مصر موتورز مجتمع السيارات - تشطيب الشقة و الديكور

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - تشطيب الشقة و الديكور (https://www.masrmotors.com/vb/showthread.php?t=54189)

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة gadix (المشاركة 407513)

تسلم ايدك يا باشا و الحمد لله ان الاسعار طلعت معقولة مش في العالي اوي زي ما كنت متخيل

بص يا ابو جاد
الموضوع ده نسبي الى حد كبير
ازاي بقى
ممكن الاسعار اللي قلتلك عليها دي تاخدها من صنايعي
وتيجي تروح مكتب ديكور تقوله اعملي الشغل ده يقولك السعر كذا وكذا دي يعني تضرب في 2 أو 3 من الاسعار اللي انا قلتلك عليها
ليه بقى
لان ده صنايعي على قده وده مكتب وعاوز يطلع مكسب وايجار وسكرتيرة وتليفون ألخ ألخ ألخ

نرجع بقى تاني للصنايعي نفسه
تيجي تتفق معاه يقولك اشوف الشغل الاول
تاخده توريه الشغل يلاقي الشقة في عماره في المهندسين يقولك سعر كذا
يلاقي عمارة في عين شمس يقولك السعر كذا

اقتباس:

المشاركة الأصلية كتبت بواسطة gadix (المشاركة 407513)

و انا بشكركم كلكم انا اكبر مشكلة في حياتي اني من الناس الي مبتعرفش تعمل اي حاجة بايدها خالص :THUMBS~113: يعني لما داواية لمبة تبوظ عندي للاسف بجيب الكهربائي فلا تتخيلوا انا مبسوط بالموضوع ده اد ايه علي الاقل بطلع منه بافكار جديدة عليا

اي خدمة ياعم محمد
ولو عاوز اجيلك اعلمك كورس عملي في كل حاجة
الحمد لله اخوك مش بيدخل البيت اي صنايعي غير في الحاجات التقيلة لكن اي صيانه اي حاجة خفيفة بعملها

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة corsair (المشاركة 407565)

اياكم ومكاتب تشطيب الشقة بالكامل

ايام ما كنت بعمل الشقه في اكتوبر ناس اقترحت عليا اني اتعاقد مع شركة تستلم الشقة وتشطبها بالكامل وتتابع العمال وهكذا وفوجئت بأسعار خياليه

يعني لقيته بيكلمني علي شغل النقاشه مصنعيه بس 7000 جنيه

الكرانيش بتبتدي المتر من 25 جنيه لحد 75 جنيه

السباكه 8000 جنيه

الكهربا 4000 جنيه

السيراميك المتر ب 19 جنيه

ده غير عمولتهم

والدي من النوع اللي بيحب يشتري دماغه ولقيته بيقولوه اوكيه الحاج جابلي الضغط ساعتها بس ماشي مفيش مشكله ماهو ابويا بردك

المهم اتفقت معاه علي تشطيب الشقة ديه بمعرفتي وهوفرله ال 3/4 من المبلغ ده

هو طبعا مصدق وقالي بس اي غلطه انتا اللي هتشيل الليله يا معلم قولتله ماشي

المهم في الاخر عملتله متر الكرانيش 3 سنون و نصف دائره وبيت نور المتر ب 9 جنيه

مصنعية النقاشه للشقه بالكامل 2100 جنيه 3 وشوش معجون ووشين دهان

سباكة الماني بالكامل مصنعية 3000 جنيه السباكة الحاجه الوحيده اللي مقدرش افاصل فيها علشان يدي الشغل حقه وديه نصيحة لاي حد انا مبهدلنيش في موضوع السباكه ده قد السباك نفسه لاني كل يوم لازم اغديه يا كفته مشوية يا فراخ مشوية وكنت مدلعه علي الاخر ومصدقت انه خلص شغل السباكه وكنت هطفحه اللي كله هههههههههههههههه

