مصر موتورز مجتمع السيارات - سؤال لملاك الميجان، ليه بتبيعوها برخص التراب

مصر موتورز مجتمع السيارات (https://www.masrmotors.com/vb/index.php)

- رينو ميجان Mégane (https://www.masrmotors.com/vb/forumdisplay.php?f=159)

- - سؤال لملاك الميجان، ليه بتبيعوها برخص التراب (https://www.masrmotors.com/vb/showthread.php?t=1474)

رد: سؤال لملاك الميجان، ليه بتبيعوها برخص التراب

موضوع متميز جدا والافادة فيه عملية ومفيدة :Bravo:

رد: سؤال لملاك الميجان، ليه بتبيعوها برخص التراب

اقتباس:

المشاركة الأصلية كتبت بواسطة خالدخليفة (المشاركة 175968)

انا للاسف لما قريت كلامكم هنا اخدت موقف من الميجان لكن كنت رايح اصلح عربيتى فى الحرفيين وفوجئت فى نفس الورشة العربية اللى قبلى ميجان
وسالته بسذاجة هيا دى عربية ميجان
فقال ايوه
فقلت طيب ودى بتتصلح هنا ازى مفروض دى تتصلح فى التوكيل بس
محدش يعرف يظبطها غيره

فبص لى بطريقة تقول انه حس انى جاى من كوكب تانى
وقال مين قال الكلام ده
قلت له سمعت
مرضيتش اقول انى قريته هنا
قال كله ياباشا بيتصلح
وعلى فكرة العربية موديل 2007 تقريبا
بعدها باسبوع المفتاح الاحتياطى بتاع عربيتى النيسان الصنى ضاع فروحت التوكيل اطلع واحد جديد وسمعت سعر من الغيظ نسيته بعد م خرجت من عندهم المهم روحت لواحد بتاع مفاتيح جنبنا فى الزيتون فعمل مفتاح للعربية وبضرب عينى وانا واقف ادام المحل لقيت الميجان فسالته
العربية دى تبعكو فقال ايوه
فسالت / عايزين تبيعوها
فقال / ايوه
فقلت بس دى فيها عيب خطير
فقال ايه
قلت له انها بتتصلح فى التوكيل بس
فقال ياعم انا مش هبيعلك العربية دى بس لو عندك 20 عربية ميجان عطلانين اصلحهوملك بفضل الله عند واحد حبيبى و ثانيا انا اشترى منك اى عربية عايز تبيعها واعرقك فيها كمان (هيدينى عمولتى يعنى) قلتله كام قال 5 بواكى طيب ولو جبتلك عربية حالتها كويسه فقال لحد 2008 45 الف
فحسبتها بسرعة وقلت ياولاد الحرامية بتستغلو اشاعة طلعت فى البلد والناس صدقتها علشان تبخسو تمن العربية يعنى هيدفع 45 الف ويدينى 5 ادى 50 الف وهيبيعها مش اقل من 60 او 70 يعنى المسالة اشاعة وطلعت و كلنا مشينا وراها من غير سؤال اهل الذكر اللى هما هنا اهل الخبرة
انا حبيت انبه اصحاب الميجان اللى هنا لانى كان من الممكن استغلال الاشاعة واغرائهم ببيع سياراتهم طمعا فى مكسبى الشخصى لكن تذكرت قول الله تعالى
/فأما الزبد فيذهب جفاء واما ماينفع الناس فيمكث فى الارض /
لعل دعوة بظهر الغيب من اصحاب الميجان تكون سببا فى دخولى الجنة
اللهم اجعل هذا العمل ابتغاء وجهك اللهم امين

جزاك الله خيرا :Bravo:

رد: سؤال لملاك الميجان، ليه بتبيعوها برخص التراب

هو حضرتك شايف ان عربية موديل 2005 كاملة اتوماتيك لما تكون 72000 تبقى برخص التراب طب لو قولتلك ان الرينو الميجان فى السعودية نفس الموديل داا بتتباع ب 10000 ريال يعنى 16000 مصرى هتقولى عشان الجمارك فى مصر هقولك ياستاذ دى ملهاش علاقه بالجمارك عمر السياره الافتراضى 100000 كيلو متر يعنى السياره بعد مرور خمس سنين عليها او 100000 كيلو متر بتتباع بنص تمانها انما احنا فى مصر معلش واسف فى الفظ بنستعبط على بعض انا كنت معايا هنا فى السعودية سياره مرسيدس زلموكة كنت شاريها ب 9000 ريال مودبل 92 والناس هنا قالولى انت اضحك عليك دى تسوى 7000 ريال تخيل مجبتش تمن سياره 128 موديل 77 فى مصر المرسيدس دى انا سالت عليها فى مصر قالولى ب130000 طب بالزمة مش حرام ولا احنا غويين نشترى الترمااى تقولى 72 الف برخص التراب انت شكلك عايز تبيع هههههههههههه

رد: سؤال لملاك الميجان، ليه بتبيعوها برخص التراب

اقتباس:

المشاركة الأصلية كتبت بواسطة mohamed alex (المشاركة 296658)

يا جماعة العربية دى بتتباع برخص التلااب عشان مش تبع مميزات عربيات مصر
مميزات عربيات مصر ايه بقى:
1- لازم تكون من غير اير باج
2- تكون قطع غيارها رخيصة وبتبوظ بسرعة
3- مفيهاش تكنولوجيا
4- مفتاح العربية يكون عادى مش مشفر عشان نعرف نعمل منه نسخ وكمان عشان تتسرق بسهولة
5- يجب ان يكون المنتج صينى او كورى
6- ميكنش فيه فرامل abs عشان نعرف نتزحلق فى الشتا
دة اللى انا فاكره لحد دلوقتى وبالتالى الميجان غير مناسبة لمصر

فعلا يا استاذ محمد ده احسن رد على المشككين فى الميجان ....

رد: سؤال لملاك الميجان، ليه بتبيعوها برخص التراب

على فكرة ياجماعة فى ناس بتدخل تبوظ سمعة عربيات لصالح شركات تانية ( طريقة من طرق التسويق للمنافسين ) وانا شاكك ان فى واحد هنا بيتبع الاسلوب دة مع العربية الميجان لانى قرأت كل تعليقاته فى المنتدى ( مش وراة غيرها ) ودى مش طريقة طبيعية لحد معاة عربية ومش عجباة مع ان فى ملاك للعربية ردو علية واثبتو ان الكلام بتاعو مبالغ فية جدا وغير صحيح ومعرفش يرد عليهم . ادخلو على اى موضوع يخص الميجان هتلقوة جوة بيشتم فيها ... ونصيحة منى لو عايز تعرف حاجة عن العربية اسأل حد تعرفو معاة العربية او وقف حد واسأله

رد: سؤال لملاك الميجان، ليه بتبيعوها برخص التراب

ممكن بس استفبد بحبرتكم انا دلوقي اجيب ميتسوبيشي لانسر ولا ميجان 2005 انه واحده هتريحني في السفر

رد: سؤال لملاك الميجان، ليه بتبيعوها برخص التراب

اقتباس:

المشاركة الأصلية كتبت بواسطة ADHAM ElMAlAWANY (المشاركة 886209)

ممكن بس استفبد بحبرتكم انا دلوقي اجيب ميتسوبيشي لانسر ولا ميجان 2005 انه واحده هتريحني في السفر

اللانسر افضل لانها فئه اعلي