|
|
رد: رابطة ملاك ومحبى السفينه فيات 132
انت إزاى يجيلك قلب تشد بالعربية وهى مش مظبوطة
وتقول انك كده محافظ عليها اللى كان بيجرى معاك معاه السوبر ميرافيورى ال1300 اتنين كامة بس ماكانش ينفع تجرى كده والعربية مش مظبوطة كنت وفرت بنزين وفلوس وصلحناها هنا الشكمان اللى سخن بزيادة حاجة من إتنين كاتينة مش مظبوطة او سدد فى الشكمان لو البوجية اللى مجنب ده شخن بزيادة ممكن مايطلعش من الوش ويدخلنا فى متاهات حاول تسايس العربية وتيجى بيها النهردة فى الطراوة انزل بعد الفجر وانا هكون منتظرك بإذن الله نروح للخراط يفك البوجيه البايظ ونغير طقم الكهرباء ونراجع على الكاتينة ونغير الجوانات والأولسيه بتاع الكرنك ( الأمامى ) |
رد: رابطة ملاك ومحبى السفينه فيات 132
معلش يا هشام والله مخد بالى من مشاركتك الا دلوقتى
واذا كان على الخراط والحورات دى سؤال بسيط انت عندكم السبت شغالين ولا الورش قافله ؟؟ اذا كان كدا ممكن اطلع بعد الفجر زى ماقولت واجى ونشوف الموضوع وخصوصا ان قرصت عليها امبارح اووووى والله العربيه اقفلت RBM على التانى والتالت انا زعلان بس مكنش ينفع اطلع ان عربيتى مش هى قدامه اصله بيموت فى الشماته والتانى بيقولى عربيتك كانت ساعات بتطلع نار من الشكمان مش عارف ايه حكاية النار دى لكن ديل الشكمان كان مولع لكن العربيه هى هى السخونه العاديه يعنى مع القرص المروحه ماشتغلتش |
رد: رابطة ملاك ومحبى السفينه فيات 132
جوان الوش مش هيتفك غير لو ضرب غير كده كتر الفك بيبوظ مكان المسامير فى البلوك ويدخلك فى متاهات كتير
انت هتحتاج بسسس تمشط السن - تنظف الكربراتير - وتغير اولسيه الكرنك امامى وبس بلية الشداد يابانى ب 30 وسير الكاتينة ب 55 ، زيت وفلتر 85 جنيه حاول تيجى الجمعه من الصبح بدرى وهنخلص كل الشغل اللى فيها ومش هتمشى بيها غير لما العجل يفحر فى الأرض |
رد: رابطة ملاك ومحبى السفينه فيات 132
اقتباس:
الله يكرمك يا هشام والله:Wkiss5::Wkiss5::Wki ss5: انا مش عارف من غيرك كنت هعمل ايه ؟؟؟ ربنا يكرمك ويجزيك خير زى الانت بتعمله فى الناس وان شاء الله هكلمك بليل على الموبايل واتفك معاك هنتقابل فين فى القاهره انتظر من تليفون بعد المغرب بأذن الله متشكر جدااااااا يا هشام والله انا مش لاقى حاجه اعبرلك بيها عن شعورى اد ايه بالسعاده:Wkiss5::Wkiss5:: Wkiss5: |
رد: رابطة ملاك ومحبى السفينه فيات 132
اقتباس:
اقتباس:
انا من النهردة بعد الشغل معتكف للعربية لحد يوم السبت العربية فاضيه خالص ع الصاج ولسه هعمل شغل الكهرباء والعزل قبل ماتتقفل إن شاء الله هروح قبل المغرب علشان نزلت الصبح جرى علشان عربية الشغل ونسيت التليفون ، ومالحقتش عربية الشغل |
| الساعة الآن 12:13 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017