رد: اللى عنده مشكله فى كنترول عربيته يقولى ؟؟؟
 

حضرتك اكشف علي الفتيس بجهاز الكومبيوتر بتاع العربية الاصلي وقولي الكود اللي هيطلع ايه وانا هقول لحضرتك تعمل ايه ومتخافش كل حاجة للعربية موجودة - دا في حالة اننا هنغير لكن ان شاء الله كله هيبقي سليم وهتتصلح ان شاء الله

رد: اللى عنده مشكله فى كنترول عربيته يقولى ؟؟؟
 

معلش سؤال رخم هو الفتيس القديم عندك ولا الراجل خده

رد: اللى عنده مشكله فى كنترول عربيته يقولى ؟؟؟
 

انا كشفت 3 مرات فى 3 اماكن مختلفة ... والرسالة كانت poor transmission gear number 4

.... وفى واحد فيهم فاهم شوية جاب كود العطل وكشف فى الكومبيوتر عنه وقالى المشكلة فى السنسور او السويتش او الكنترول ... و عليه رحت للعالمية----> غيرنا المشط بتاع الفتيس المشكلة زى ما هيا ... غيرنا الفتيس كله وبرده زى ما هيا ... فكينا الكنترول ووداه لواحد تبعه وصلحه واستملت العربية بس باظ تانى بعد 20 يوم .... يعنى المشكلة فى الكنترول ... بقالى كتير فى الحوار ده ومتأكد انها من الكنترول

رد: اللى عنده مشكله فى كنترول عربيته يقولى ؟؟؟
 

يا باشا اسأل براحتك لا رخم ولا اى حاجة ^__^

لا طبعا عندى ده 2009 وبعدين انا دفعت 3000 تمن التانى والفتيس بتاعها اصلا اكيد احسن من التقطيع ده .. جالى ليه كذا بيعة بس انا مستنى لحد ما المشكلة تتحل والعربية تتصلح عشان لو احتجت منه حساس او اى قطعة واضمن نفسى وبعد كده هبيعه انشاء الله .....

رد: اللى عنده مشكله فى كنترول عربيته يقولى ؟؟؟
 

معلش انا اسف من فضلك اديني الرقم المكتوب علي الفتيس القديم لان في موديل 2009 فيه نوعين من الفتيس ركبين في العربية
سيدي الفاضل انا عارف شكل كشف الكومبيوتر بره عامل ازاي - انا بقول لحضرتك دور علي حد عنده جهاز العربية الاصلي يقدر يدخل علي الفتيس الاتوماتيك ونعرف العيب فين - بعيد عن التوكيل طبعا.
بنسبه 99 % العيب في الفتيس مش في الكنترول - وياريت تقول لي هو عمل ايه في الكنترول بالضبط.