مصر موتورز مجتمع السيارات - عايز اشتري سيارة جديدة وقوية

بص ياباشا من الاخر هقولك كل العربيات اللي في متناول ايدك بس كلهم زيرو لانه حرام تدفع المبلغ دا في حاجة مستعمل مهما كان موديلها . هبدا من الاغلى بعد كده الارخص .عندك الكيا سيراتو بس الفاضية مفيهاش ABS بس فيها ايرباج واحد هيا عربية ممتازة بس لو هتجيبها هات فئة على شوية علشان عوامل الامان ومتصدقش اللي يقولك عفشتها ناشفة السيراتو عفشتها ناشفة ع الجنط 17 بس انما باقي الجنوط زي الفل واصلا السيراتو التوكيل مش بتنزل بجنط 17 دا الخليجي نازل بالجنط 17 .عندك الصني الجديدة عربية حلوة لكن شكلها معفن وخاماتها زي الزفت وفي مناطق تقفيلها سئ جدا غير كده هيا ممتازة جدا .عندك اللانسر البومة انا مش برشحها ليك علشان عربية قدمت وكمان المبلغ اللي معاك يجيب اللانسر 1300 اللي سحبها اضعف من سحب السلحفاء .عندك هيونداي اكسنت RB ودي ممتازة لا يعيبها غير انها ورقة من بره اي خبطة تعلم على العربية وكمان عفشتها معفنة اوي وواطية وبتحك في المطبات بس غير كده هيا ممتازة .عندك الشيفروليه اوبترا ممتاااااااااااازة بكل المقايييس والله عربية محترمة ونظيفة ورائعة وعفشتها ممتازة وثباتها رائع وقوية واعتمادية فانا ارشح الاوبترا انك تجيبها وسيبك من اللي بيعيب عليها دا عمره ماشافها اصلا .عندك البروتون جين 2 والبيرسونا والساجا كمان عربيات ممتازة لا يعيبها غير التوكيل الزباااالة وقطع الغيار الاغلى من قطع غيار المرسيدس والبي ام دبليو فدول شيلهم من دماغك خاااااالص .عندك رينو لوجان عربية ممتااااااازة بكل المقاييس وقطع غيارها انتشرت بالهبل دلوقتي لا يعيبها غير اماكن الزراير لكن مع التعود هتبقا الحكاية فل وانا انصحك بها .عندك الفيرنا عربية موتورها جباااار شكلها حلو لكن واطية وبتحك في المطبات وثباتها سئ على السرعات العالية ومن بره ضعيفة جدا .عندك اللانوس سيئة جدا خاماتها زفت وتقفيلها زبالة وواطية والدركسيون ملوح شمال حاجة زفت لكن قطع غيارها منتشرة واعادة بيعها ممتازة .يبقا كدا عندنا اللوجان والاوبترا بص ياباشا العربيتين دول ممتازين بس انا انصحك باللوجان علشان ارخص مع ان كماليتها اكتر وفي نفس الوقت علشان توفر فلوس مصاريف الكلية وكده يعني واي استفسار انا تحت امرك وتقبل تحياتي