رد: بتحب انهى مدرسة فى صناعة السيارات
ptmnlo123per1106 فادى سكت
|
رد: بتحب انهى مدرسة فى صناعة السيارات
اقتباس:
أعتقد اننا قلت كل اللى عندى فى هذا الموضوع و مقالة الويكيبديا نصفتنى, صحيح انها كتبت بشكل متحيز الى اليابان كالعادة فى وطننا العربى للأسف(يا ريت لو عندنا نصف هذا التحيز و الاعجاب ببلدنا), لكنها ايدتنى فى عدة نقاط: - اليابان كل صناعاتها استهلاكية, لا يوجد أى صناعات استراتيجية حربية أو متقدمة مثل الدول الكبرى (امريكا, روسيا, فرنسا, بريطانيا). - اليابان أخذت التكنولوجيا الأمريكية, و الجودة التى يشتهرون بها كانت نتاج للخبرة الامريكية, أمريكا هى التى علمت اليابانيين الجودة, و أذكر أن معايير الجودة لدى تويوتا علمها لهم الجيش الأمريكى أثناء صناعة اللاند كروزر. نقطتين كمان لازم أضيفهم, البروباجندا الاعلامية صورت لنا الشعب اليابانى على انه شعب نشيط و يهوى العمل, الحقيقة : الشعب اليابانى مجبر على العمل لأن سياسات الحكومة و الشركات هناك تضغط على الموظفين بشكل دائم, لدرجة أنه فى بعض الاحيان يعمل اليابانى المسكين لوقت مضاعف فقط للحفاظ على وظيفته أو للحفاظ على مستوى راتبة, الشركات اليابانية تضغط على موظفيها بشكل قاسى, و لا يوجد أدنى احترام لقوانين العمل أو حقوق العمال, لدرجة أن ذلك تسبب فى مشاكل صحية للعمال, انظر الى هذا التقرير الذى ينقل لنا صورة عما يحدث فى هذه البلاد التى يبدو ان قوانين العمل و حقوق الانسان لم تصل اليها بعد : http://www.alriyadh.com/2008/06/20/article352195.html اقتباس:
اقتباس:
الصين, اليابان, كوريا , كلها بلدان لا تحترم أبسط حقوق الانسان, فالانسان هناك هو مجرد ماكينة تعمل لكى تدر دخلا و تساند اقتصاديات الدول الغربية! من عبودية و سخرة واضحة و بجحة فى الصين, الى عبودية ناعمة و ماكرة فى اليابان و كوريا! |
رد: بتحب انهى مدرسة فى صناعة السيارات
استاذ فادي
مين البلدان اللي بتحترم حقوق الانسان من وجهه نظر حضرتك اولا براحه كده سيبك من امريكا الجنوبيه تماما و الشماليه و استراليا و اوروبا الغربيه و الفريقيا و الدول العربيه و جنوب اسيا و الهند و الصين ده قبل ما نبدا اصلا و عندي مئات بل الاف الوثائق التي تدل على هذا في كل الدول السابقه هيتبقى مين دول القوقاز و البلقان و اوروبا الشرقيه ووسط اسيا و شرق اسيا مين الدول الديه دول شرق اسيا كوريا الشماليه و ديه ارميها برضك بالجزمه كوريا الجنوبيه و ديه شرحه و اليابان دول وسط اسيا و القوقاز منغوليا تاريخيا زي الزفت بس دلوقتي اسأل مجرب كازاكستان اوزباكستان تركمانستان كيرجستان طاجيكستان دول كلهم زي بعض وضع اقتصادي سي بس متنامي و معظمهم فئه اقتصاديه واحده و مفيش اضطهاد نيجي لكارثتين اضطهادينين افغانستان و باكستان مش عايز اقول اللي شفتهم عليه في ايامنا هذه و في ايام طالبان ياريت ترجع طالبان تاني المهم عشان منرحش في داهيه جورجيا ازريبيجان ارمينيا كل واحده من جواها مليانا اضطهاد بس على الحدود كله كويس ندخل على روسيا حاليا مفيش خالص بس الحرب دمرت الجنوب المسلم شيشان و انجوشيا وداغستان و بدأ فعلا اعاده اعمار لما دمر في انجوشيا و داغستان و لسه شويه في الشيشان بس من جوه روسيا في دلوله البلغار و هي اسلاميه و تعيش حياه رائعه كدولتي تترستان و باشكورتستان الاسلاميتين اسف على كل هذا و الذي لا يوجد به اي علاقه بالعنوان الاساسي و لكن وجدتها فرصه بسيطه لاوضح لكم ان اليابان و روسيا و اوكرانيا و بولندا و بيلاروسيا و السويد و فنلندا هما اكثر و اهم دول في العاميين الماضيين في احترام حقوق الانسان |
رد: بتحب انهى مدرسة فى صناعة السيارات
بصراحه انا استفدت جدا من المناقشات ...