بالنسبة للكهربا كلفتني مصنعيه 1500 جنيه

و بالنسبة للسيراميك جبته من المهاجرين المتر ب 25 جنيه فرز اول كيلوباترا

والدهانات كانت كابسي بس مش فاكر التكلفه دلوقتي واكيد طبعا اتغيرت التكلفة للاعلي

وطبعا اتفحت في الشقه ديه 5 شهور بالكامل في عز الحر وربنا يرحم ال 128 اللي كنت بحملها اسمنت وجبس علي السقف والشنطة والكابوت العربية كان بيبقي بينها وبين الارض مفيش 5 سم

بالشفا يا ابو دنيا
اديك بتتعلم علشان تبقى تبني البيت طوبة طوبة من الاساس
444546444546444546

فكرة مكاتب التشطيب دي كنت هعملها من حوالي 6 سنين في الشروق والعبور بس الفكرة اتلغت لن اللي كان هيبقى معايا خلع

رد: عن تجربة - تجارب وخبرات فى شتى مناحى الحياة

شكر وتقدير
ايه دة ايه دة ايه دة ؟؟؟!!!!!
هو انا كل ما أغيب شوية ارجع ألاقي موضوع جامد كدةyesyes
موضوع جامد جدا و أكثر من رائع جزاك الله عنا خير الجزاء يا أستاذ أحمد يامبدع ( كالعادة ) , بس هو الموضوع دة علشان الانتخابات فعلا ولا ايه؟:CHUBBY~36:
طب ياريت نعمل انتخابات كل أسبوع علشان تعملنا حاجة جامدة كدة على طول:14369D~149:
بس واضح إن فيه ناس احتلت الموضوع:bat_467: هما عارفين نفسهم طبعا و أنا مش حاقول أسماء
ماشي يا محمد يا علي انت و أبو الاسعاد !!444546444546
المهم الموضوع قلب على مقاولات تشطبيات مش عارف ليه بس كله خير
كان نفسي ألاقي وقت احكيلكم على مصايب ( قصدي تجارب ) كتير ليا بس يا خسارة وقتي ضيق شوية اليومين دول
و بعدين أنا كل ما أقرا حاجة على التشطيبات اتعقدANAA7TGANAA7TGANAA7T G لأني خذت مجموعة كبيرة جدا من المقالب في شقتي و أنا باشطبها و للأسف لها ذكريات أليمة جدا بحاول أنساها و أتعالج منها لحد دلوقتي
أشكر الجميع على المساهمات الفعالة و قريبا أوافيكم بالتجارب إن شاء اللهROSE4UROSE4UROSE4U

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة sad-bird (المشاركة 407623)

ولو عاوز اجيلك اعلمك كورس عملي في كل حاجة
الحمد لله اخوك مش بيدخل البيت اي صنايعي غير في الحاجات التقيلة لكن اي صيانه اي حاجة خفيفة بعملها

تسلم يا باشا في البيت التاني ان شاء الله هسألك قبل ما اعمل اي حاجة
و ربنا يستر و مراتي ماتقراش الكلام ده :)

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة sad-bird (المشاركة 407629)

ده اكيد امه داعياله يا محمد يا علي اللي خلع منك ده هههههههههههههههههههه

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة aboelesaad (المشاركة 406345)

مش عارف لي حاسك قاعدلي تعترض و خلاص
ههههههههههههههههههههههههه ههههه

حبيب قلبي و الله يا حماده

بس فعلا الافكار دي مكنتش مربوطه بالبيوت " كل حاجه كانت بتتعمل في المنشات العاليه زي المصانع " لان اساسا كنا رابطنها زي ما بتقول بالتكييف و خلاص المهندسين مكنوش علي قد التفكير و الثقافه بتوع دلوقتي ومكنش في تبادل معارف زي دلوقتي
وبنفس الوقت مكنش له الحاجه زي دلوقتي يعني الجو زمان مكنش زي دلوقتي ضروري فيه التكيف و العزل كمان

فمكنش في حاجه اسمها لا عزل حراري ولا يحزنون انت كنت تحمد ربنا اوي انك ساكن في بيت 5 ادوار يااااه ده ابتكار عجيب

زمان كان في حاجات كتير الانسان بيقف قدامها ميعرفش يحلها دلوقتي لا خالص

موضوع جميل و مفيد و يستحق الشكر و الثناء لصاحب الموضوع و لجميع المشاركين ، و جزاكم الله خير عنا (خيركم من تعلم العلم و علمه).

