|
رد: حكايه صديقى والسياره الملعونه-2 روايه رعب واثاره وتشويق
احلوت كده اكتر و اكتر
|
رد: حكايه صديقى والسياره الملعونه-2 روايه رعب واثاره وتشويق
استمـــــــــــــر
ptmnlo123per160 ptmnlo123per160 ptmnlo123per160 ptmnlo123per160 |
رد: حكايه صديقى والسياره الملعونه-2 روايه رعب واثاره وتشويق
وسعت قوى كده يا دكتور
عفاريت و قضية فلسطين و تختم بمخابرات طب هما كانوا فين م الأول و لا هى مخابراتنا نايمة على ودانها ::::::::)))))))) |
رد: حكايه صديقى والسياره الملعونه-2 روايه رعب واثاره وتشويق
تابع المشهد-35-
--------------------- فال المقدم سعيد: -وبعدين عادل باع العربيه لحسن وكان الموضوع مقصود ومخطط له من قبلهم00لكن حسن خلص من العربيه بسرعه وباعها لك قال رشدى: -وشربتها انا زى المغفل اتبع المقدم: -أصحابنا استغلوا فترة الافلاس اللى مر بيها حسن فحاولوا معاه لكن حسن رفض قلت: -طب ليه حسن كان بيطارد رشدى والعربيه؟ -لانهم عارفين صعوبة تجنيد واحد زى رشدى00 فكان لازم يرجعوا الجهاز من العربيه00وهما اللى حاولوا اكتر من مرة ياخدوا الجهاز لكن فشلوا00وصاحبنا حسن كان ماشى فى اتجاه تانى وكان عايز يخلص من العربيه والجهاز وعشان كده أجر سيد يخلصه منها ويغرقها عشان الجهاز يبوظ قال رشدى: -على كده حسن كان راجل وطنى قلت: -الله يرحمه ابتسم المقدم: -اللى زى حسن عمره ما كان وطنى 00على الاقل كان بلغ عنهم قلت: -آه صحيح رشدى: -كده مش فاهم حاجه! قال المقدم: -الموضوع كان بالنسبة لحسن موضوع انتقام منهم وفى نفس الوقت خوف على عمره قلت: -ايه علاقه الانتقام بالموضوع؟ اتسعت ابتسامته وقال: -احنا بقالنا اسبوعين فى الموضوع ده00 توالت المفاجآت واحده ورا التانيه بدايه من عادل ولحد سيد شوفوا00حسن من عشر سنين سافر هولندا أشتغل هناك00 اتعرف على بنت هولنديه واتجوزها وفى آخر لحظه عرف انها يهوديه لكن مفرقش معاه هوه كان عايز يستقر وخلاص خلف منها ولد00ولما جه يرجع مصر بعد خمس سنين 00خدت الولد وهربت وميعرفش عنها حاجة! ظهروا أصحابنا فى الايام اللى فاتت قبل مايبيع العربيه لرشدى وعرضوا عليه التجنيد مقابل انهم يرجعوا له ابنه00ولانه عارف ان ده مش ح يحصل فكانت رغبته فى الانتقام منهم كانت أكبر وكارت الولد منفعش معاه قلت: -فيه سؤال منطقى00 ليه مخلصش من العربيه من الاول بنفسه؟ -هوه حب الموضوع يبقى بعيد عنه00عشان خاف على حياته00هوه عارف انهم ممكن يخلصوا منه قال رشدى: -عشان كده عمل اللفه دى! -تمام فى الاول رفض طلبهم وهدد بالابلاغ عنهم وبعدين باع لك العربية وبعدين حاول يخلص منها بعيد عنه ولانه غبى فكر انه كده ح ينتقم منهم وفى نفس الوقت يبقى الموضوع بعيد عنه لكن قرار التصفيه كان جاهز فى أى وقت! -قال رشدى: -ولاد ال00عادل وحسن قال المقدم: -الجماعة أجروا سيد لقتل حسن واغروه بمبلغ محترم وحاجات تانيه وكانت الخطوة اللى بعد كده شراء العربيه منك وترجع لهم لكن مع راجلهم الجديد الاخ سيد! قال رشدى: -يعنى سيد هو اللى طلع مفتاح كل ده -بالظبط أنت الشاهد الوحيد على كل القضيه وانت السبب المباشر فى القبض عليه قال رشدى: -دى حاجه بسيطه سعادتك بس العربيه هما بيعملوا فيها ايه؟ -قال المقدم: -رجال البحث زمانهم فكو الجهاز دلوقتى 00 والافضل يا رشدى انك تاخد العربيه لحد ما نوصلهم لانهم هيطاردوا العربيه واحنا ح نبقى وراك فى كل حته قال رشدى: - فى خطر سعادتك -ماتقلقش وخرجنا من عند المقدم ونحن نضرب كفا بكف غير مصدقين لكل ما حدث فما الذى يحدث لنا ؟ تداخلت الامور ودخلنا دون ان ندرى ودون ارادة فى قضية تتفرع منها عدة قضايا سارت الامور عكس المتوقع تماما00لكنى شعرت انا ورشدى بان الامور فى طريقها للحل النهائى لاننا وصلنا أخيرا للحقيقة لكن عناد الايام لم يشأ ان يتركنا نهنأ لحظه من الهدوء والصفاء |
