مصر موتورز مجتمع السيارات - استفسر عن دهان سيارتك !!!!!!!

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استفسر عن دهان سيارتك !!!!!!! (https://www.masrmotors.com/vb/showthread.php?t=103983)

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة smsmxxxxxx (المشاركة 837758)

استاذ ايمن اولا اشكرك جدا على تعاونك معانا
انا متابع معاك من اول الموضوع علشان كنت برش عربيتي واستفدت جدا من اجاباتك على اسئلتى
بس للاسف الصنايعي بتاعي مطلعش عنده ضمير خالص
انا اخترت بوية اوميجا على اساس تبقي رخيصة ومتتسرقش

ومش هتصدقوا ان الصنايعي علشان يسرق منى كيلو فيلر ب 37 جنيه خسرني 1800 جنيه

الصنايعي بدل ما يرش فيلر رش دوكو رصاصي لون زى الفيلر بالظبط وبعتني للكابينة
والعامل وهو بيرش بصينا لقينا البوية بتقطق بلغة الصنيعية فوشت
جه الصنايعي اتخانق معاه وقاله كان المفروض تحط مصلب على البوية وراح عامل الوش الثاني بالمصلب وبرضه فوشت
فصاحب الكابينة جه وقال ان العلاج الوحيد اننا ترشها ورنيش وبعد كدة تتسحق وتترش بوية تانى وورنيش وتم فعلا اللى قاله صاحب الكابينة
بس للاسف الصنايعي علشان ميخسرش بدل البوية الفرن رش دوكو رصاصي وعليه ورنيش
فطبعا انا كنت عايز لون فضي لامع ميتاليك وهو عملها رصاصي فاتح
فطبعا شكلها مش عاجبني خالص وكمان البوية فى الكبوت اتشققت من تحت الورنيش
واحلي نكتة ان انا مديله لحد دلوقتى 1700 جنيه وبيتصل بيا علشان ياخد ال 100 جنيه
وبيقولى لو فيه غلطات يصلحها عنده فى الورشة من غير كابينة وبالبوية الدوكو فطبعا انا رفضت

فانتا يا استاذ ايمن رأيك ايه فى الموضوع ده واغير لون العربية ازاى
هل لازم اجيبها على الصاج تانى علشان اضمن ان البوية الجديدة متشققش ولا اعمل ايه

اولا انا حزين للي حصل معاك وده اللي احنا بنعاني منه في البلد حاليا انعدام الضمير والسرقه
المهم في حلين
اولا : ده حل جذري بس مكلف انك هتشيل العربيه تماما علي الصاج وتتأسس العربيه من جديد معجون وده طبعا هيكلفك مش اقل من 1800 جنيه تاني وده اللي مفروض يتعمل

ثانيا : حل مؤقت بس العيوب هتظهر مع دخلة الصيف وهو
المفروض البيه الصنايعي
1- بصنفر البويه الدوكو كويس والعك اللي اترش فوقيه
2-ويجيب 2كيلو فلر بالميت ويستبدل المصلب بتاع الفلر بمصلب اسكنز علشان ينشف الفلر اوي علشان المصلب العادي مايع
ويكبس العربيه كلها فلر علي قد ما يقدر
3-ويرشها بويه فرن في الكابينه عادي بس يستبدل مصلب الورنيش بمصلب اسكنز ويقلل نسبه التنر المستخدم في الرش للنص
4- الرش يكون يوم السبت بليل وتكون اخر عربيه تترش علشان تبات ليوم الاتنين تنشف براحتها من غير ما يشتغل السخن عليها علشان السخن هيهيج الدنيا تاني
5- وخلي بالك الصنايعي بتاعك وصنايعي الكابينه هيظبطوها مع بعض علشان سوري في اللفظ يلبسوك العربيه
للأسف الصنايعي بتاعك زي ما بيقولو متآمر واهبل يعني معرفش يداري علي مصيبته من الاول

6- ده انا لما باخد المبلغ ده من الزبون بعمل مزيج من الاوميجا وبعض الانواع الاخري لضمان البويه تقعد اكبر وقت ممكن وممكن اضمنهالك 5سنين علي الاقل
زي مثلا الفلر اجبله مصلب محترم زي الاسكنز حتي لو فلر اوميجا او الاوحش ميدو
والبويه المط عادي مفيهاش مشكله
الورنيش بقي بجيبو جنرال او كابسي بالتنر بتاعه والمصلب بتاعه واجيب لتر الا ربع مصلب سكنز يحمي العربيه ضد عوامل الجو وتنظيف العربيه بالجاز او الفوطه الزفره او الخرابيش الخفيفه

معلومه تانيه الصنايعي بتاعك مش هيعرف يعالج العك بتاعه وعيوب عربيتك هتظهر اول ما الحر يبدأ

انا مقدر موقفك وحسبي الله وياريت تبعتلي نوع عربيتك ايه

رد: استفسر عن دهان سيارتك !!!!!!!