وكان في حاجات كتيره مش عارفها ظهرت من خلال المناقشات و رحله البحث عن الحكيكه ( ايوه بالكاف ) منكرش ان كان عندي معلومات منقوصه او محتاجه تصحيح ... ودي كانت اكتر حاجه تهمني من المناقشات .... اني اوصل لاوضح صوره و لما لقيت مقال الويكيبديا فضلت انزله بالكامل دون حذف اي مقطع بالرغم من طوله الا اني تصورته كافي و شامل لتوضيح الامور محل الجدال المقال فعلا نصف مهندس فادي في نقاط كتيره و اكد على بعض كلامه ... لكن للأسف مجمل الكلام مجاش على الهوى واخدنا منه بس اللي ينصفنا و الباقي طلع نابع من التحيز العربي الي اليابان ( ليه .... الله اعلم ) امال لو كنت نزلت مقال العربيه كان حيتقال ايه !!! اقتباس:
و اي كلام حقوله حيكون صادر من معلومات مضلله و غير مكتمله ... وده طبعا ناتج من الاستراتيجيه الامريكيه والدعم الامريكي لليابان في سبيل رفع كفاءه المنتج الامريكي عن طريق دعم المنافس تكنولوجيا ptmnlo123per1106ptmnlo123 per1106ptmnlo123per1106 فلتحيا نظريه المؤامره اقتباس:
عاش معتقل جوانتانامو رمز الحريه فليحيا احتلال العراق رمز الديمقراطيه عاش الفيتو الامريكي نصير الشعب الفلسطيني عاش جورج بوش العقل المدبر للازمه العالميه عاشت امريكا محرره العبيد والزنوج من بؤس القاره السمراء عاشت الاستراتيجيه الامريكيه عاشت نظريه المؤامره ptmnlo123per1128ياريتني كنت يــابــــانــي ptmnlo123per1128 هو المخزون الاستراتيجي من البترول فاضل منه اد ايه ؟؟ ptmnlo123per1127 |
رد: بتحب انهى مدرسة فى صناعة السيارات
طيب الموضوع دخل في الاعراق و الانسال و لمسة عنصرية انا عامة مش مقتنع بان فيه حد اتولد احسن و اذكي من حد ،، باختصار اعتقادي الدائم ان الناس ،، 10% عباقره بالفطرة 10% اغبيا بالفطرة 80% عاديين مجرد ناس لو اتحطوا في ظروف كويسة هيبقوا كويسين لو اتحطوا في ظروف سيئة هيبقوا كويسين المهم انا هاحاول ارجع الموضوع لجذوره هاكلم المرة دي مش بصفتي مستهلك سيارات هاتكلم بصفتي محلل سيارات عالمي هههههههههه السيارات الامريكية مش هاكلم عنها لاني معرفشي حاجة عنها و مبهتمش اتابعها السيارات الالمانية فقط هاكتفي بكلمة واحدة سمعتها من صاحب مصنع الماني كلمة Made In Germany تعني الكثير للملايين في هذا العالم و انا مش شايف اي سبب يدعو ان السيارات الالمانية تتراجع او تفقد اسواقها اولا فولكس جروب ابتدت من بدري تقتحم سوق السيارات الواعده فمفيش خوف عليهم انهم ميقدروش ينافسوا في السيارات الرخيصة الموجهه للاسواق الواعده لو عرفنا ان فولكس جروب الاولي في الصين و انها بتبيع في الصين اكتر ما بتبيع في المانيا و احدث الاخبار ان شهر يناير الحالي كان لاول مرة مبيعات السيارات في الصين تتخطي مبيعات السيارات في الولايات المتحدة ،، يعني خلاص الصين هتبقي اكبر سوق في العالم طبعا الرياضي و الفاخر ....... دي الماني مش هنتكلم تاني بالاضافة لفلك اوربي مساند ليها ............. مش شايف ليها مخاطر مستقبلية السيارات اليابانية نتكلم عن العملاق المفتري