الاخ العزيز أبو الاسعاد:
كأخ اود التعليق على رسالتك
هل حضرتك فعلا مهندس ؟ أى خريج احدى كليات الهندسة؟ (حتى تحكم على المهندسين!!!!!)
لو حضرتك خريج احدى كليات الهندسة ، دفعة كام؟
لان كل قواعد و اصول و علوم و انواع العزل الهندسية تدرس من زمن (من قبل ولادة اى منا ان او انت او حتى احد المشاركين فى المنتدى) ،

إن التطوركان فقط فى طبيعة المواد المستعملة للعزل و سهولة و طرق استعمالها و خلافه.

الذى تغير هو ثقافة الناس ، و اهتمامها بالرفاهية و تغير النظرة للكماليات و الاساسيات و ليس معرفة المهندسين او تفكيرهم و ثقافتهم.
ناهيك عن تغير الثقافة الاستهلاكية للشعب المصرى.
اخى الكريم لا تنسى ابدا ان المهندسين المصريين السابقين لنا من الابرع على مستوى العالم.
و نتيجة للانخفاض مستوى التعليم فى مصر فان مستوى جميع الخريجين اسوأ من الاجيال السابقة التى لا تعانى اى قصر فى التفكير او الثقافة.
عذرا للإطالة و لا اقصد المساس بشخصك ، بل هى قضية ثقافة عامة جديدة على المجتمع المصرى ككل.

رد: عن تجربة - تجارب وخبرات فى شتى مناحى الحياة

اقتباس:

المشاركة الأصلية كتبت بواسطة The MERCURY (المشاركة 408302)

اولا احب اشكرك علي المشاركه
ثانيا " انا مهندس بالفعل شعبه مدني ديزينر اساسات واشتغلت باكتر من شركه من المقاولين العرب فرع الدلتا بطنطا وشركه الدلتا للصناعات الكميائيه بالمنصوره

وشركه طنطا للبترول "بعون الله عن قريب "

حاليا بدرس كورسات في مجال تخصصي في جامعه المنصوره " دراسات خاصه " وهي ما بين الدراسات العليا وبين الدراسه العاديه

بالنسبه لكلامي
انا خصصت كلامي علي مصر و ده كان قصدي
يعني اقل مثال الموبايل اخُترع من قديم الازل و مجلناش في مصر الا في التسعينات وكان زي الشبشب علي النقيد في دول اوروبا كانو اخترعو اصغر موبايل
قصدي اننا بيوصلنا التكنولوجيا متاخر و الافكار متاخر لسببين
الاول اننا نفتقد العلم " وده سبب تقدم الغرب "
ثانيا طبيعه مصر زمان كان جو قمه الاعتدال لا محتاج تكيف ولا محتاج عزل غير اساسا كان معدل الرفاهيه صغير و مقتصر علي ناس معينه
انا مقصدش ان العالم كلو متخلف و مكنش في افكار
والمهندسين المصريين " الفراعنه " هما من ابتدعو العلوم الهندسيه
بس دلوقتي بقي العكس
احنا ولا حاجه و الغرب كل حاجه " ودي الحقيقه "
اتمني اننا ندل الحقيقه دي و نرجع زي زمان مناره العلوم

اتمني الاهتمام بالمبتكرين والمخترعين " امنيه من القلب فعلا "

بالنهايه
تقبل خالص تحياتي واحترامي