رد: نهاية الجمعيه المصريه للتامين
 

حسبى الله من الجمعية ومن كل النصابين اللى دايرين فى البلد من غير رابط ولأ كبير _فالحين بس يتشطروا على واحد متعلم أو طالب جامعى وسايبين الحرامية الخمس نجوم دول يسرقوا ويهربوا برة البلد ...مؤتمر أيه اللى هأيعملوا فى شهر يناير ده ويعلنوا منه عن سداد الديون (ده كله كلأم أونطة بدليل أحنا اهو فى اخر فبراير ومفيش حاجة )كل شهر وكل مرة هو هو نفس الكلأم (أول الشهر نص الشهر أخر الشهر )عألم نصابة وحكومة ولأبتعمل أى حاجة والكل سأكت ولو فتحت فى الكلأم وغلطت يودوك فى دأهية -كل واحد بيعمل اللى هو عايزه وبينصب ويسمموا الشعب ولأحد بيتكلم .
عاملين زى الجيش مأبيقول أعمل الى أنت عايزه بس مأتورينيش ديلك لأنى لو شفته هأقطعه !!!!!!!!
لأ وأخر المتأمة هأيخلوهم يبدأوا من جديد عشان ينصبوا تأنى على الخلق .
فى انهوا شرع وأنهوا دين وفى أنهوا بلد - داحنا والله بقينا رخاص أوى ولألينا سعر ولأ فى بلدنا ولأفى العالم العربى ولأفى العالم الخارجى .
الجمعية اصبحت خاوية على عروشها ولأ حياة فى من تنادى وشكلنا كدة أضحك علينا وأتنصب علينا .
حسبى الله ونعم الوكيل فى كل مسؤل لأيتأخذ قرار ينصف بيه الناس وحسبى الله ونعم الوكيل فى كل ظالم وربنا لأيبارك فى كل نصاب نهب من الجمعية وهرب عشان يتمتع ويعذب غيره .
الله الوكيل والحرام عمره مأبيدوم واكيد اكيد لكل ظالم نهاية .

رد: الجمعية المصرية للتامين التعاونى ..الله يحرقهم
 

عليك وعلى الهيئة العامة للرقابة على التأمين

رد: الجمعية المصرية للتامين التعاونى ..الله يحرقهم
 

عليك وعلي جهاز حماية المستهلك وصورلهم العقد اللي بينك وبينهم وتاريخ الحادثة والمحضر بتاع الحادثة واي اوراق تانية هما هيقولولك عليها وهتلاقيهم بسم الله ما شاء الله هما اللي هيدورو عليك وفي اسرع وقت هيخلصولك الموضوع ده وبعد كدا تبقي تسئل عن التامين وسمعته قبل ما تروح تشترك فيه

ادخل علي الرابط ده هتلاقي كل عنوانين وتليفونات جهاز حماية المستهلك

http://www.masrmotors.com/vb/showthread.php?t=8126


ويا ريت كمان تشتكي هيئة الرقابة علي التامين علشان البطئ اللي هما فيه ده

رد: الجمعية المصرية للتامين التعاونى ..الله يحرقهم
 

أشكر حضرتك على الرد بس أنا بالفعل توجهت للهيئة العامة للرقابة على التامين اللى فى طلعت حرب وكل اللى حصل أنهم قالوا لى وهات صورة من كل الأوراق اللى معاك وخدت رقم وهو ده كل اللى حصل من شهر سبتمبر ومن سأعتها ولأ حس ولأخبر ولأحياة فى من تنادى .
والله انا حاسس أنى فى صحراء ومفيش حد مهتم بينا فى البلد دى ولأيهموا مصلحتنا !!!!!!!!!!!!!!

رد: الجمعية المصرية للتامين التعاونى ..الله يحرقهم
 

أشكر حضرتك على المشاركة ...طب معلش سؤال مهم -هو جهاز حماية المستهلك هيرد على مشكلة خاصة بالتامين ولأ هيقولوا لى عليك وعلى الهيئة العامة للرقابة على التامين ...يصراحة جهاز حماية المستهلك ده جهاز حكومى نضيف وعجبنى جدا مشاركتهم وتفاعلهم فى مناصرة أفراد الشعب اللى أنضروا من العيوب التى ظهرت فى فتيس تويوتا الجديد وأجبارهم لوكيل تويوتا بمصر على تصليح هذا العيب على نفقتهم .
والله أنا متغاظ أكتر من معرض سمير ريان اللى أشتريت من عنده العربية لأنه هو اللى حسبى الله ونعم الوكيل فيه ساعة ماأشتريت من عنده العربية كأنوا بتوع الجمعية فتحين عنده مكتب وسأعة ماأشتريت العربية على طول طلعوا أستمارة تأمين ليها من غير حتى مأيخدوا برأئى (طبعا ما هو طالع وأكل فى بيع العربية نازل وأكل فى عمولة أستمارة التامين )
وساعة ماجيت أعترض قالى طب ماأنت كدا كدا هأتأمن على العربية ..
فياريت بعد أذنك وبعد أذن الجميع الأفادة فى موضوع علأقة جهاز حماية المستهلك بهذا الموضوع وألف شكر.

رد: الجمعية المصرية للتامين التعاونى ..الله يحرقهم
 

رد: الجمعية المصرية للتامين التعاونى ..الله يحرقهم
 

علي ما اعتقد ان جهاز حماية المستهلك هيفيدك في الموضوع ده بس جرب مش هتخسر حاجه ديه مكالمة تليفون والله فيه الخير يقدمه ربنا وان شاء الله الحق هيرجع لصحابة بس بلغ جهاز حماية المستهلك انك بلغت هيئة الرقابة علي التامين ومعملوش حاجه علشان يقدر يدخل