تويوتا هاقتبس كلمة من كلام ماتيما الناس شايفه ان تويوتا تعني الملل ان هاقول بصراحة ،، انا بتابع لمنتديات مصرية و عربية و اجنبية كتيررررر و ناس كتير جداجدا جدا بيهاجموا تويوتا بضراوة و حتي اللي بيشتروها ،، مبيقولوش بيشتروها ليه غير لانها تويوتا ،، و ممكن تقروا مواضيع زي تويوتا و الفشل الذريع و الاراء دي مش مصرية بس لا كمان خليجية و امريكية حتي اسطورة الاعتمادية اللي صنعتها تويوتا ناس كتييييييييييييير بيهاجموها من ناحيتين اولا: رغم ان تويوتا مبتكرة فكرة الاعتمادية و الاهتمام بيها و هيا اللي علمت الدنيا كده الا ان الشركات التانية كلها اتعلمت منها و مبقتشي حكر عليها يمكن قرينا قريب اعلان فورد اللي بتفتخر فيه صراحة ان اعتماديتها زي تويوتا من الاخر الاعتمادية مش حكر علي تويوتا فقط ثانيا : تويوتا نفسها بقه ليها هفوات كتير متخيلهاش رمز الاعتمادية ،، غير الريكولز ،، مبدأ التصنيع العالمي في شرق اسيا و جنوب افريقيا و استراليا و امريكا و اوربا فلازم عشاق الياباني يعترفوا بالتحدي لازم تويوتا متكتفيش بالسيارات العادية قليلة الاعطال مبقتشي ميزة في هذا العصر السيارات الكورية اللي ميعرفهوش كتير ان التحدي الحقيقي و عنق الزجاجة للسيارات الكورية اقصد بها هيونداي-كيا هيا اقناع الناس انها براند يستحق دفع الاموال ليه لان الفترة السابقه مستويات الجودة - التطوير ارتفعت بشكل غير مسبوق و ده اكيد مش ببلاش فيأما الناس تقتنع و يبقي خلاص كده عدت و يأما ميقتنعوش و يبقي معاهم ربنا السيارات الايطالية - الفرنسية ( بيجو -ستيروين فقط ) بصراحة مش عارفلهم هما ييقعوا خالص ،، يا يعيشوا ياما يفضلوا زي ما هما عايشين علي اسواقهم الاوربية و كام سوق مرتبط بيهم ثقافيا السيارات الفرنسية ( رينو ) كارلوس غصن ........ طموحه بلا حدود و دول مفيش قلق عليهم مع اتحادهم مع نيسان دول مع نفسهم السيارات الصينية افضل راي اللي قاله سام رام هيعملوا كل حاجة في الدنيا و اتوقع انه خلال عشر سنين هيكون واحدة منهم ( شيري - جيلي - بي واي دي ) من الخمسة الكبار لو مكانشي اعتمادا علي السوق الصيني المتفجر يبقي علي الاسواق اللي هتتفتحلهم ان عاجلا ام اجلا انا شخصيا كمستهلك مستني لما خريطة الشركات الصينية تظهر و تستقر شركة علي انها شركة بتقدم منتجات بجودة معقولة و معندييش مانع اطلاقا اني اكون عميل ليها السيارات الماليزية للاسف انا مؤمن بنظرية م / فادي مش هيكون ليهم نصيب و مش هيتفتحلهم ابواب و شرحه السيارات الايرانية بس انا مبحبش احطهم في نفس النطاق بحس الماليزي اكثر تطورا |
رد: بتحب انهى مدرسة فى صناعة السيارات
بصراحه أنا عاشق المدرسه الألمانيه بالذات مجموعة فولكس فاجن ، فيها كل ما تحتاجه الأمان ، الرفاهيه ، القوه ، التصميم و التكنولوجيا .
|
رد: بتحب انهى مدرسة فى صناعة السيارات
لااحترم فى مدرسة صناعة السيارات غير 3 مدارس
ســــــــوبارو - بى ام دبليو - تويوتا |
الساعة الآن 07:08 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017