رد: الثورة المصرية علي خطي الثورة الفرنسية
 

حبيبي دائما الاختلاف في الرأي لا يفسد للود قضية

وبعدين ياعم الطبنجه مش مطلية نيكل ولا حاجه دي تصنيع روسي 100%

وبعدين البندقية الالي اللي حضرتك تقصدها وممكن اضرب بيها بايد واحده هي البندقية AK_47 او ماتعرف مجازا في مصر "الكلاشينكوف" وتسمي في الجيش باسم "المعادي" عيار 5.54 م

اما البندقية اللي اقصدها ولايمكن اطلاق النار منها باستخدام يد واحده هي M4 عيار 7.62 م

رد: الثورة المصرية علي خطي الثورة الفرنسية
 

اعتقد ان اسمه AK 74 و ده بيطلق عليه الكلاشينكوف و فيه منه انواع كتير منها M
يا باشا انا عارف ان ناس كتير بتضرب الM74 بايد واحدة بس ده عايز محترفين.
على اى حال انا اعرف ان اللى منتشر فى مصر عيار7.6 ، مش العيار 5.5 لانى اعتقد ان العيار التانى بيمشى على انواع تانية كتير.

عموما طبعا انت اكيد اكثر علما منى بهذه الاموربحكم عملك ، انا كنت بانكشك بس.
بالمناسبة انا عجبنى تصرفكم فى موضوع موقف النزهة ن بس انا عايز اقولك ان ما قام به السائقين نتيجة ثقافة ، و تغيريها يحتاج لوقت.
ما اقصده هل جربت معهم اللين بعدما رأو الشدة ، هذا ما اقصده بعد ان يرى البعض شدتك و قدرتك على الايذاء ، ثم امتناعك عن الايذاء فى المرات المقبلة و النصح باللين ، اعتقد ان نسبة عالية منهم سوف تستجيب (نسبة عالية و ليس الكل).
مثل ما كان يحدث مع الاسرى فى صدر الاسلام من التعامل الجيد مع القدرة على الايذاء.
و بعدين عايزك تسخن الموضوع معايا شوية (تسخن الحوار مثل لغة النقاشSLAM

رد: الثورة المصرية علي خطي الثورة الفرنسية
 

والله يا اخي انا مكنتش ناوي ارد علي اي مواضيع سياسية تاني في المنتدي لكن بعد لما شفت موضوعك والردود علية مقدرتش امنع نفسي من المشاركة وبعد كمان ملاقيتكوا انت وابو نور داخلين في بعض شمال وخصوصا ان بكنيلكوا انتوا الاتنين معزة خاصة واتضايقت جدا من ردودكوا علي بعض لاقيت ان لازم ارد - يا ريت يا جماعة نقلل شوية من وصفات الطبيخ عشان الموضوع مش ناقص انا كنت دايما معترض علي مقولة الجيش والشعب ايد واحدة عشان كده احنا بنحط الجيش في ناحية والشعب في الناحية التانية مع ان الاتنين في فعلا واحد من غير قولان ويوم ما الجيش يتضرب مصر كلها راحت في داهية

بس انا ححكي للاخ الظابط حكاية شخصية جايز نطلع منها بحاجة

انا ساكن في الشارع بتاعنا بقالي حوالي 5 سنوات وكنت دايما بشوف ناس اقول عليهم بلطجية وبتوع مخدرات اكيد وشكلهم غلط وكنت دايما بتحاشي التعامل معاهم او حتي النظر ليهم الا ان جاء يوم 28 يناير ونزلت في المظاهرات والغريب اني لاقيت في ناس من الجماعة دول معايا ولما سالتهم بتعملوا اية هنا قالوا كلام انا نفسي استغربت اني مكنتش فاهم الموضوع زي ماهما فاهمينة ولما عملنا لجان شعبية ووقفت معاهم زيادة عن 10 ايام اتضحلي انهم اغلب من الغلب بس جايز فهمهم للامور ضعيف ومحتاجين حد يقف يقولهم اية الصح واية الغلط ويقنعهم بية والناس دي خلي بالك اسهل بكتير انك تقنعهم وهما محترمينك من انهم يسمعوا كلامك وهما خايفين منك والنتيجة طبعا بتبقي احسن

معني كده ان لسة في مصر ناس بتتعلم اية الصح من الغلط واحنا علي اول سلم الديمقراطية وممكن يكون فية واحد انت شايف انة بلطجي وابن ستين تيييييت بس في الاخر هوا راجل غلبان وبعمل كده من كتر ما شاف من زل وان كنت انت زعلان علي زمايلك اللي استشهدوا هوا ممكن يكون مقهور علي ابنة اللي ملقاش مستشفي تعالجة لحاد ما ربنا افتكرة الله اعلم بما في نفوس الناس

لكن في الاخر انا عازرك لان مش من السهل يبقي الانسان وهوا بيادي واجبة مفيش علي بالة هوا حيرجع لاهلة ولا لأ ربنا يحميك انت واللي زيك ويحمي شعب مصر كلها من الايام اللي جاية

