|
رد: شركة قناة السويس للتامين عرض تامين متميز جداا
شكرا ليك اخى سيف الدين على مشاركتك ومعلوماتك القيمة
|
رد: شركة قناة السويس للتامين عرض تامين متميز جداا
السلام عليكم اعضاء مصر موتورز اشكركم على الثقة الكبيرة احب ان انوه لكم عن ان استهلاك قطع الغيار لو صلحت فى قناة السويس لصيانة السيارات نسبة الاستهلاك 3% فقط و ليس 10% مثل اى مكان اخر + انك مش هاتدفع فلوس الاصلاح و شكرا ليكم
|
رد: شركة قناة السويس للتامين عرض تامين متميز جداا
اقتباس:
السلام عليكم يا بشمهندس انا امنت السنة التانية في شركة قناة السويس للتامين علي العربية بنسبة تحمل 4 في الالف بس لما كنت مامن السنة الاولي في كونتكت اخذت منهم كتاب مكتوب فيه تفاصيل الحوادث اللي المفروض يكون عليها التامين بس ملقتش الحوار ده في قناة السويس للتامين فانا دلوقتي مش عارف هل نسبة تحمل 4 في الالف هتكون علي اي جزء في العربية يحصل فيه مشكلة ولا حضرتك شايف ايه وهل لو لا قدر الله خبط واحد وكان الخطا مني انا هل كدا العربية بردك هتتصلح عن طريق التامين ولا ايه |
رد: شركة قناة السويس للتامين عرض تامين متميز جداا
السلام عليكم اخى
اولا التحمل 4 فى الالف ثابتة على مبلغ تامين العربية 4 جنية على كل الف يعنى لو مبلغ تامين العربية 100.000 يبقى تحملها ثابت 400 جنية فى كل حادث تدفع مثال لو العربية الى ب 100.000 عملت حادث تكلف 7000 جنية يبقى التحمل 400 جنية و لو الحادث تكلف 40.000 جنية يدفع برضة 400 جنية لكن يوجد حاجة اسمها نسبة استهلاك قطع الغيار و تقدر ب 10% من قيمة الثمن لقطع الغيار يعنى لو التوكيل اشترى حاجات ب 1000 جنية يتحمل المؤمن 100 جنية اما لانك فى قناة السويس فا لو تم الاصلاح فى قناة السويس لصيانة السيارات نسبة الاستهلاك دى 3 % فقط يعنى ببلاش تقريبا ما عدا البطارية و الكاوتش 15% اتمنى انى اكون افدتك يا استاذى و الكتيبات موجودة لو تحب ابعتلك و متصور فيها التوكيل و كل شىء بالمعلومات |
رد: شركة قناة السويس للتامين عرض تامين متميز جداا
ربنا يباركلك يا بشمهندس عمرو وبجد انا مش عارف اشكرك ازاي ربنا يكرمك ويديك الصحة وبجد انا ارتحت جدا لما امنت في الشركة ديه لاني بجد كنت مخنوق من حاجه اسمها تامين كونتكت كارز بس بجد شركة قناة السويس ديه شركة محترمة جدا ومعلش هتعب حضرتك معايا وياريت ترفعلي الكتيبات ديه يبقي كدا ابقي عاجز عن الشكر
|
رد: شركة قناة السويس للتامين عرض تامين متميز جداا
الف شكر ليك استاذى من عنيا هارفعهالك قريب ان شاء الله و تبقى للاعضاء بالمرة و ممكن تسال كمان بعض الاعضاء الى مامنين معيا عن التعويض و قوة مركز صيانة قناة السويس لصيانة السيارات لانهم امنو فعلا و منهم من عوض اكثر من مرة
|
رد: شركة قناة السويس للتامين عرض تامين متميز جداا
ماهو انا مامن في شركة قناة السويس للتامين اللي في المهندسين وناس محترمين كلهم ويا ريت كنت اتشرفت بمعرفة حضرتك قبل ما امن كمان كنت هزداد شرف وممكن اسئل حضرتك سؤال هل ينفع اعمل صيانة للعربية عندي في المركز ده ويتعملي تخفيض علي قطع الغيار ولا ايه انا عربيتي فيرنا موديل 2009
|
| الساعة الآن 03:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017