عربيه 127 ترش بره وتاخد بلاك من جوه ومن تحت تكلف اد ايه

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة موديز ريو 2013 (المشاركة 837206)

السلام عليكم ورحمة الله وبركاته استاذ ايمن
اشكرك بجد على اهتمامك بان حضرتك ترد عليا وعلى جميع المشتركين بالموضوع
انا فعلا لما اقوم بغسلها اغسلها فى الصباح عندما تكون الشمس خفيفة ثم اقوم بمسحها على طول بعد الغسيل ثم استخدم الواكس هل يوجد اى نوع جيد ؟ انا استخدم ابرو صنع فى امريكا (علبة صاج)
هل يوجد اى مادة لتغطية السيارة بها لحمايتها اثناء السير بها على الطرق السريعة لتفادى حبات الطوب الصغير التى تخدش البادى للسيارة؟

السلام عليكم ورحمة الله وبركاته
استاذ ايمن فى انتظار ردك عن سؤالى السابق ان امكنك وشكرا جزيلا على وقتك

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة موديز ريو 2013 (المشاركة 838217)

السلام عليكم ورحمة الله وبركاته
استاذ ايمن فى انتظار ردك عن سؤالى السابق ان امكنك وشكرا جزيلا على وقتك

الابرو طبعا جيد جدا انما المواد اللي بتحمي من حصي الطريق دي بصراحه مش عندي خبره بيها ممكن تستعين باحد خبراء الكار كير وممكن تلاقي معلومات علي النت بخصوص الموضوع ده

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة wesby (المشاركة 838180)

عربيه 127 ترش بره وتاخد بلاك من جوه ومن تحت تكلف اد ايه

1400 جنيه لو لون ساده وخلي بالك المفروض بعد ماتاخد بلاك بتاخد لون العربيه فوق البلاك

رد: استفسر عن دهان سيارتك !!!!!!!

ايمن باشا ..

اولا احييك جدا على موضوع الرائع ونصائحك المميزه التى تنم عن خبره واسعة فى مجال طلاء السيارات ما شاء الله .. جزاك الله عن كل ما تفيده بخبرتك كل خير ...

دلوقتى يا باشا انا معايا عربية هيونداى افانتى موديل 97 لونها فضى ميتاليك ودرجه لونها اللى مكتوب فى الكبوت OU ..

هى كانت رشه قبل كده بس اى كلام خالص .. وكانت متبهدله شويه وخصوصا وش العربية ..

وديتها للسمكرى من اسبوعين ولسه موديها للبوهيجى النهارده ..

هى اتعمل فيها شغل خفيف فى الدواخل .. جبت قطعيه اماميه استيراد واخدت السدر بتاعها وقطعت السدر بتاعها لانها كان مردود قبل كده ولو اترد تانى هيقى ضعيف والفروقات ممكن متتزبطش اوى .. مع العلم ان السدر اتلحم بدون مس شاسيهات العربية .. واللى ملها سمكرى ما شاء الله عليه عشره على عشره ..

المهم القطعيه اللى جبتها كان لونها زيتى .. والبوهيجى جرد اللون الزيتى ده كله وهيرشه فضى

طبعا انا عاوز الفيلم ده ميبانش فى البويه خالص زى ما هو مش باين فى السمكره كده .. ايه اللى المفروض يتعمل ؟؟

بالنسبة للاتفاق فهو هياخد 2300 جنية (بعد الفصال) شامل كل الخامات .. وده علشان سدر العربية بالجزء اللى تحت الرفارف .. والكبوت من جوه علشان لونه نبيتى .. والعربية كلها من بره .. وانه هيرش بويه ألمانى ودى على حد قوله افضل بويه فى السوق وافضل قليلا من الفرنساوى .. ايه رأى حضرتك فى الكلام ده ...

انا اللى طالبه ان العربية تبان ليها زهوه وتطلع زى الفابريكه بالظبط وملاقيش فيها تعريج او كده .. مع العلم انى مغير كبوت ورفرفين واكصدامين والابواب كان فيها شغل بسيط اوى واتعمل ..

انا عاوز درجه لون العربية الاصلى OU وتبقى ليها لمعه كده وزهوه ..

تنصحنى بإيه يا استاذ ايمن اخد بالى منه وانا بتابع العربية ..

هو قالى على يوم السبت يكون خلص الدواخل والعربية اعتقد تكون خدت فلر من بره وترجع للسمكرى تانى علشان يظبط لو محتاجه دقه او تظبيط اى حاجه تانى وبعدين ترجع تانى علشان تترش ..

ايه راى حضرتك

رد: استفسر عن دهان سيارتك !!!!!!!

من فضلك محتاجة كود الدهان للعربية شاهين نبيتى وشكرا مقدما