رد: حكايه صديقى والسياره الملعونه-2 روايه رعب واثاره وتشويق
طيب ماشى انا هارجع بيك لوراء شويه
لما جابوا شيخ و قالهم دى مسكونه كان ايه الكلام |
رد: حكايه صديقى والسياره الملعونه-2 روايه رعب واثاره وتشويق
اقتباس:
ممكن بالمعنى الحرفى والمفهوم المعتاد وممكن بالمعنى الرمزى والاسقاط فى كلتا الحالتين المعنى واضح والمفهوم سليم |
رد: حكايه صديقى والسياره الملعونه-2 روايه رعب واثاره وتشويق
-36-
لم نكد نفيق من صدمة سيارة رشدى وكل الحقائق التى تكشفت حتى جاء اليوم بصدمة جديدة أفزعتنا! اتصلت بهشام فاخبرنى باقتضاب انه فى المستشفى00ولان وجوده بالمستشفى امر طبيعى لطبيعة عمله فلم اتعجب الا بعد ان عرفت انه نزيل! لم اكن اتخيل ان هشام لاعلاقة بالحادث الذى وقع اليوم وسمعنا عنه امام احد الكنائس! تعرضت فيه مجموعة من الناس لاطلاق النار العشوائى وحدثت عدة اصابات علاوه على وفاة شخصين توجهنا سريعا للمستشفى ونحن فى قمة القلق وصوت هشام الواهن لا ينبئ بالخير ! وعندما رأيناه كان بحمد الله بصحه جيده ولم يكن هناك سوى جرح فى الذراع اليسرى وشاش كثيف ملفوف عليها 0 وكانت الدموع متجمده فى عينيه والاسى ينطق به وجهه 00 التقت عيوننا وشعرت فيهما بغضب ودهشه! كان هشام فى يوم الاحد المعتاد خارجا من الكنيسه مع حفيل من الناس وكأى يوم عادى كان الجو هادئا 00 الجمع خارج بنفوس صافيه كل يمضى فى حاله لعالم الدنيا الواسع بمشاغله واحتياجاته واماله 00 انطلقت سياره مسرعه ليخرج منها الرصاص عشوائيا لينال من الناس بلا تفرقه بين كبير ولا صغير 00 طفل او امرأه فرصاص الغدر لا يعرف التفرقه ولا يدرك الرحمه لأنه يخرج من قلوب لم تعمر بالايمان ولم تصل لمعنى الانسانيه ! نالت احداها من ذراع هشام وكانت بفضل الله بسيطه نالت نت اخرين سقطو ا جرحى عدا العم صادق جورج رجل مسن فى السبعين من عمره ومحمود شاكر طفل فى السابعه من عمره اغتيل وهو فى يد امه صادف مروره امام الكنيسه! وكما قال هشام كان العم جورج رجلا فاضلا من رجال التربية والتعليم بالمعاش00رجلا محبا للناس يذوب عشقا فى خدمتهم وكانوا كلهم اولاده بعد ان حرمه الله من نعمة الابناء! فتح الرجل قلبه لكل الاطفال وبلغ عطفه عليهم انه كان يجمع المشردين واولاد اليتم فى دار للرعاية ليعلمهم حرفا تنفعهم ويعطيهم احتياجتهم حتى يكفيهم السؤال والحاجة انفق كل ماله فى العمل على خدمة قضيه امن بها بكاه الجميع كل من عرف العم صادق بكاه بدموع حقيقيه لأنه الوحيد الذى لم تكن حياته ولا ماله ملكا له بل وهبهما للناس ومن اجل الناس طاله غدر من لا يرحم 00 وأد احلامه التى لم تفتر رغم بلوغه السبعين قتل خيرا فى نفسه يكفى لكل العالم وصفاءا فى قلبه يشرق فى قلب الظلام لهذا كان هشام حزينا وكانت كلماته تقطر اسى ولوعه لأنه كان يعتبره بمثابة ابا ثان له 00 كلهم كانوا يعتبرونه ابا ثانيا لم يبخل يوما بنصيحه ولم يضن بمساعدة لأحد ولأن الموضوع حساس وهناك بوق من النار تنفخ فى الصدور ونفوس لئيمه تبث الكراهيه فقد اخذ الموضوع حيز اكبر واتجاه مغاير لحقيقه واضحه وضوح الشمس 0 وخنجر غادر حاول ان ينسل فى نسيج لا يبلى بمرور الزمن ضمنا هشام لصدره وهو يبكى 00 بكينا لأجله فهو جزءمنا ونحن جزء منه الى اللقاء مع المشهد الاخير |
| الساعة الآن 01:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017