانا بستعمل زيت ماتور نوع شل اصفر بيمشى معايا حوالى 4000 كم والكهرباء تمام لانى غيرت الضفيرة كاملة وعملت عمرة كهرباء وفرامل من اول ما اشتريت العربية والريدادير مبينقص ميه غير كل اسبوعين شوية صغيرة .
فقصدى انى كده العربية تقدر تستحمل مشوار السفر ده من غير ما اخد الحاجات دى معايا يعنى انا كان قصدى اعمل حسابى فى جركن بنزين وبس ولو فى حاجة تانية اشيك عليها هنا قبل ما اسافر فهل فى حاجة تانية غير الى ذكرتها اكون نسيها .
وعلى فكرة كمان انا عندى الشكمان مخروم من تحت فهل ده يأثر فى حاجة
والف شكر ليكم مرة تانية

رد: رابطة ملاك ومحبى السفينه فيات 132
 

إيه يا أستاذ هشام ناقص تقول كما إنه ياخد عربيه احتياطي يحطها في الشنطة

رد: رابطة ملاك ومحبى السفينه فيات 132
 

وعلى فكرة كمان انا عندى الشكمان مخروم من تحت فهل ده يأثر فى حاجة

اى نعم يأثر هيسخن العربية ويخليها تستهلك بنزين زيادة !!ويضعف سحبها كمان!!
SLAM:286::140109~347:

رد: رابطة ملاك ومحبى السفينه فيات 132
 

مع احترامي وتقديري لاستاذ هشام مش لازم الحاجات دي كلها انت كده قلقت الراجل يا اتش بص انا ان شاء الله مسافر الغردقه كمان كام يوم يعني 550 كيلو او ازيد ومش هاخد غير معايا غير جركن بنزين 15 لتر وجركن مياه والبوجيهات القديمه ومفتاح بوجيهات والكوندنسر القديم والابلاتين القديم واي حاجه انت بتغيرها عند الميكانيكي مترمهاش وخليها في العربيه استبن علشان لو حصل حاجه لقدر الله تغيرها بيها عقبال متوصل ان شاء الله واحتياطي خد معاك نمره لونش انقاذ من القاهره وونش انقاذ من سوهاج علشان لو عطلت منك قرب سوهاج لقدر الله تقدر تتصل بيه انا بعمل كده
ومتقلقش ولو حصل حاجه كلمنا نفيدك ونقولك تتصرف ازاي
SLAMSLAMSLAMSLAM

رد: رابطة ملاك ومحبى السفينه فيات 132
 

علشاان كده كتبت باقى اللسته علشان ما أحرموش من حاجة
تروح وتيجى بالسلامة يا ايمن انت وشومان
معلش إعذرونى دى كانت فضفضة بس
انا كنت كاتب شوية معلومات فى الجون لكن مع الأسف حد من المشرفين او حد تانى الله اعلم من الإدارة ولا واحد منفسن حزف المشاركة دى

رد: رابطة ملاك ومحبى السفينه فيات 132
 

رغم انك خلتنى قلقت من العربية بس الف شكر لكلامك وكفاية انك رديت على


بس انا عندى العربية مبتسخنش زى ما قولتلك مبتوصلش لــ 90 اثناء النهار يعنى فى عز الحرارة زغم ان الشكمان فيه اكتر من خرم ومخلى صوت العربية عامل زى الجرار الزراعى ورغم كده والله بمشى بيها 140 مرتاح وبحس انا عايزة تسحب تانى

رد: رابطة ملاك ومحبى السفينه فيات 132
 

مقصدش اكيد استفزك يا هشام بس ده من تجربة ليا انا محبش حد يقع فيها
انا مركب موبينا الاكترونية لما بتقطع العربية متنفعش تاني لازم تغيرها فعملتها معايا مرة وكان يوم خنيق جدا لحد مجبت وحدة وغيرتها علي الطريق لان فكها وتركيبها سهل جدا
فما بالك لو انا علي طريق الصعيد ومعايا ناس وعملتها معايا
عموما انا زي مقلتلك يا هشام مقصدش استفزك والخوف كله علي الراجل المسافر SLAM