واللي قال ان ثورة مصر منقوصة عنده حق لان الثورة شالت راس النظام لكن مقدرتش تغير النظام لان النظام اتزرع فينا احنا شخصيا في عادتنا وتصرفتنا وعدم احترامنا لاي قوانين مهما كانت عبيطة لمده تزيد عن 60 سنة يعني تقريبا جيلين كاملين ومش من السهل نغير دا بالسهل لا في شهور ولا سنين لازم حناخد وقتنا بس للاسف الوقت دا علي حسابكوا انتوا - انتوا اللي لازم تشيلوا المسؤلية دي لانكم من الشعب والشعب منكوا وانتوا اللي اختارتوا تشيلوا المسؤلية دي سواء مخيريين او مرغمين

انا شايف ان موضوعك فية الكثير من الحقيقة لكن كمان فية خوف زياده عن اللزوم مصر زي ما فيها فئة مخربة انت شايفهم كبيرة لان للاسف معظم تعاملاتك معاهم لكن السواد الاعظم يا اما ناس بتحب البلد دي اوي وعايزاها تبقي احسن بلد في الكون وبرضة بتنزل الشارع ومش عارفة اذا كانت حترجع لاهلها ولا لأ بس دا واجبها قدام بلدها - وناس تانية غلابة اداس عليهم كتير ومصدقت تتنفس (ربنا يستر) حياخدوا وقت عبال ما يفهموا فيهدوا لان ملهمش غرض الا لقمة العيش ومش عايزين الا انهم يعيشوا مستورين وبالراحة

والخوف بقي من الفئة المخربة ودي اللي اتمني انك مش تدوس عليها بالبيادة لا بدبابة يا معلم وصدقني محدش حيزعل عليهم عشان دول بهايم مسيريين وتابعين للي بيدفع اكتر ربنا يرحمنا منهم

واقعدوا بالعافية

رد: الثورة المصرية علي خطي الثورة الفرنسية
 

ياباشا اسمه AK47 وهو مايطلق عليه الكلاشينكوف وينتج في مصر تحت اسم "المعادي"
اما AK74 وAKM فهي النسخة المتطوره من الكلاشينكوف الروسي .... وهناك شبه كبير بين AK47وبين AK74 وهو اللي بيخلي الناس تخلط بينهم

ممكن الشخص العادي يفرق بينهم حيث ان AK74اطول قليلا منAK47

ودي صورة AK74
http://www9.0zz0.com/2011/07/06/11/484645477.jpg

ودي صورةAK47

http://www9.0zz0.com/2011/07/06/11/409135961.jpg

ودي النسخة المصرية المعدلة من الكلاشينكوف "المعادي"

http://www9.0zz0.com/2011/07/06/11/456530553.jpg

اما M4 فدي صورتها وقريبا سيتم تصنيعها في مصر باذن الله

http://www9.0zz0.com/2011/07/06/11/533975189.jpg

والسلاح من استخدمه ينسي كل الاسلحه

رد: الثورة المصرية علي خطي الثورة الفرنسية
 

امابخصوص الشق الثاني من مشاركة حضرتك "اهم حاجه متكنش من الشئون المعنوية"

القوات المسلحة لا تستخدم الشده والعنف الا في اضيق الحدود لما نوصل ان الشده تكون هي الحل الوحيد لحل الازمة ....

طبعا انا مرحتش عند "موقف السلام" من يوم الموضوع بس اعرف ان كله مشي بعد كده تمام ...

فعلا التعامل مع بعض الفئات يندرج تحت قسمين...

القسم الاول: العصا والجزره " هتعمل الصح ولا هتاخد علي دماغك" "شوف الصح مفيش احسن منه" يوم شده ويوم هدوء

القسم الثاني: اللي مبيمشيش الا لما بياخد علي دماغه ولازم يكون تحت ضغط دايما لان لو تركت له الفرصه يفلت من تحت ايدك مش هتعرف تسيطر عليه تاني ....

"انا هنا بتكلم علي فئات معينه عارفينها"

وبانتظار المزيد من المناقشات

رد: الثورة المصرية علي خطي الثورة الفرنسية
 

مع احترامى الشديد ليكم كلكم انا عجبنى الموضوع ومناقشاته بس فى وقت لاقيت ان فى ناس واخدة الموضوع بحساسية والحوار سخن بشكل لا يليق بحوار ولا نقاش ولا اى حاجة
ناس داخلة تتريق على ناس وناس بتكدب ناس وخلاص وناس مش عجبها ردود ناس
عذارا اخوانى الاعزاء جدا جدا جدا ولكن اسلوبكم فى الحوار يصعب معه التداخل او التناقش

رد: الثورة المصرية علي خطي الثورة الفرنسية
 

ال m اخف من العادية بكيلو تقريباً واسهل فى التحكم وابعد فى المدى ( كم كامل ) وبالنسبة للعيارات فيه 5.56 / 5.45mm / 7.62mm
والميرى كله 7.62

معلش بقى انا لعيب IGI وميدل قديم والاسلحة ديه لعبتى سوقسوق :CHUBBY~36: