رد: حقير يقتل فقير ليرضي غشيم بتأييد من غبي !
 

أتفق معك تماما وزويل مصرى أمين محب حتى النخاع
لكن لن تنصلح الأحوال بمغادرة العسكرى وتولى أية جهة الحكم المؤقت فالخطيئة من البداية فى عدم إجراء إنتخابات رئاسية قبل أى شىء وفى ظل التصارع والتناحر مابين القوى السياسية لإغتنام مكاسب الثورة لنفسها لن تستقر الأحوال
الأصلح هو إنتخابات رئاسية لوضع رأس للدولة وإعداد دستور قوى

رد: حقير يقتل فقير ليرضي غشيم بتأييد من غبي !
 

اتفق معاك تماما, و لو الجيش صادق فى تسليم السلطة فليقبل بالاسراع و عمل الانتخبات الرئاسية فى شهر يناير بعد الانتهاء من مجلس الشعب و قبل انتخبات مجلس الشورى التى أشك ان كثير مننا (و أنا ضمنهم) لا نعرف واجبات مجلس الشورى و أهميته.

رد: حقير يقتل فقير ليرضي غشيم بتأييد من غبي !
 

رد: حقير يقتل فقير ليرضي غشيم بتأييد من غبي !
 

أولآ ارتضى المصريين كلمة حقير على الجيش المصرى ..

ارتضى المصريين ان يتحول مجلس الوزراء المصرى الى ملعب كره (اهانه لهيبة البلد)).. باعتبار ما يسمى حق التظاهر السلمى .. ماشى

ارتضى المصريين بحريق مبنى المجمع العلمى من المعتصمين على اساس انه حق لهم ..

ارتضى المصريين بتخوين المجلس العسكرى ممكن على اعتبار انه كان معين ايام مبارك

ارتضى المصريين كل اخطاء المعتصمين من قطع الطرق واحتلال الميادين وعمل فوضى والكل يظهر لهم الف مبرر .. ويقولون المجلس العسكرى هو اللى عاوز فوضى

يقول المتظاهرين مش عاوزين انتخابات ومش انخلى فى انتخابات ويقول المجلس انعمل الانتخابات فى معادها .. يقولون ان المجلس هو الذى يريد تعطيل الانتخابات مش عارف ازاى

يقول المتظاهرين مش عاوزين رئيس الوزارء ده علشان عجوز وهو يعلمون انها وزارة انتقاليه ومش اتقعد كتير .. يقولون المجلس هو اللى بيصنع المشاكل علشان يقعد فى السلطه مش عارف ازاى ..


هما المتظاهرين دول ملايكه نرضى بكل حاجه لكن منقدرش نطلع المتظاهرين انهم اخطأوا ولا نكلم عليهم نص كلمه .... وكل حاجه نشيلها للمجلس العسكرى على اساس انه مش عارف يدير البلد ومش عاوز ينقل السلطه وبيحابى لمبارك وبيعمل فوضى وهو اللى بيحرق فى البلد وهو اللى بيحتل الميادين .. ايشيل اخطاءوا واخطاء المعتصمين كمان

رد: حقير يقتل فقير ليرضي غشيم بتأييد من غبي !
 

- بأمانة زهقت من الكلام فى الموضوع, عشان كل احد بيتكلم فى ناحية, و خصوصا بحس بردو ان فىه المصمم يتجاهل كل الاتكتب و يعيد كلام مخالف للقلناه اساسا, و انه مش قادر يستوعب ان فى فرق كبير بين الجيش و المجلس العسكرى.
- و يجى حد بردو يقولك اصلهم حرقوا المجمع طب ارد اقولو ايه اصلوا كان واقف و صورهم و سجلهم و هما بيحرقوه؟؟؟؟؟؟, قلنا منحكمش على الظواهر و نتكلم فى الدلائل, و بردو لا حياة بمن تنادى.
- يقولك اصلى بحب المجلس العسكرى, هوا المجلس العسكرى ده اصلا ابويا ولا امى عشان احبه ولا محبهوش, المجلس ده مجلس حاكم يبقى أتصرف معاه من المنطلق دهو اشتغل صح ولا اخطأ, حمى ولا ضرب, ليه بنتعامل فى السياسة و الوطن بالكيان العاطفى و الأهواء زى ما فيه ناس لغاية دلوقتى بدافع عن مبارك و كلابه, الأعرفو انتا ارتضيت انك تحكم يبقى لازم ترضى اننا نحاسبك و لاما تغلط نطالبك بدفع الثمن, ده فكرة العدل, ليه لما تمسك ناس بتقول عليهم متورطين تقدمهم للمحاكمة العسكرية و سايب الأساساه عسكرى و المحكمة العسكرية هى المنوطة بمحاسبته و رغم كده بتحسبو منيا؟؟؟؟؟
- يا جماعة احنا مش هيقوملنا قومة غير لما نتعامل مع الفئة الحاكمة على انهم موظفين بالدولة لهم حقوق و عليهم واجبات يقبضوا من الدولة زيهم زى اى حد, و من حق اى حد يطالب بمراجعة افعالهم و محاسبتهم و حتى بمحاكمتهم (بدون تطاول), لكن اليقولى رمز و مينفعش حد يكلموا هو ده الكلام البيخلق الطاغية و ده الحصل لمبارك, مال الجيش بالمجلس العسكرى, منا ليا قرايب فى الجيش, و جوز اختى فى الجيش, هل انا ممكن اعادى قرايبى, لأ أنا مشكلتى فى المجلس العسكرى الناس مصممة تحوله لطاغية تانى عن طريق تمجيده و تعظيمه, و هم مجرد أفراد يعملون فى المجتمع. لما احسنوا حيناهم, لكن لما يغلطوا يبقى لازم نحاسبهم. مش ده منهج الأدميين و الأقروا ربنا, مش العدل اساس الملك بدون العمل على المصالح الخاصة.

لو افترضنا ان نيتهم صالحة, بس بردو هو بأعماله بيمس كيان أمة و دولة كاملة وليس كيان فرد, و هنا النيه ليست معيار للحكم عليه و لكن أفعاله, لكنك لو تعتمد على النية و لست صالحا لتقلد معايير الحكم يبقى لازم تتنحى فورا و تسيب غيرك و متعدش تماطل.

الافهمو انك أول ما مسكت وعدت باجراء انتخبات و تسليم سلطة فى ميعاد معين, و انت لم تلتزم بهذه المواعيد و لم تعتمد جدول زمنى مفصل للم الأوضاع, لكن سيبتها مايعة و انتا و ظروفك و زى ما تيجى. ده واخد صفر كبير فى علم الادارة يوازى لصفرنا فى المونديال اياه.

رد: حقير يقتل فقير ليرضي غشيم بتأييد من غبي !
 

البنت اللي اتعرت ( مع الاعتذار عن اللفظ بس للاسف هو ده الواقع اللي حصل ) مش هي الدكتوره صيدلانيه غاده كمال
للاسف موقع مصراوي خلط بين الاتنين وبالتالي الحديث عن لسانها غير صحيح
ده فيديو الضرب الاصلي الكامل اللي اتعمل منه الفيديو ( المفبرك ) !!!
http://www.youtube.com/watch?v=4iboF...ipcontrinter=1
موقع اليوتيوب صنفه على انه فيديو عنيف وبالتالي علشان تشغله لازم يكون عندك اكونت على اليوتيوب او ممكن تشوفه من خلال الفيس بوك بالاكونت بتاعك

وده فيديو لشهاده د غاده كمال
http://www.youtube.com/watch?v=Rgq4prhzots
http://www.youtube.com/watch?v=lU_0SEGnCRY


للتوضيح فقط
وكل واحد في النهايه بيصدق اللي هو عايز يصدقه

رد: حقير يقتل فقير ليرضي غشيم بتأييد من غبي !
 

تسأولات مشروعة بتمثل رأى الحليم (حسب الحديث الشريف) من الموقف او بالاحرى الفتنة
وبالتالى تصبح

حقير يقتل فقير ليرضي غشيم بتأييد من غبي ! والحليم يتسائل ؟؟