مصر موتورز مجتمع السيارات - لماذا اشتريتك يا لوجان ؟

يا رب اكون افدتكم زي ما ناس كتير هنا بتفيدنا ..
و الموضوع فعلا محير و خصوصا انك بتشتري عربية موش خلاط يعني و لا مؤاخذة ..
و انا ردودكم الحلوة دي بتخليني اول ما ارجع البيت افتح اللاب توب و بدل ما اشتغل في رسالتي اقعد احكي في حكايتي :fun_36_3_11[1]:
المهم ..نيجي بقى للجزء الاخير ..انطباعتي عن اللوجان بعد سواقتها 500 كيلو..
طيب ..
عايزين ننظم الموضوع ..و نخليه مقارنة مع اقرب عربية منافسة ليها اللانوس ..و منافسة دائما تذكر معاها و هي الصني المانيوال ام تسعين الف جنيه ..
و انا لن اتحدث ميكانيكيا .. انا مستواي اعلى من كده بكتير :ROFL_C~118:
السواقة ..
اللوجان اجملهم ..اللانوس انعمهم ..و الصني في النص
اللوجان تقيلة و راسية على الارض ,, اللوجان سواقتها اوروبي من الاخر
اللانوس بلاستيك كوري
الصني في النص ( لا تقيلة و لا خفيفة ..عاملة زي الافيو كده )
العفشة
اللوجان ناعمة مع المطبات و عفشتها جمييييلة بس علشان عالية فانت حاسس بالطريق
اللانوس واطية لو مركب حد ورا هتحك بالعبيط بس عفشتها موش بطالة و احساس اقل بالطريق
النيسان ... امممم برده في النص..عالية بس موش اوي ..و احساس اقل بالطريق من اللوجان..
صوت الموتور..
عالي في اللوجان ..وده كلام من الاخر ..اللوجان صوتها عالي يا رجالة
اللانوس ليها زنة مميزة بس صوتها اوطى
الصني هنا تتفوق ..ممكن تبقى دايرة وانت موش حاسس..
العزل..
معقول في اللوجان..
مالوش لازمة في اللانوس ..
الصني هنا تتفوق ..عزلها جامد
السحب..
اللوجان سحبها كويس ..موش فيرنا بس موش هيحسسك بأي اختلاف عن اي 1600 سي سي
اللانوس جراية .. و انعم من اللوجان
الصني هنا تعباااانة .. انسى يا عمرو
الثبات ..
اللوجان ثابتة .. و كويسة بس موش اوي في الملفات
اللانوس ..الدنيا ريشة في هوا ..
الصني ..على عكس التوقعات .. خفيفة بس موش لانوس يعني ..بس موش تقيلة و ثابتة و راسية على الارض كده
الشكل ..ده رأيي ..الصني طبعا جامدة بس اللوجان انسيابية انا مبحبش شكلها من قدام و اللانوس لانوس ..
القعدة .. و موش قصدي الوسع..قصدي الراحة في الكرسي
اللوجان كراسيها متعبة ..علشان العلو يمكن ..الكومباكت كله كده..الافيو كده على فكرة
اللانوس قعدتها حلوة
النيسان في النص ..
عايز تفهم قصدي روح اقعد في اللانسر ..جميلة
الوسع ..
اللوجان تتفوق بامتياز.. بحر من جوه و الشنطة كبيرة
اللانوس في النص
و الصني ضيقة ... ايوه ضيقة :hd:
التقفيل الداخلى لخامات التابلوه و الابواب
الصني هنا تتفوق
يليها اللوجان
ثم اللانوس ..
و اللوجان عربية عائلية موفرة و تدعوك الى التوفير
كل حاجة في اللوجان بتقول انهم بيوفروا ..اماكن الزاراير و الكلاكس و منطقة الاير باج الفاضية و لمبة الاشارة و التانك و المفتاح اللي معليهوش علامة ..كله توفير :070104~242:
بس اللوجان البلاك لاين ارحم شوية من العادية..
و موش فقرانة اوي ..عادي يعني
التابلوه و العدادات ..
اللوجان تتفوق و بامتييييياز...
اكتر عربية ال Display بتاعها فكرني بروح قلبي الابيزا ..
جميل .. جميل..
اللانوس .. تابلوه بقاله 13 سنة متغيرش ...
و شرحه الصني ييجي 11 سنة كده .. :ROFL_C~118:
الاوبشن ..
لوجان ثم لوجان ثم لوجان ..
فيها كل حاجة بذكاء شديد من مصممي الرينو..
لمسات جميلة و بسيطة بس مريحة ..
فيها كل حاجة من الاخر..
يليها الصني (ام تسعين الف مانيوال طبعا )
و اللانوس تأتي في ذيل القائمة..
التكييف..
قوي في اللوجان
كويس في اللانوس
تعبان ملة في النيسان ..
استهلاك البنزين ..
اللوجان ملكة التوفير ..حوالي 300 كيلو في الصفيحة
اللانوس بلاعة من 200 ل 250
و النيسان ...ماسورة و ضربت 170 بالعافية في الصفيحة:hech:
الاضاءة ..
اللوجان قوية و نور شابورتها جميل
اللانوس تعبان
و النيسان في النص ..
تقفيل الموتور ..
شيك اوي في اللوجان و غطا الموتور و لا اروع ..
اللانوس و النيسان نكش فراخ من الاخر ..
نور الصالون ..
النيسان تتفوق ..
بس الرينو برضه فيها لمبة ريدينج للي قاعد جنب السواق ..
و اللانوس عادية ..
الامان ..
تتفوق اللوجان تصميميا و تكنيكيا بدون شك..
ثم الصني..
و اخيرا اللانوس
اعادة البيع ..
لانوس ثم لانوس ثم لانوس ..
عربية شكلها متغيرش من 13 سنة و موش هيتغير ..
سعرها معروف لدرجة انها ممكن يتحط عليها بار كود في سوق السيارات :ROFL_C~118:
اللوجان كل شوية بيطلعوا لينا في قصة بلاك لاين و فيس لفت و الكلام ده بيأثر ..
و النيسان تأتي في النص ..مشكلتها انه حالتها و موديلها بيحكم سعرها
يعني قدامي نيسان صني 2010 و عاملة 20 الف ب 70 الف
و قدامي صني 2006 و عاملة 40 الف ب 58الف
موش فارقة ..هي هي العربية
بالترتيب لانوس ثم صني ثم لوجان..

اللوجان عربية جميلة .. عربية اوروبية .. عربية واسعة .. عربية عملية و موفرة في البنزين.. عربية مليانة اوبشن .. عربية عفشتها جامدة ..عربية عليها علامة رينو ..عربية كومباكت ..عربية بسبعين الف .. عربية منتشرة و لسه هتنتشر ..عربية هتاكل السوق لو نزل منها اوتوماتيك..
عربية حكاية
و اهم حاجة ودي ميعرفهاش معظمكم ..
و ده سر خطير
و حصريا لمصر موتورز ..
اللوجان بتطير و تعوم و بتمشي على الحيط ..
و كده ابقى وريتكم اللوجان بجد ..
شكرا لاهتمامكم و اللي عندو سؤال انا موش هتأخر عنه في اي وقت
و طولت عليكم ..
تقبلوا سلامي جميعا ..
:THUMB_~112::THUMBS~220:: HAPPY_~211::wave2W21: