رد: السرقة بالإكراه - ممكن تعمل إيه ؟
 

اقتباس:

المشاركة الأصلية كتبت بواسطة احمد على 1999 (المشاركة 748235) يا ساتر يارب

تمام ده كان زمان فعلا فى عز هوجة الثورة ساعة المساجين ما هربوا
لان قطع الطريق ده بالشكل ده عايز جراءة مخيفة ما تلاقيهاش غير عند مساجين مسجلين خطر

انما دلوقتى العملية هديت خالص
والامن رجع بشكل جزئى وان كان سلبى بس ارحم من ما فيش

اسمع ان الطريق الصحراوى الغربى للقاهرة
لغاية اليوم فى مناطق معينة بيتقطع باللصوص

والله أعلم

رد: السرقة بالإكراه - ممكن تعمل إيه ؟
 

ربنا يسلم طريقنا جميعا اهو بناخد بالاسباب :CONGRA~238:

رد: السرقة بالإكراه - ممكن تعمل إيه ؟
 

موضوع ممتاز جدا

المصيبة ان عربيتي تويوتا تيرسل 94 :sycho26:

والمشكلة اني مش مهتم بيها بقالها فترة شكلها زعلت مني

وفي اي مناورة عادييية خاااالص مبتسعفنيش خالص

يعني مش هينفع لا اخمس ولا انيل :sycho26:

بس هي بصراحة كانت كويسة وممتازة انا الي اهملتها

وعزمها ضعف جدا وبقت تعاني مع ال حمل التقيل شوية لو شنط اكل تعاني :sycho26:

ياريت لوفي حل :286:

رد: السرقة بالإكراه - ممكن تعمل إيه ؟
 

العفو لحضرتك شكرا على مرورك الكريم و تنشيط الموضوع
الحل بقى تجيب الكارينز ان شاء الله :HAPPY_~211:

رد: السرقة بالإكراه - ممكن تعمل إيه ؟
 

SLAMSLAM

والله شكلها مهش ماشية الا كده

SLAMSLAM

رد: السرقة بالإكراه - ممكن تعمل إيه ؟
 

بص يا برنس عشان دية اتعملت فيا بعد الثورة فى ابريل 2011 و انا راجع بعربية المصنع مع السواق و مكنش معانا حتى مفك

اللى حصل ان القطاش عمل مشكلة و كهربة العربية فصلت على طريق موقف العاشر داخلة السلام

تمت الموضوع ازاى العربة عطلت الراجل نزل يبص سبب المشكلة و شاف القطاش فى الوقت ده دخلت عربية باك اب بيضا وقفت اصادنا و جه ورانا موتوسكل عليه اتنين شكلهم يقلق و وقفو ورانا و قالو عاوزين مساعدة او نزقكم المهم السواق كان رجع للعرابية و بيحاول يدورها راح واحد منهم مميل على السواق و طلع مسدس احنا الدنيا خربانة معانا و معناش فلوس و هات اللى معاك لنصور جريمة و انزل من العربية فى اللحظة دية ربنا الهمنى انى ادلق بقية الكانز على بورده التكييف العربية بعد كانت هتدور شيطت و حصلة قفلة فى كهربة المروحة و الفيوزات ضاعت

المهم اخدو مننا كل الفلوس اللى معانا و اخدو الموبايل بعد ما لقو العربية مش بتتحرك و قعدنا نتمسكن و احنا غلابة ما احنا فعلا غلابة و مش عربيتنا فعلا كانت عربية المصنع المهم سابونا و سابو العربية و مقطروهاش لأن العربية لما فصلت كهربة الدركسيون تربس و معرفوش حتى يحدفوه درجة واحده

المهم لما غاورو فى ستين داهية رحنا فاصلين لوحة التكييف خالص و معاها وصلات مروحة البلاور و حطينا فيوزات من الدرج و وصلنا المروحة ديركت على البطارية و دورناها ربنا ستر و دارت و غيرنا وجهتنا من من طريق العاشر و لفينا طلعنا على شوبرا عند قرايب السواق عشان لو حد منهم قاطرنا مش هيفلت من جمهورية شوبرا سليم صاحب المصنع جالنا على هناك لما كلمناه من هناك و طبعا جاى بلاسح بعد ايه يا سبع البرومبه و العربية اتصلحت عند كهربائى و انا روحت بتاكسى ( على حسابه طبعا لحد البيت )

فى المواقف دية حاول تخرب العربية بأى طريقة لو معاك سلاح وبتعرف تستخدمه اعمل ده بغباء و جنان هما بيخاو من المجانين جدا لو مش معاك اوعى تكون ضعيف و اوعى تستخدم العنف

فى حاجه مهمة لو انت قريب من اى منشئة مرورية او شرطة عسكرية او عربيات معدية قرب منك فى حاجه حاول تحفظها اسمها SOS سوس اختصار Save our souls و دية اشارة استغاثة معممة فى كل دول العالم بما فيهم المحروسة بتعملها بشفرة موريس محدش يتخط مش معقدة هى اسهل ما تكون *** ** *** يعنى تقلب الكشاف 3 مرات تقف تقلب مرتين تقف تقلب 3 مرات بسرعة او 3 كلاكسات ورا بعض كلاكسين 3 كلاكسات

او بالولاعة او تحط ايدك الشمال على رقبتك و ترفع كوعك لفوق و العربيات المعدية هتقف و هفهم يا ريت حاجه زى كده تتحفظ و تتعمم بينا و بين بعض لأنها مهم جدا ان الناس تحمى بعضها ببعضها

رد: السرقة بالإكراه - ممكن تعمل إيه ؟
 

شكرا يا استاذ رامى لنقل التجربة المثيرة جدا
فعلا نصائح حلوة
ما تحاول تفكرلنا فى دايرة الكترونية بمؤقت و فى حالة السرقة بالاكراه يتم تفعيلها و العربية تبوظ بعد 3 دقايق مثلا